Génesis 34:26 - Dios Iwene

²⁶ Hamornöbi, Shequemnöbi bulabinö lobijadötö. Lobajadö tjöjawuju Dinanö Shequem ejutjö emibö öbibö ȩwa̧jijadötö.

Génesis 34:26 Iomraidhean Croise

Génesis 34:25

Ja̧danö, 'wibekwö lotjaja̧betjö wa̧pötakwa mölebi ina niawö̧ ju̧kwijadötö. Jacob i̧tji̧mu dujutajama, Simeon, Levi, Dina jöpöedöma, jobadö niawö̧ tjuju̧kwobe 'ya̧nö kwakwabakwawö bulabinö lobijadötö, okobe deinö ömadönö.

Génesis 34:27

Ikenama ju'wedö Jacob i̧tji̧mu ömadöma jobe comunidad 'ya̧nö okobe deinö bulabinö lotjajawö̧ tjöba̧jobe baledibö o̧diju okwa tebachibö naukwijadötö okobe jwiinö tjiteaaja̧ma. Balekwa mikwa ja̧bö naukwijadötö, Shequem tjöjawujunö sulabenö, tabalö̧jinö ja̧ina jawa balekwa mikwa.

2 Samuel 2:26

Jemi ikenama Abnerma Joabnö jwöinobe, —Dokwa lekwe ölakwabikwawö dö̧jakwa̧da? Kwomukwatökiji̧, kabatibökönö ölakwabikwawö dö̧jitjö̧ma, isabenö jwiinö do̧'wo tjo̧achakwawakobe, dömöledökwö dölakwabikwawobetjö̧. Jau Joab, ökwödöma okobe deinö yöne dömöledösa, israel jojodösa, dokwa lekwe kwömöayedönö weköbakwa̧da, tjömöledönö lubö kwabawö lotjoböma? Katjatakwawobö weköbodönö, —jö̧ba̧lö jwöinobe Abnerma.

Isaías 31:8

Ja̧danö kwöpöjojodöduwi Asiria jojodönö, baikwö laebobe Dios yöawi̧ma: —Isabenö dȩdȩbö lotjajawö̧ debö tji̧'yakwedö Asiria jojodöma, jo̧kwaijayonö jobadönö dȩdȩbö lotjakwedöma, bö̧jȩ jojodömaökö. Ja̧danö kwölöte'o, jobadönö dȩdebö loakwa'oma, bö̧jȩ jojodö tjitea kwölöte'omaökö, Dios itea kwölöte'oda jobadönö dȩdȩbö loakwa'oma. Ja̧danö, Dios itea kwölöte'o öba a'otjö dötjibakwedö Asiria jojodöma, ja̧danö jobadötjö möayedöma, tjömöayedö 'diinö otidadö batjibakwedö.

Lucas 21:24

Jobadötjö ba̧jekwadönö kwölöte'onö kwabö lotjakobe, ja̧danö jobadötjö ba̧jekwadönö tjitjebotjö öbibö, ju'wedö judío jojodöböködö tjitebokwena tjö̧jobö ötjibakobe. Ja̧danö, jemi tupakwö Jerusaléntjö judío jojodöböködöda webö tjö̧jakobe, Dios jobadö webö tjö̧ji̧tjö latjebobö ujunina möle badekwachenanö kabatö— jö̧ba̧lö yöawinobe Jesúsma.

Deuteronomio 32:42

Jobadö chöpöjojodönö chölakwabikwawi̧ma baikwö wanedö yötawa: Nayunu 'bötenama, nayunuma nöinö chöpöjojodö tjökwösobö owakobe, 'dukwachanu baibenanö kabatö, ja̧danö chitea kwölöte'oma nöinö itebia ukwobedanö ichekwakobe, jwiinö ba̧jȩkwadö tjiteba'iju dȩdȩbö loobetjö̧. Jau, chöpöjojodönö chölakwabikwawenama, jwiinö söbebö lotakwo̧sa, okobe deinö do̧batö chujuluwajawö̧nöbi, tjuluwedönöbi kwabawö lotenanö kabatö, –jö̧ba̧lö yöawobe Diosma.