Génesis 34:13 - Dios Iwene

¹³ Ja̧danö, jejenö aebi̧ a̧ja̧kwö Dina jöpöedöma Shequemnö balekwa mikwa jawa ja̧tjotö jöba̧löda omukwatijadötö. Tjöjawuju Dinanö sulabenö, taba̧löjinö ja̧ajiawö̧ balekwa mikwa ja̧tjotö jö̧ba̧löda omukwatijadötö. Jejenöda omukwatö omöna jö̧ba̧lijadötö Shequemnö, abe'do Hamornö:

Génesis 34:13 Iomraidhean Croise

Génesis 34:12

Ja̧danö, Dinanö chemi̧ mikwama, ja̧danö jömöledönö chimidi̧ma ökwödöda akebaduwotjö. Akebaduwi̧da chimidocha— jö̧ba̧lijetö Shequemma.

Génesis 34:14

—¿Dakwö wedobö döjawujunöma bakwo̧nö, ötade bajale sa̧do̧ 'wibekwö̧kö̧nö, jo̧ba ilekwo baibanö? 'Wibekwö̧kö̧nö jemitjö̧ma jwiinö tabalö̧jena. Wedokobe.

Diosnö ösödo̧ Job mikwo̧ usula emawina jawa 13:4

—Ja̧danö, ökwödö chömöledönö, baikwö yöta̧la: Ökwödöma sulabenö omöna yöba̧ladöja, –Jobma sulabenö ja̧bo̧, –jö̧ba̧lö. Ja̧danö ökwödöma, –Pjadatakwö, –jö̧ba̧lö yöka̧laduwijayonö, pjabatöködöja, dötölödö wajwibadödanö ichejekwadöja chömöledö.

Diosnö ösödo̧ Job mikwo̧ usula emawina jawa 13:7

—Tajawedö omöna yöka̧laduwobeda chömöledö? Diosnö pjakataduwotö jö̧ba̧lö, omöna jawa yöka̧laduwobeji̧?

Proverbios 12:13

Ju'wibi yötawa: Sulabenö omukwato̧ma sulabenö yöa̧lobetjö̧ iteda wene jwöbekwo̧. 'Daliwanö tjö̧libi̧danö li̧bo̧ wene jwöebi̧tjö̧ ji̧bökönö. Jobekwö baledökökwe Dios wei̧ a̧ja̧kwö jo̧nöma. Dios wei̧ a̧ja̧kwö jo̧ma wenetjö ji̧bo̧, 'daliwatjö tjö̧jibi̧danö, li̧bö̧kö̧.

Isaías 59:13

—Ökwö Isabenö Jo̧ weköbi̧ a̧ja̧kwö dö̧jakwedösa, —jö̧da̧linajayonö, a̧ja̧kwökönö sulabenö ja̧badösa. Ja̧danö ökwö dösödökwe ökibi̧danö, kwökömanö ludo jö̧da̧lijayonö, jalachibö kadatibajabe. Ökwödöma jojodönö suli̧ waedö, sulabenö omöna yöba̧ladösa, domajadenö sulabenö omukwatajadö, omöna yöba̧ladösa. Jobekwö usula tjemawinö sulabenö ja̧badösa chuluwo̧ Dios, isabenö kwöba a'otjö wene juna̧ladösa.

Mateo 28:13

baikwö: —Ökwödönö dimidakobe. Baikwö jo̧da baledaja̧ omöna yökawaduwo jojodönö: Yö̧te dabonö, Jesús öba̧ja̧di̧ waisachadöma ichö jo̧ba iteba'o tjönaukwinobe, jö̧ba̧lö.

Romanos 12:19

Chömöledö, ju'wedö ökwödönö sulabenö ja̧tjenama, balekwa mikwa yelösöda ja̧bökönaduwi sulabenöma. Diosda sulabenö ja̧badönö lȩbebo̧ chömöledö, ökwödömaökö. Baikwö laebobe Dios iwenema: Duluwo̧ma baikwö yöawobe: Ötjödasa balekwa mikwa lȩbebo̧ma, ötjöda lȩtebocha jojodö sulabenö ja̧tji̧ mikwa, jö̧ba̧lö laebobe Dios iwenema.

1 Tesalonicenses 5:15

Ja̧danö, ökwödönö sulabe baibenama, kwite'ada̧laduwo, ökwödötjö bakwo̧bi balekwa mikwa sulabenö ja̧apji jö̧ba̧lö. Kabatökönö otiwanö ja̧bö kwö̧jaduwobö kwisakwaduwo, kwömöledöduwi Jesúsnö ösödadönöbi, ju'wedö jojodönöbi.

Jueces 15:3

Jejenö yöa̧lökwe, ödameakwinobe Sansonma, ja̧danö öpöjödö yöa̧linobe, —Ja̧maökö. Jejenö ja̧köbi̧tjö̧, balekwa mikwa filisteo jojodönö sulabenö ja̧tocha, ja̧danö ja̧ ja̧takwa̧ma, ötjö jawamaökö, ökwödö filisteo jojodö jawada, chilekwonö jȩlo̧ ilekwo bajibanö weköbinobetjö̧, —jö̧ba̧lö.