Génesis 33:17 - Dios Iwene

¹⁷ Jo̧kwaijayonö Jacobma Esaú ö̧kömanö ȩwa̧jijökötö, Esaúnö yöa̧laja̧danö. Jelobekwö ojwe ö'öbö a̧li̧kwö ȩwa̧jijetö, Sucot mikwobekwö. Jobe ichibö eju otidijetö Jacobma, ömöledö tjabobö. Ja̧danö, löwötebiyabi otidijetö, a̧jwi̧mu tjabemi. Jobe imi, Sucot, jö̧ba̧löma, löwöte wanekwachobe. Jacob jobe löwötebiya otidinobetjö̧ jojodöma jemi mikwijadö, Sucot, jö̧ba̧lö.

Génesis 33:17 Iomraidhean Croise

Génesis 33:16

Jo̧kwaobetjö̧, ja̧ mölema Esaúma ȩwa̧jijetö Seir nijibe.

1 Reyes 7:46

Ja̧ jawa tjotidinenama, Salomon weawö̧, Jordan ojwe badeibö, Sucot comunidadbi, Saretan comunidadbi ö'wejenö tjotidinobe, nöinö lete'o jȩmima.

Éxodo 12:37

Ja̧danö, Israel jojodöma Egipto niji Ramesés comunidad mikwobetjö labekwö Sucot comunidadkwö 'yi̧jadötö. Ömadö damökwö möayedökwöma seiscientos mil jenanö, ja̧danö, ya̧döbi, tjȩmu̧bi 'yi̧jadötö.

Éxodo 13:20

Ja̧danö, Israel jojodöma Sucottjö labeibö Etam nijinö isa̧do̧tjö tjejudanö debatö otidijadötö, jobeda tjabobö, jojodö deemi ö'öbö.

Josué 13:27

Ja̧danö ju'wibi, wabeko comunidadtenia iyinobe, Bet Aram comunidadbi, Bet Mirma comunidadbi, Sucot comunidadbi, Zafon comunidadbi, ja̧danö okobe jwiinö ju'wi ajayinö Hesbon comunidad la'aka luwo̧ Sijon weinemi jobadönö iyinobe. Jawo̧ meajobekwö, tjitebo niji bakwachobema Jordan ojwe ji̧nobe, ja̧danö u'dakwö, Galilea o̧pesobuma tjitebo bakwachobe ji̧nobe. Jobetjö jawo̧ laebobekwö nijima, Gadsaso jojodö tjitebo baibanö iyinobe.

Jueces 8:14

Ja̧danö, Sucot comunidad yöne ichibö, Sucot jojodötjö bakwo̧ möayo̧nö do̧atinobe, ja̧danö do̧batajo̧, abebö a̧ja̧kwinobe, Sucot comunidad la'aka luwedö didöda jö̧ba̧lö öwaisachibakobetjö̧. Abebö a̧ja̧kwökwe, möayo̧ma okobe deinö Sucot comunidad luwedö tjimibiya yöawinobe, setenta y siete luwedö tjimibiyama.

Jueces 8:16

Ja̧danö, yöbawajo̧, Sucot comunidad la'aka luwedönö do̧atinobe, ja̧danö tebo jawa sȩi̧ ökiyabi, ju'wi sȩi̧ jawabi emibö, jobadönö lȩbebö kwakwainobe.

Jueces 8:5

Ja̧danö, Sucot comunidadbe ichibö, Gedeonma Sucot jojodönö aebinobe, —Pan öpji̧ya chömöayedönö kwiyaduwobö atebaduwakwö. Madianitas jojodötjö inesö la'aka luwedö Zebanöbi, Zalmunanöbi ludobe, ja̧danö chömöayedö tjime'dawachibobe, —jö̧ba̧lö.

Jueces 8:8

Ikenama, Gedeonma jemi tupakwö madianitas jojodönö lubö i̧'yinobe, Peniel comunidadbe ichibanö, ja̧danö Sucot jojodönö aebaja̧danö Peniel jojojodönöbi pan tjiyobö aebinobe, ja̧danö aebawö̧, Sucot jojodö tjatadaja̧danö, bakwainö sulabenö tjatadinobe.