Génesis 33:10 - Dios Iwene

¹⁰ Ötjönö kwösöditjö̧ma chiyajawö̧nö emi. Ötjönö kwösödi̧ i̧sebö emidönö. Isabenö yöta̧la, cho̧'wo̧ ösöwanö cheda ökwönöma, ötjönö lȩlö̧jinö kwedi̧ma. Dios ötjönö lȩlö̧jinö edi̧danö lȩlö̧jinö kwedajabe ötjönöma

Génesis 33:10 Iomraidhean Croise

Génesis 19:19

Isabenö lȩlö̧jinö kwedajabe ötjönö, kwömöayo̧nöma 'ya̧talobö otiwanö pjabatö. Jo̧kwaijayonö mö'ösa'iju jobekwö ödöobetjö̧ ina chichibapjii söbebö loköbaduwena, ötjöbi debö chi̧'yinö baibanö.

Génesis 32:30

Ikenama Jacobma, bemima Dioskwö bakobe ja̧nö jo̧banö chedijayonö debö chi̧'yökötö, jö̧ba̧lö jobema Peniel, jö̧ba̧lö midijetö.

Génesis 33:11

Jo̧kwaobetjö̧ chiyi̧ma kwemobö chösöda Diosma ötjönö lȩlö̧jinö edö pjaatajabetjö̧, nöinö juna̧lo̧ batibanö— jö̧ba̧lijetö Jacobma Esaúnöma. Jejenö dösölö̧jinö jö̧a̧lökwe emijetö Jacob iyajawö̧nöma.

Génesis 33:9

—Chö̧ja̧wo̧, jejenö kwiyoböma jwiya. Ötjöma ba̧jekwadönö cha̧jwi̧munö chujuna̧lobe. Iyökönuwitjö̧ kwa̧jwi̧mutjö̧ma—jö̧a̧lijayonö:

Génesis 43:3

Jo̧kwaijayonö Judáma jö̧ba̧lijetö abe'donö: —Chabe'do, jobe niji la'aka luwo̧ma labinö weijatö ökwödönöma, Kwöjawo̧duwikwöda chöba a'o tebachibö kwöjamataduwo, jö̧ba̧lö.

Génesis 47:29

Ja̧danö, woakwa̧ma lekwökena itji̧ Josénö ichobö jwöbijetö. Ichajo̧nö abebijetö: — Chitji̧, ötjönö kwösöditjö̧ma kwiwenema yöbawö juni̧, Isabenö ja̧tocha weköbi̧ma, jö̧ba̧lö. Ja̧danö ja̧ yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, kwiwene yöbawö junö. Chitji̧, baikwö wetakwö: Bemi Egipto nijinö kwödokotjö.

Génesis 50:4

Ja̧ tjubudekwabi̧ möle, setenta möle baibajena, Joséma abebijetö faraón öpjea ömöayedönö: —Ötjönö otiwanö kwedaduwitjö̧ma, biya̧ atebi̧ma yökawaduwo faraónnö.

2 Samuel 14:24

Jo̧kwaijayonö, Jerusalenbe tjichibenama, öba a'o Absalon ichibobö weinokobe Davidma, —Wainö, iteda ejunö ö̧jobö jo̧be, chöba a'o ichibobö jwibo̧, —jö̧ba̧lö. Jo̧kwajabetjö̧, iteda ejunö ö̧jinobe, ja̧danö la'aka luwo̧ David öba a'o ichibinokobe.

2 Samuel 14:28

Dötölataja o̧biya baledibanö, abe'do la'aka luwo̧ Davidnö edökönö Jerusalennö ö̧jinobe Absalonma.

2 Samuel 14:32

Abebö a̧ja̧kwökwe, —Belö ökwönö jwötijatö, baikwö kwichobö, –Chiminö chabe'do la'aka luwo̧nö akebobö jö̧ta̧la, –jö̧ba̧lö, ja̧danö kwichokobetjö̧, tjujuwajabe. Jau Joab, baikwö la'aka luwo̧ chabe'donö akebobö jö̧ta̧la, –Absalonma abebö a̧ja̧kwobe, Tajawedö Guesurtjö chichobö ökibaja̧da? Jobetjö latebinökötjö̧ma, otiwo jö̧a̧linena. Ökwö la'aka chuluwo̧ kwöba a'o chichibobö jö̧ta̧la, ja̧danö kwedemi isabenö wene chujuna̧litjö̧ma, kwabö loköbobö jo̧be, –jö̧ba̧lö chabe'donö akebobö jö̧ta̧la, —jö̧ba̧lö atadinobe Absalonma.

2 Samuel 3:13

Yötjawökwe, Davidma ösödinobe, ja̧danö Abnernö atadaja̧ yötjawobö weinobe baikwö: —Jau Abner, otiwa, otiwanö ja̧dakwa̧ wene yöbawö dujunakwedösa, ötjökwö ökwökwö. Jo̧kwaijayonö jejenö yöbawö dujunakwa̧ abönö bakwöta jawa wetakwö. Ötjönö edö kwichenama, chilekwo Saul itjiju Mical mikwujunö tjebatajö kwichejebo. Chilekwo Mical deinö, chöba a'o kwichibobö jwiobe, —jö̧ba̧lö atadinobe Davidma Abnernö.

Diosnö ösödo̧ Job mikwo̧ usula emawina jawa 33:26

Jejenö balediökwe, Diosnö aebena, jadanö Diosma aebi̧ a̧ja̧kwö ösödena. O̧'wo ösöwachibanö Dios öba a'o ichibena, ja̧danö Diosma jo̧banö ösödakobe, –Bitema chöba a'o wene jwibo̧, –jö̧ba̧lö.

Mateo 18:10

Jau chömöledö, omukwatönö kwö̧jaduwo, bidö tjemunö mikwawöködö jö̧ba̧lö kwöpöjödaduwapji jö̧ba̧lö. Jau chömöledö, isabenö yötawaduwakwö, bidö tjemunö te'ada̧ladö ángelesdöma tjö̧jobe, ja̧danö jobadöma ba̧kwȩlö̧jatebö mölejȩbe Chabe'do öba a'o tjuju̧kwobe— jö̧ba̧lö yöawinobe Jesúsma.

Apocalipsis 22:4

Jobadöma Diosnö edadö. Jo̧ba imi wȩyukwadö, tjöbanö.

1 Samuel 20:3

Atadiökwe, Davidma yöa̧linobe, —Isabenö yötawakwö Jonatan, kwabe'doma isabenö ötjönö kwabö loobö isakwo̧. Ja̧danö ökwönö yöbawökönö isakwi̧ma, baikwö yöta̧la, kwabe'doma ötjönö kwösödi̧ wene öwaisobe, yö̧ne dömöledödanö ösödabikwawö dö̧jobe jö̧ba̧lö. Ja̧danö jejenö öwaisobetjö̧, ötjönö kwabö loobö isakwi̧ma yöbawö̧kö̧, –Jonatannö yötawitjö̧ma o̧'wo tjo̧achena, –jö̧ba̧lö. Jau Jonatan, ökwönö yöawököjayonö, isabenö ötjönö kwabö loobö isakwo̧ kwabe'doma, baikwö yöta̧la: Duluwo̧ Isabenö Jo̧ Dios yaba̧lo̧ ö̧ji̧ wenema isabenö wene, ja̧danö ökwö yaba̧lo̧ kwö̧ji̧ wenebi, isabenö wene Jonatan, ¿jö̧tö? Ja̧danö ja̧ wene isabenö ji̧danö, ju'wibi yötawakwö isabenö woto jö̧ta̧lobe, wanedö yötala bakwo̧ ömasapa bakwötanö ö̧ja̧ti̧danö wobalema yö̧neawobe, —jö̧ba̧lö yöa̧linobe Davidma.