Génesis 32:7 - Dios Iwene

⁷ Jejenö yötjawiökwe jwiinö yebabijetö, omajade döinö. Jo̧kwaobetjö̧ ömöayedötjö, a̧jwi̧mutjö̧ dötölataja jenanö wainö 'da̧batö junijetö,

Génesis 32:7 Iomraidhean Croise

Génesis 32:11

Atebakwö: Chöpöe Esaútjö chö̧jibanö isabenö ¡pjabatitjö! Yetabi jo̧banöma, ichö ötjönöbi, ja̧danö, ya̧dönöbi, tjemunöbi kwabö loapji jö̧ba̧lö.

Génesis 32:3

Ikenama Jacobma webijetö ömöayedönö yöbawö tji̧'yobö öpöe Esaú ö̧jobekwö, Seir mö'ösa'iju ju̧kwobekwö, Edom nijibe.

Génesis 32:8

bakwöta jenanö kwabö lootö jö̧ba̧lö ichitjö̧ma ju'wedö wainö dötjibajobö tjö̧jibakobetjö̧, jö̧ba̧lö.

Génesis 33:1

Jacobma jelö labebajo̧ma ömöledökwö yemidanö ji̧jetö. Ikenama edemi ¡tjo̧wi̧ icha! jö̧ba̧lö edijetö Esaúnö, ömöayedö cuatrocientos jojodökwö ichobe. Tjichiökwe i̧tji̧munö idöda tjojo'dokwena tjöjamatobö junijetö, Lea jitji̧mu̧ma Leakwö, ja̧danö Raquel ji̧tji̧mu Raquelkwö, ja̧danö ömöayedö tji̧tji̧mu tjojo'dokwenakwö.

Éxodo 14:10

Ja̧danö, Israel jojodöma tjedemi ¡ayö! ökwödönö lubö tjicha Egipto jojodöma, jö̧ba̧lö, jwiinö yebaibijadötö. Yebabinö budekwö abebijadötö Isabenö Jo̧nö ¡pjabati! jö̧ba̧lö.

Proverbios 2:11

Juwibi yötawa chitji̧: Ötjö jwebebö yötawi̧ a̧ja̧kwö, jweinö omukwatö kwö̧jobetjö̧ kwö̧jakwa̧ jawa ajayinö kwo̧'wo̧nö kwomukwatakwo̧ja. Wanedö yötawakwö: Jobekwö kwö̧jakwa̧ jawa ajayinö kwo̧'wo̧nö kwomukwati̧ma isabenö ökwönö te'ada̧lo̧danö ja̧kobe, ökwönö te'ada̧lö, otiwanö kwö̧jobö. Ju'wibi yötawa chitji̧, wanedö: Ötjö jwebebö yötawi̧ a̧ja̧kwö jweinö omukwatö kwö̧jobetjö̧ otiwanö kwomukwatakwo̧ja, di̧ya sulojobö jö̧ba̧lö, di̧ya otiwojobö jö̧ba̧lö. Ja̧ kwomukwati̧ma tjöeba̧lobedanö suli̧ jawatjö ö̧jibanö tjöeba̧lobe.

Isaías 28:26

Ja̧danö, baikwö yötawaduwakwö chömöledö, jobekwö otidi̧ma, Diosda jobekwö waisanö otidobö ö̧ba̧ja̧diökwe, jobekwö otido̧.

Mateo 10:16

Tupakwö yöawinobe Jesúsma: —Chömöledö, isabenö labobe kwi̧'yaduwobö wetaduwakwö. Baikwö wanedö yötawa: Ökwödönöma o̧bȩja̧dönö wetobedanö ichejekwa, labidö tebo a̧wi̧li̧dö tjö'da̧de kwi̧'yaduwobö. Jo̧kwajabetjö̧, waisanö omukwatö kwö̧jaduwo, ja̧danö ju'wibi ja'yubebi jojodönö laböködö kwö̧jaduwo.

Mateo 8:26

Jejenö yötja̧lökwe, Jesúsma atadinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Ikenama, a̧laibö Jesúsma weinobe jwa̧lȩ'epjo yöachibobö, ja̧danö balawa loaja̧bi yöachibobö. Jejenö weenama, ja̧ jwiinö baibinobe, ja̧danö o̧pesobuma yöachibinobe.

Juan 16:33

Ja̧danö, babe yötawaja̧ma kwo̧'wo̧ luwo̧duwi tjo̧bekwökönö kwö̧jaduwobö yötawajabe. Chömöledö, böjȩnö ja̧nö usula kwemawaduwakobe. Jo̧kwaijayonö, kwo̧'wo̧duwi̧ ösöwanö kwö̧jaduwo, ötjöma böjȩnö jawa okobe jwiinö chujuluwobetjö̧— yöawinobe Jesúsma öba̧ja̧di̧ waisachadönöma.

Hechos 14:22

Jobe comunidadkwena 'ya̧nö Jesúsnö ösödadönö pjabatö yöbawijadötö, Kwo̧'wo̧ luwo̧duwi juluwachibanö tupakwö kwi̧'yaduwo, jö̧ba̧lö. Jesúsnö kabatibökönö kwö̧jaduwo. Ja̧danö, jo̧banö omukwatö kwö̧jaduwo, jö̧ba̧lö, pjabatö yöbawijadötö. Jobadönö jö̧ba̧lijadötö: —Chömöledö ¿wajwiköbaduwiji̧? Ökwödö Jesúsnö ösödadöma, usula demawobö jo̧be. Isabenö ökwödöma usula emawadösa. Ökwödöma Dios webö ö̧jena ja̧nö, do̧'wo̧ ösöwachibanö duju̧kwenanö baibanö, usula emawadösa— jö̧ba̧lijadötö.

2 Corintios 1:4

Jau chömöledö, okobe jwiinö wene döbaledi̧ma, ökwödönö do̧'wo̧ tjo̧bekwö dö̧jajelö do̧'wo̧ ösöwachibanö pjabato̧ Dabe'do Diosma, chömöledö. Ja̧danö, jejenö ökwödönö pjaatenama, ökwödönöda omukwatöma pjaatokobe, ju'wedönöbi omukwatö pjaatobe ökwödönö chömöledö, ökwödönö pjaati̧danö, tupakwö ju'wedö tjo̧'wo̧ tjo̧bekwajadönö ökwödöbi pjadato jö̧ba̧lö. Jau chömöledö, ju'wedö tjo̧'wo̧ tjo̧bekwö tjö̧jenama, Dios ökwödönö pjaatinobetjö̧, jobadönö pjadatobö jo̧be, Dios ökwödönö pjaatinadanö.

2 Timoteo 3:12

Timoteo, ötjönö baledi̧ma, ötjönödama baledokobe, isabenö okobe deinö Cristo Jesúskwö dötewanö ja̧nö, Dios ösödi̧danö ja̧bö tjö̧jobö isakwadönöbi sulabenö ja̧tjakobe, usula tjemawinö.