Génesis 32:4 - Dios Iwene

⁴ Baikwö yötjawobö webijetö: —Ötjö chuluwo̧ Esaúnöma baikwö yökawaduwo, ötjö yötja̧li̧ma: Chuluwo̧, ötjö Jacob, dokwa, jö̧ba̧lö, atebobe ökwönö. Ötjöma Labánkwö lekwe o̧biya baledinö ji̧na babeda chȩwa̧ja.

Génesis 32:4 Iomraidhean Croise

Génesis 23:6

—Duluwo̧ a̧ja̧kwi, ökwönö, juluwo̧ la'aka luwo̧, jö̧ba̧lö, otiwanö dedökweja. Bemi, i̧lȩdo̧ jemitjö̧ o̧penönö otiwemi kwödojö kwilekwonöma. Ökwödötjö bakwo̧bi dea, i̧lȩdo̧ chiyökö jo̧banö, jö̧ba̧lo̧ma— atadijadötö.

Génesis 25:30

Ja̧danö, jo̧bama abebijetö öjawo̧nö: —Chöjawo̧, a̧wi̧chö̧löja. I̧ya jȩlu̧wa̧ duwi̧ iyitjö chukwo—abebijetö. Jejenö Esaúma, duwi̧ iyitjö, jö̧ba̧lö, aebobetjö̧ Esaúnöma, Edom, jö̧ba̧lö, ötjabinökwe jojodöma. Ja̧danö Edom, jö̧ba̧löma, duwi̧, jö̧ba̧lö, yöawobe.

Génesis 27:29

Ja̧danö chitji̧, Isabenö Jo̧ Diosma ökwönö pjaatakwo̧ jojodöma ökwö kwömöayedö batjibanö tjö̧jobö. Ja̧danö, pjaatakwo̧ Isabenö Jo̧ Diosma, ju'wedöma ökwö kwöba a'otjö tjöba nijakwö bȩbachibö tjö̧jobö. Ja̧danö, ökwöma kwömöledö tjuluwo̧ bakibobö pjaatakwo̧ Isabenö Jo̧ Diosma. Kwömöledöma kwöba a'otjö tjöba bȩbachibö nijakwö tjö̧jakwedö, Isabenö Jo̧ Diosma ökwönö pjaatobetjö̧. Ja̧danö, Isabenö Jo̧ Diosma ökwönö sulabenö ja̧badönö lȩebakwo̧. Jo̧kwaijayonö ökwönö dösölö̧jinö edö pjabatadönöma Isabenö Jo̧ Diosma dösölö̧jinö edö pjaatakwo̧— Yöba̧lö junijetö Isaacma Isabenö Jo̧ Dios itji̧nö dösölö̧jinö edö pjaatakwa̧ jawa.

Génesis 27:37

Jejenö aebökwe Isaac jö̧ba̧lijetö: —Chitji̧, okobe jwiinö Dios dösölö̧jinö edö pjaatakwa̧ iwenema tjo̧wi̧ chujunatö kwöjawo̧nöma. Dios ökwönö dösölö̧jinö edö pjaatakwa̧ chujunoböma jwia. Chitji̧ ökwöma, ja̧danö, okobe deinö Jacob ömöledöma iteda ömöayedö bakibaduwakwedöja. Ja̧danö yöta̧lajanötö kwöjawo̧nöma kwakwawabi, uba sobubi nöinö ujuna̧lakobe Dios dösölö̧jinö edö pjaatobetjö̧. Jo̧kwaobetjö̧ ¿dakwö yöba̧lö chujunobö ökwönöma chitji̧, jwia— jö̧ba̧lijetö Isaacma itji̧ Esaúnö.

Génesis 31:41

Jejenö otidiachijatö ökwökwö ja̧nö. A̧li̧tjö̧sa̧mutjö̧ ö'wejemu jawa o̧biya otidiachijatö kwi̧tji̧munö chemina midawö. Jemi tupakwö jelemutjö bakwöta o̧biya otidiachijatö kwa̧jwi̧mu̧tjö midödanö chemobö. Ja̧danö, ba̧kwelöjatebö ötjönö kwimidobö jö̧ka̧la̧ja̧ma kwimidinokobe, chimidocha jö̧ka̧laja̧ma nijakwö jwibatö.

Génesis 32:18

kwatadonö: Bidö kwömöayo̧ Jacob a̧jwi̧mu̧, ökwönö webö iyawö̧ma, chuluwo̧. Ja̧danö jo̧bama yada chökömanö ichobe— jejenö yöawobö webijetö Jacobma abönö öbibö 'yo̧nö.

Génesis 32:5

Ja̧danö, ötjöma pa̧ka̧yönö, bu̧lu̧dönö, o̧bȩja̧dönö, chi̧wo̧dönö, chömöayedönö juna̧lo̧sa. Biya̧ yötja̧li̧ma chömöayedönö yötjawobö weta chichakwa̧ma kwöwaisobö, ja̧danö, kwo'wo̧ ösöwanö kwedobö ötjönöma chichibena— jejenö webijetö Jacobma ömöayedönö öpöe Esaúnö yötjawobö.

Génesis 33:14

Jo̧kwaobetjö̧ dabönö kwȩwa̧jo. Otjöma tjo̧'manö, kwökömanö, cha̧jwi̧munö chi̧tji̧munö tjo̧'manö öbibö chȩwa̧ja. Ja̧danö, Seir nijinö ichibö dediakwawo— jö̧ba̧lijetö Jacobma.

Génesis 33:8

Ikenama Esaúma Jacob a̧jwi̧mutjö̧ iyö weajawö̧nö edö abebö a̧ja̧kwijetö: —Bidö weköbajawö̧ma ¿tajawedö kwiyobeda?— abebö a̧ja̧kwökwe: —Ötjönö kwösödobö chiya chuluwo̧— atadökwe:

Génesis 36:8

Ja̧danö Esaú, ju'wi imi Edom mikwo̧ma, jelobekwö 'ya̧jo̧ Seir nijinö ji̧jetö, mö'ösa'iju la'aka ba̧ba̧lawena.

Génesis 36:9

Jejenöobetjö̧, Esaútjö tupadanö jojodöma jobe, Seir nijinö ju̧kwijadötö, mö'ösa'iju la'aka ba̧ba̧lawena. Jobadöma edomitas jojodö, jö̧ba̧lö mikwinadö. Jobadöma Esaúnö, da'dö jö̧ba̧lö, öbabijadötö. Ja̧danö Esaútjö tupadanö jojodöma bidö:

Génesis 4:7

Otiwanö omukwatö ötjö weti̧ a̧ja̧kwö kwiyitjö̧ma ökwönöbi otiwanö chedena. Jo̧kwaijayonö sulabenö omukwatö ötjö weti̧ a̧ja̧kwökönö kwö̧jitjö̧ma sulabema ökwönö juluwena. Jao, sulabema labo̧ ite'ada̧li̧danö wanekwachobe, jojonö ujuluwobö. Caín, sulabe wei̧ma kwujuluwo, ötjö weti̧da a̧ja̧kwö— jö̧ba̧lijetö Isabenö Jo̧ma Caínnöma.

1 Reyes 20:32

Yötja̧lökwe, weinobe, ja̧danö a̧do̧ epju̧yunö kalukaa̧do̧ 'dubawö, jadanö tjuunö a̧la̧chi'bo di̧batö, israel la'aka luwo̧ öjobekwö tji̧'yinobe, ja̧danö öba a'o ichibajadö atjebinobe, —Kwömöayo̧ Ben-adadma ökwönö abebo̧, –Ötjönö kwabö lobökönö, ina 'yata̧lobö webitjö, —jö̧ba̧lö. Yötja̧lökwe, —Ben-adadma ina 'yaa̧lobeji̧? Jo̧bama chöja̧wo̧danöbo̧, ina 'ya̧alitjö̧ma otiwa, —jö̧ba̧lö atadinobe Acabma.

Éxodo 32:22

—Chuluwo̧, kwo̧'wo sulinö kwedoko ötjönöma. Kwöwaisa jobadönöma, idöda sulabenö omukwatö tjujuni̧danö ja̧tjobö isakwadö.

Proverbios 15:1

Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.

Proverbios 25:15

Ja̧danö, ju'wibi yötawa: Inesö la'aka luwo̧nö ba̧kwȩlö̧jatebö kabatökönö tjo̧'o̧manö dameakwökönö akeba̧litjö̧ma ju'wi mölȩ bajadiyanö akeba̧li̧danö pjaatena. Ja̧ ji̧danö, tjo̧'o̧manö ösödö yöka̧litjö̧ma yöka̧li̧ ajayinö öpöjödinadöma bajaliyanö tjo̧mukwatena, otiwanö yöba̧lo̧, jö̧ba̧lö.

Proverbios 6:3

Ja̧danö chitji̧, jwebebö yötawakwö: Ida̧ökö balada öbalewobö jö̧ba̧lo̧nö yöka̧laja̧tjö̧ma, jao pjatatocha, yöbawö chujunocha, jö̧ba̧lö, ja̧ yöka̧laja̧tjö kakatibobö jo̧be. Jao chitji̧, jo̧ba balada öbalewobö jö̧ba̧lo̧ma ökwönö juluwo̧danö ö̧jakwo̧, a̧a̧a̧ chumusidi̧ chimidobö jwititjö̧ma jo̧bada balada tjebatö imidakobe jö̧ba̧lö. Chitji̧, jo̧banö yöka̧laja̧ma, pjatatocha jö̧ba̧lö kakatibobö jo̧be. Jo̧kwaobetjö̧ chitji̧, balada öbalewobö jö̧ba̧lo̧ ö̧jobekwö juluwanö 'ya̧wi, jo̧banö yöka̧lakwawo, ökwönö pjatatocha yötawaja̧ma waiya, chujuna̧lökena baladama, katatibobö jö̧ta̧la, jö̧ba̧lö. Jao chitji̧, yebabökönö dösölö̧jinö yöka̧lakwawo jo̧banöma, jo̧da ökwönö pjatato jö̧ta̧lijayonö babema katatibobö jöta̧la, jö̧ba̧lö.

Isaías 21:11

Baikwö laebobe Dios yöawi̧, Edom niji jojodönö: —Edom niji mösa'o Seirtjö bakwo̧ abebö a̧ja̧kwö jwöobe, –Teada̧lö eda̧lo̧, dokwa lekwe yöte ina yȩakwa̧da? Dokwa lekwe dewachakwa̧da? –jö̧ba̧lö.

Lucas 14:11

Jau chömöledö, okobe deinö idöda luwedö batjibobö isakwadöma, mikwawöködö batjibanö ja̧akwo̧ Diosma, ja̧danö okobe deinö mikwawö̧kö̧sa jö̧ba̧lö omukwatadönö, jobadönö mikwawadö batjibanö kabebö ujunakwo̧ Diosma— jö̧ba̧lö yöawinobe Jesúsma.

1 Pedro 3:6

Sara mikwinujuma jejenö ji̧nuju chömöledö, jilekwe Abraham wei̧ ja̧ja̧kwinobe, chuluwo̧ja jö̧ba̧lö. Ja̧danö chömöledö, ökwödö ya̧dö yebabökönö jweinö ja̧bö kwö̧jaduwitjö̧ma, ökwödönö otiwanö omukwatö Sara ji̧tji̧mu tupadanö jojodö jö̧ba̧lö ötjabikobe ökwödönö.

Jueces 5:4

Chuluwo̧ Isabenö Jo̧, ökwöma Seir mösa'otjö kwölakwabikwawobö lakebijatö, ja̧danö jejenö Edom nijitjö lakebenama, niji tjö̧awinobe, ja̧danö mölejȩ meobedanö, nöinö ojwiyo o̧binobe.

1 Samuel 26:17

Yöa̧liökwe, Saulma David iwene öwaisachibinobe, ja̧danö abebö a̧ja̧kwinobe, —Chitji̧ David, ökwöda kwiwene ökwöobeji̧? —Aebökwe, —Jau chuluwo̧, ötjöda chiwene ökwöobe, —jö̧ba̧lö atadinobe Davidma.