Génesis 32:3 - Dios Iwene

³ Ikenama Jacobma webijetö ömöayedönö yöbawö tji̧'yobö öpöe Esaú ö̧jobekwö, Seir mö'ösa'iju ju̧kwobekwö, Edom nijibe.

Génesis 32:3 Iomraidhean Croise

Génesis 14:6

Ja̧danö ju'wedönöbi, horeo jojodönö ölakwabikwawö juluwijadötö, mö'ösa'iju Seir mikwa'iju ju̧kwobetjö Parán niji tebo jwiena ö'öbö tjichibenanö.

Génesis 25:30

Ja̧danö, jo̧bama abebijetö öjawo̧nö: —Chöjawo̧, a̧wi̧chö̧löja. I̧ya jȩlu̧wa̧ duwi̧ iyitjö chukwo—abebijetö. Jejenö Esaúma, duwi̧ iyitjö, jö̧ba̧lö, aebobetjö̧ Esaúnöma, Edom, jö̧ba̧lö, ötjabinökwe jojodöma. Ja̧danö Edom, jö̧ba̧löma, duwi̧, jö̧ba̧lö, yöawobe.

Génesis 32:11

Atebakwö: Chöpöe Esaútjö chö̧jibanö isabenö ¡pjabatitjö! Yetabi jo̧banöma, ichö ötjönöbi, ja̧danö, ya̧dönöbi, tjemunöbi kwabö loapji jö̧ba̧lö.

Génesis 32:7

Jejenö yötjawiökwe jwiinö yebabijetö, omajade döinö. Jo̧kwaobetjö̧ ömöayedötjö, a̧jwi̧mutjö̧ dötölataja jenanö wainö 'da̧batö junijetö,

Génesis 33:14

Jo̧kwaobetjö̧ dabönö kwȩwa̧jo. Otjöma tjo̧'manö, kwökömanö, cha̧jwi̧munö chi̧tji̧munö tjo̧'manö öbibö chȩwa̧ja. Ja̧danö, Seir nijinö ichibö dediakwawo— jö̧ba̧lijetö Jacobma.

Génesis 33:16

Jo̧kwaobetjö̧, ja̧ mölema Esaúma ȩwa̧jijetö Seir nijibe.

2 Samuel 2:8

Ja̧danö, Juda jojodö Davidnö la'aka tjuluwo̧ baibanö tjujunijayonö, ju'wedö israel jojodöma jelo̧ ömöayedö baibanö tjö̧jinobe. Saul ömöayedö ölakwabikwawa jojodö tjuluwo̧, Abner mikwo̧ma, Saul itji̧ Isboset mikwo̧nö öbibö, Majanayin comunidadbe i̧'yinobe,

2 Reyes 6:17

Ikenama Diosnö aebinobe Eliseoma, baikwö: —Chuluwo̧ Isabenö Jo̧, ökwönö ateba, bite chömöayo̧ öbajalebiya po̧kebobö, otiwanö edakobetjö̧, —jö̧ba̧lö. Ja̧danö, aebökwe, Isabenö Jo̧ma Eliseo ömöayo̧ öbajalebiya po̧ebinobe, ja̧danö po̧ebenama, bakwachobetenia edö, okobe jwiinö ja̧ comunidad mösa'o ba̧kwemeachibanö Dios ömöayedö ölakwabikwawadönö edinobe, ökwölatjö otikwedö kabayudönöbi, kolukiyabi. Eliseonö tjösawö tjötjeba̧lobe edinobe Eliseo ömöayo̧ma.

1 Crónicas 12:23

Ja̧danö, David Hebron comunidadnö ö̧jenama, israel jojodötjö ju'wedöbi ichibö, David ömöayedö batjibinobe. Isabenö Jo̧ma ajayinö yöbawö ujuninobe, —Davidma Israel jojodötjö inesö la'aka luwo̧ baibakwo̧, —jö̧ba̧lö, ja̧danö Dios yöawinadanö badekwachinö ja̧tjotö jö̧ba̧lö, David ömöayedö batjibanö tjichinobe, Saul ö̧jinemi Davidda inesö la'aka luwo̧ baibakobetjö̧. Jobadö David ömöayedö batjibanö ichibinadöma bidö:

Isaías 21:11

Baikwö laebobe Dios yöawi̧, Edom niji jojodönö: —Edom niji mösa'o Seirtjö bakwo̧ abebö a̧ja̧kwö jwöobe, –Teada̧lö eda̧lo̧, dokwa lekwe yöte ina yȩakwa̧da? Dokwa lekwe dewachakwa̧da? –jö̧ba̧lö.

Lucas 9:52

Ja̧danö, 'ya̧nö, abönö i̧'yakwa̧ tjotidakwedönö weinobe, 'ya̧nö tjabakwemi tjisakwakobetjö̧. Ja̧danö, jejenö weawö̧, i̧'yakwa̧ otidadö ju'wedö tjabönö tji̧'yinobe, ja̧danö Samaritano niji comunidad tetjachinobe, jobe tjabakwemi isakwö.

Deuteronomio 1:2

Ja̧danö, Cades Barnea nijima, Sinai mösa'otjö ödöokobe, Seir mösa'o ö'öbönö jojodö kwetjachitjö̧ma, a̧li̧nösamutjö bakwöta möle kwebachö, juluwanö ichikwobe Cades Barneabema.

Deuteronomio 2:22

Ja̧danö, amonitas jojodönö pjaati̧danö, Seirnö ju̧kwadö Esau itji̧mu tupadanö jojodönöbi pjaatinobe. Jobadönö pjabatö, Seir nijinö ajayinö ji̧nadö horeos jojodönö söbebö loinobe, tjiteboinemi nijima, idöda tjitebo niji baibanö tjemobö, ja̧danö babe mölebi baibanö, ina jobe tju̧ju̧kwobe Esau itji̧mu tupadanö jojodöma.

Deuteronomio 2:5

jobadökwö kwölakwabikwawaduwapji jö̧ba̧lö. Jobadö tjitebo Seir mösa'oma, ötjöma jobadö Esau itji̧mu tupadanö jojodönöda chiyijatö, tjitebo baibanö jobe tjö̧jobö, ja̧danö tjitebo niji ja'yubebi ökwödö israel jojodönö chiyökakwo̧sa. Jo̧kwajabetjö̧ jobadökwö kwölakwabikwawaduwobö jwiobe.

Josué 13:30

Jobadönö iyina baikwö laebobe: Majanayin comunidadtjö jamatö, okobe jwiinö Basan niji baibanö jobadönö iyinobe. Okobe jwiinö Basan niji la'aka luwo̧bina Og weinemi iyinobe jobadönö, ja̧danö okobe jwiinö Jair niji comunidadtenia iyinobe, sesenta comunidad baibanö.

Josué 24:4

ja̧danö Isaacnö itji̧mu du̧ju̧tajanö 'yaebobö chiyijatö, Jacobnöbi, Esaunöbi. Ja̧danö, Esaunö chiyijatö, Seir mösa'o jȩmi niji ö̧jobö, jo̧babi itji̧mu tupadanö jojodöbi. Ja̧danö Esau jobe ö̧jonö, Jacobbi, itji̧mubi Egipto nijibe tji̧'yinobe, jobe tjö̧jobö.