Génesis 32:17 - Dios Iwene

¹⁷ Ja̧danö, abönö öbibö 'yo̧nö webijetö: —Chöpöema ökwönö badekwajö aebitjö̧ma: kwuluwo̧ma ¿tida? ¿dai kwi̧'ya? Bidö öbibö kwi̧'yajawö̧ma ¿ti ajwimuda?

Génesis 32:17 Iomraidhean Croise

Génesis 32:16

Ikenama, Jacobma ömöayedötjö ju'wedönö webijetö bakwo̧nökwena a̧jwi̧munö wainö ju'wedökwena, wainö ju'wedökwena öbibö tji̧'yobö, Esaúnö iyakwawö̧nö. Jobadönö jö̧ba̧lijetö: —Ötjö chabönö cha̧jwi̧munö öbibö 'ya̧duwi Esaú ö̧jobekwö. Ökwödö bakwo̧nökwena cha̧jwi̧mutjö̧ ju'wedönö wainökwena ödökwönönö öbibö, ja̧danö ju'wedönö wainökwena ödökwönönö, ja̧danö ju'wedönö, wainökwena ödökwönönö öbibö da̧jaduwi— webijetö Jacobma ömöayedönöma.

Génesis 32:18

kwatadonö: Bidö kwömöayo̧ Jacob a̧jwi̧mu̧, ökwönö webö iyawö̧ma, chuluwo̧. Ja̧danö jo̧bama yada chökömanö ichobe— jejenö yöawobö webijetö Jacobma abönö öbibö 'yo̧nö.

Génesis 33:3

Ikenama Jacobma jobadönö baledibö tjabönö 'yi̧jetö öpöe ö̧jobekwö, jelemutjö̧ dötölatajanö bȩbacha̧liabö 'ya̧nö.