Génesis 32:16 - Dios Iwene

¹⁶ Ikenama, Jacobma ömöayedötjö ju'wedönö webijetö bakwo̧nökwena a̧jwi̧munö wainö ju'wedökwena, wainö ju'wedökwena öbibö tji̧'yobö, Esaúnö iyakwawö̧nö. Jobadönö jö̧ba̧lijetö: —Ötjö chabönö cha̧jwi̧munö öbibö 'ya̧duwi Esaú ö̧jobekwö. Ökwödö bakwo̧nökwena cha̧jwi̧mutjö̧ ju'wedönö wainökwena ödökwönönö öbibö, ja̧danö ju'wedönö wainökwena ödökwönönö, ja̧danö ju'wedönö, wainökwena ödökwönönö öbibö da̧jaduwi— webijetö Jacobma ömöayedönöma.

Génesis 32:16 Iomraidhean Croise

Génesis 32:15

Ja̧danö, ka̧mȩyu̧dö ya̧dö, tji̧tji̧munö juna̧ladönöma tji̧tji̧mukwö treintanö 'da̧batö junijetö. Ja̧danö, pa̧ka̧yö̧tjö cuarentanö ya̧dönö, dieznö ömadönö 'da̧batö junijetö. Ja̧danö, bu̧lu̧dötjö̧ veintenö ya̧dönö, dieznö ömadönö 'da̧batö junijetö.

Génesis 32:17

Ja̧danö, abönö öbibö 'yo̧nö webijetö: —Chöpöema ökwönö badekwajö aebitjö̧ma: kwuluwo̧ma ¿tida? ¿dai kwi̧'ya? Bidö öbibö kwi̧'yajawö̧ma ¿ti ajwimuda?

Génesis 32:20

Ja̧danö, kwo̧'wo jwibibökönö yökawaduwo, kwömöayo̧ Jacobma dökömanö ichobe, jö̧ba̧lö— webijetö Jacobma. Jacobma baikwö omukwatijetö: Abönö jobadönö Esaúnö tjiyobö weta jo̧banö tjitiyudobö, ina ötjönö o̧'wo sulinö edapji jö̧ba̧lö. Jemi ikenama itekwayi jo̧banö chedocha. Otiwanö chiyajobetjö̧ ötjönö edö o̧'wo̧ ösöwanö edena ötjönöma. Jejenö omukwatijetö Jacobma.

Proverbios 2:11

Juwibi yötawa chitji̧: Ötjö jwebebö yötawi̧ a̧ja̧kwö, jweinö omukwatö kwö̧jobetjö̧ kwö̧jakwa̧ jawa ajayinö kwo̧'wo̧nö kwomukwatakwo̧ja. Wanedö yötawakwö: Jobekwö kwö̧jakwa̧ jawa ajayinö kwo̧'wo̧nö kwomukwati̧ma isabenö ökwönö te'ada̧lo̧danö ja̧kobe, ökwönö te'ada̧lö, otiwanö kwö̧jobö. Ju'wibi yötawa chitji̧, wanedö: Ötjö jwebebö yötawi̧ a̧ja̧kwö jweinö omukwatö kwö̧jobetjö̧ otiwanö kwomukwatakwo̧ja, di̧ya sulojobö jö̧ba̧lö, di̧ya otiwojobö jö̧ba̧lö. Ja̧ kwomukwati̧ma tjöeba̧lobedanö suli̧ jawatjö ö̧jibanö tjöeba̧lobe.

Isaías 28:26

Ja̧danö, baikwö yötawaduwakwö chömöledö, jobekwö otidi̧ma, Diosda jobekwö waisanö otidobö ö̧ba̧ja̧diökwe, jobekwö otido̧.

Mateo 10:16

Tupakwö yöawinobe Jesúsma: —Chömöledö, isabenö labobe kwi̧'yaduwobö wetaduwakwö. Baikwö wanedö yötawa: Ökwödönöma o̧bȩja̧dönö wetobedanö ichejekwa, labidö tebo a̧wi̧li̧dö tjö'da̧de kwi̧'yaduwobö. Jo̧kwajabetjö̧, waisanö omukwatö kwö̧jaduwo, ja̧danö ju'wibi ja'yubebi jojodönö laböködö kwö̧jaduwo.

1 Samuel 25:19

Ikenama, wanaju, jömöayedönö wejinobe, —Juluwanö, bidönö öbibö David ö̧jobekwö 'ya̧duwi, ja̧danö ötjöma juluwanö ökömanö chicha —jö̧ba̧lö. Jobekwö ja̧jinobe Abigailma, jo̧kwaijayonö jilekwe Nabalnö yöbawökönö jejenö ja̧jinobe.