Génesis 31:10 - Dios Iwene

¹⁰ —Ja̧danö, belö o̧bȩja̧dö, chi̧wo̧dö tji̧tji̧kwobe ja̧wo̧ baledena chi̧'wi̧dinö chedijatö chi̧wo̧dönö, ömadönö ya̧dönö i̧tji̧kwö tjö̧jobekwö. Ja̧danö, okobe deinö jobadö chi̧wo̧dö ömadöma, wȩyu̧wadönöda chedijatö, chi̧'wi̧dinö.

Génesis 31:10 Iomraidhean Croise

Génesis 20:6

Ikenama Diosma jö̧ba̧lijetö Abimelecnöma, i̧'wi̧dinö: —Jau, chöwaisa. Kwomajadenö otiwanö omukwatö weköbinobe jobujunö tjichejebobö. Jejenö chöwaisobetjö̧ ökwönö pjatatijatö, ötjö chöpöjödi̧ma sulabenö ja̧köbapji jö̧ba̧lö. Ja̧danö, pjatatijatö jobujunö maköbokobö, jobujuma jelo̧ ilekwo wajwiköbi̧ chöwaisobetjö̧.

Génesis 28:12

Jejenö abemi okwanö i̧'wi̧di̧nö edijetö Jacobma baikwö: Nöchawaka böjȩtjö̧ mölejebe dötewinö jo̧bekwö edijetö. Ja̧kanö Dios weajawö̧ ángelesdöma nöchöbi tjö̧nöchobekwö edijetö. Ja̧danö, yutubajöbi yututjajobekwö edijetö ja̧kanö.

Génesis 30:39

Jokwabetjö̧ o̧bȩja̧dö, chi̧wo̧dö ja̧ towi öjasabiju jo̧bekwö bajalenö ja̧nö i̧tji̧kwakwawijadötö. Ikenama jobadöma tji̧tji̧munöma wȩyu̧wadönöda 'yabebijadötö.

Génesis 31:11

Ikenama, chi̧'wi̧dinö Dios weajökwe ángelma ötjönö jwöijatö: —Jacob— jö̧ba̧lö. Jwöitjö̧: —Bena chö̧ja— chatadijatö chi̧'wi̧dinö.

Génesis 31:12

Ja̧danö, jo̧ba ángelma yöa̧lijatö ötjönöma, Dios yöa̧li̧: —Jacob edi chi̧wo̧dönö i̧tji̧kwö tjö̧jobekwö. Okobe deinö wȩyu̧wadöda tji̧tji̧kwobe. Ja̧ baledi̧ma ötjöda weti̧. Labán sulabenö ja̧ina chedinobetjö̧ jejenö baledobö wetobe, ökwönö pjabatö.

Génesis 31:24

Ja̧ yö̧tema, Labán ina Jacobnö yöa̧lapjii Diosma öwawachijetö jo̧banöma, i̧'wi̧dinö. Öwawachö webijetö: —Labán, Jacobnö yöka̧lena tjöbeba̧lö̧jinö yöka̧lonö. Labinö, usula kwemawinö lȩtebokwö, jö̧ba̧lö, yöka̧lokonö, ja'yubebi. Dösölö̧jinö yökalonö— webijetö Diosma Labánnöma, i̧'wi̧dinö.

Génesis 31:9

Jejenö Diosma pjaatinobe ötjönöma, kwabe'doduwi a̧jwi̧mutjö 'döbebö iyö ötjö cha̧jwi̧mu batjibanö— jö̧ba̧lijetö Jacobma i̧lȩkwa̧munö. Ina jö̧ba̧lijetö:

Génesis 37:5

Ja̧danö, ju'wi yö̧te Joséma 'wi̧dikwijetö. I'wi̧dikwaja̧ma wilubö yöbawijetö öpöedönö. Ja̧danö, i̧'wi̧dikwaja̧ yöawiawö̧ tjo̧'wo̧ sulinö edö jwiinö öpöjödijadötö öpöedöma Josénöma. Isabenö, ajayi tjöpöjödajemitjö̧ o̧penönö tjo̧'wo̧ sulinö edö öpöjödijadötö jobadöma tjö̧jawo̧ Josénöma.

1 Reyes 3:5

Ja̧danö, ju'wi yö̧te Salomon Gabaonnö ö̧jenama, Isabenö Jo̧ma Salomonnö öwawachibinobe, i̧'wi̧dinö. Öwawachajo̧, Diosma jo̧banö abebö a̧ja̧kwinobe, —Ökwönö chiyakwa̧ma, di̧ya jawa ökwönö chiyobö jö̧ka̧lobeda? —jö̧ba̧lö.

Deuteronomio 13:1

Tupakwö yöawinobe Moisesma, israel jojodönö: —Chömöledö, kwö'da̧deduwitjö ju'wedöma yötjawena, –Ötjöma Dios yöawi̧ yöbawo̧sa, ja̧danö baikwö baledakwa̧ yötawaduwakwö, –jö̧ba̧lö yötjawena. Ja̧danö ju'wedöma yötjawena, –Jojodö tji̧'wi̧dinö tjedi̧ jawa labebö lobö yöbawo̧sa, baikwö baledakwa̧ yötawakwö, –jö̧ba̧lö yötjawena. Tupakwö baledakwa̧ jawabi yötjawena, ja̧danö jojodö edajitjökö jawa tji̧sȩbakwa̧ yötjawena. Ikenama, yötjawaja̧danö baledena, ja̧danö baledaja̧ ikenama, ju'wibi yötjawena, –Chömöledö, isabenö ju'wedö tjösödawö̧nö ökwödöbi dösödobö jo̧be, –jö̧ba̧lö. Jau chömöledö, ju'wedö tjösödawö̧nö kwösödaduwobö ötjibena, ajayinö wajwiköbaduwinawö̧ tjösödawö̧nö, –Idö wetji̧bi a̧ja̧kwö dö̧jo, –jö̧ba̧lö.