Génesis 30:23 - Dios Iwene

²³ Ja̧danö, jobujuma metu'wo ja̧ju jitji̧nö emijotö. Emajaju jö̧ba̧lijotö: —Diosma chötabakwi̧ma emö loajabe— jö̧ba̧lijotö.

Génesis 30:23 Iomraidhean Croise

Génesis 29:31

Isabenö Jo̧ Diosma Leanö edö, jilekwe ösödokoko, jö̧ba̧lö, jobujunöma metu'wo jö̧jinö pjabatijetö. Jo̧kwaijayonö Raquelma metu'wo jö̧joböma waekwijetö.

Isaías 4:1

Ja̧ möle, o̧bukwedöda tjö̧jakwedö, ömadöma, jo̧kwajabetjö̧ ya̧dö jelemutjö du̧ju̧taja bakwo̧nö do̧batö atjebakwedö: —Ökwödönö kwemobö adebakwö, kwilekwamu badibanö. Ökwödönö kwiteada̧lobö adebökö, ökwödöda du̧kwa kwakwawa dukwakwedösa, ja̧danö ökwödöda dökamisi 'dudawakwedösa. Dilekwe debadö dö̧jobetjö̧, taba lö̧jawö̧sa, jo̧kwajabetjö̧ adebakwö, ökwödönö kwemobö, kwimi yöba̧lö, –Ite ilekwamusa, –jö̧ba̧lö taba jwiinö yöda̧lakobetjö̧. Jobekwö taba dö̧ji̧ söbebö lobö, ökwödönö kwemobö adebakwö, —jö̧ba̧lö atjebakwedö, Juda jojodötjö ömadöma deakobetjö̧.

Lucas 1:21

Dios weökwe ángel Zacaríaskwö yöawonö, jojodöma a̧petukwöbe ja̧nö Zacarías laebakwa̧ tjite'ada̧linobe, ja̧danö lekwe deiawö̧, ¿Tajawedö lekwe laebököjö? jö̧ba̧lö tjomukwatinobe.

Lucas 1:25

Ja̧danö, metu'wo jö̧jobetjö̧, Elisabetma jo̧'wo̧ ösöwanö yöja̧linobe: —Ajayinöma chi̧tji̧mu debuju chö̧jobetjö̧, jojodö tjöba a'otjö tabakwö chö̧jijatö. Jo̧kwaijayonö Diosma isabenö otiwanö pjaatajabe ötjönö. Babema taba jwiinö chö̧jakwujusa, Diosma chitji̧nö chemobö otiwanö iyajabetjö̧— jö̧ba̧lö yöja̧linobe Elisabetma.

Lucas 1:27

Jobe Nazaretnö bakwujuma María mikwujuma jö̧jinobe. Jobuju Maríama ina iso̧kwö ji̧nökuju, ja̧danö ju'wibi yöbawö juninuju, la'aka luwo̧bina David itji̧ tupadanö jojo José mikwo̧nö tupakwö jemobö. Jobujunö yöbawö i̧'yinobe ángelma, Gabriel mikwo̧ma.

Jueces 11:37

Jo̧kwaijayonö ja'yubenö kwiteada̧lobö atebakwö chabe'do, yöbawö kwujuninadanö ja̧köbakwa̧ abönöma. Jawo̧dö du̧ju̧tajanö kwiteada̧lobö atebakwö, chömöledö ya̧dö möayedökwö chubudekwonö. Jau chabe'do, la'akatjöda chilekwenö emökuju batibajabe, jo̧kwajabetjö̧ ja̧ jawa budekwö, chömöledökwö mösa'iju jȩmi kwebachö chubudekwabobö jö̧ta̧la, —jö̧ba̧lö jatadinobe Jefte itjijuma.