Génesis 30:18 - Dios Iwene

¹⁸ Emaju jö̧ba̧lijotö Leama: —Ötjöma otiwanö wetajabe chömöayujunö chilekwenö. Jejenö otiwanö wetajabetjö̧ Diosma mikwanö iyi̧danö otiwanö iyajabe ötjönöma, ötjöda chitji̧nö— jö̧ba̧lijotö. Jejenö jö̧ba̧lö midijotö jitji̧nö Isacar, jö̧ba̧lö.

Génesis 30:18 Iomraidhean Croise

Génesis 30:17

Ja̧danö, Diosma Lea ajebi̧ma, jitji̧nö 'yajebobö pjaatobö a̧ja̧kwajabetjö̧ jobujuma metu'wo ji̧jotö. Ja̧danö, metu'wo ja̧juma Jacob itji̧ jelo̧nö emijotö, jobujutjö bakwamu luwo̧ baibanö 'yajebajawö̧ma.

Génesis 30:19

Jemi ikenama Leama inabi metu'wo ji̧jotö. Ja̧danö, Jacob itji̧nö emijotö, jobujutjö jelemutjö̧ bakwo̧ ji̧tji̧mutjö̧ bajaliya luwo̧nö.

Génesis 35:23

Ilekwo Leatjö i̧tji̧mu̧ma, bidö: Abönö pöe Reuben, ikena luwo̧ Simeón, ikena luwo̧ Leví, ikena luwo̧ Judá, ikena luwo̧ Isacar, ikena luwo̧ Zebulun.

Génesis 46:13

Jacob ikena itji̧ma Isacar. Isacar i̧tji̧muma bidö: Tola, Fúa, Job, Simrón.

1 Crónicas 12:32

Isacarsaso jojodö tjuluwedötjö, doscientosbedö luwedöma baledi̧ jawa edö waisanö omukwatadö tjö̧jinobe. Jobadöma baledi̧ jawa edö, israel jojodö otiwanö ja̧tjakwa̧ tjöwaisinobe, ja̧danö tjömöledönö öbibö, jobadöbi waisanö omukwatö Davidnö pjatjatinobe.

Deuteronomio 33:18

—Ja̧danö Zabulonsaso jojodönöbi, Isacarsaso jojodönöbi baikwö yöta̧la: Zabulonsaso jojodö jwaibalawanö kwetjachenama, otiwanö tjitea tjemobö chösöda, ja̧danö Isacarsaso jojodö tjejubiyanö ja̧nö tjotidonö, otiwanö tjemobö chösöda.

Apocalipsis 7:7

Ja̧danö, Simeonmine ömöledötjö tupadanö jojodöma, doce mil seyu dobö wȩyudakwawedöma. Ja̧danö, Levímine ömöledötjö tupadanö jojodöma, doce mil seyu dobö wȩyudakwawedöma. Ja̧danö, Isacarmine ömöledö tupadanö jojodöma, doce mil seyu dobö wȩyudakwawedöma.