Génesis 30:13 - Dios Iwene

¹³ Ja̧danö, Leama jö̧ba̧lijotö: —Jwiinö cho̧'wo̧ ösöwanö chö̧ja. Ju'wedö ya̧döma ötjönö edö, Leama jwiinö jo̧'wo ösöwanö juju, jö̧ba̧lö, yötja̧lakwawobe— jö̧ba̧lijotö. Jejenö jö̧ba̧lö, tjemunö midijotö Aser, jö̧ba̧lö.

Génesis 30:13 Iomraidhean Croise

Génesis 30:12

Ja̧danö, Zilpama yemidanö 'yabebijotö Jacob itji̧nö.

Génesis 35:26

Ja̧danö Lea jömöayuju Zilpa mikwujutjö i̧tji̧muma bidö: Abönö pöe Gad, ikena luwo̧ Aser. Jobadöma Jacob i̧tji̧mu, Padan-aram ö̧jelö 'yaebinawö̧ma. Benjamínnöda Padan-aramtjö 'yaebinökökwe.

Génesis 46:17

Jacob ikena itji̧ma Aser. Aser i̧tji̧mu ömadöma bidö: Imna, Isúa, Isúi, Bería. Jobadö tjöjawuju Sera mikwuju. Ja̧danö Bería i̧tji̧mu ömadöma bidö: Heber, Malquiel.

Génesis 49:20

Ikenama Jacobma yöbawijetö itji̧ Asernö: —Aser ökwötjö tupadanö jojodöma tjöbatjiju tjujunaja̧ma otiwanö pokwakobe. Ja̧danö, tjujuna̧lakwedö kwakwawama, otiwi̧ jawa. Jobadöma la'aka luwedö tjukwi̧danö tjukwakwedö, tjöbatjijutjö pokwi̧ma nöinö tjujuna̧lobetjö̧— yöbawijetö Jacobma Asernö.

Proverbios 31:28

Ji̧tji̧mu̧ma jobujunö jwiinö ösödö, dojo'doma jwiinö otiwanö omukwatuju, jö̧ba̧lö, yötja̧loko. Ja̧danö, jilekwebi jobujunö ösödö, otiwanö omukwatuju chilekwoma, jö̧ba̧lö, yöa̧loko.

Lucas 1:48

Diosma ötjö jo̧ba ömöayuju mikwawökujunö lȩlö̧jinö edobetjö̧. Ja̧danö jejenö lȩlö̧jinö ötjönö edobetjö̧, tupakwö bajalenö okobe deinö tji̧tji̧mu tupadanö jojodöma ötjönö ötjabikobe, Dios otiwanö pjaatinoko jö̧ba̧lö.