Génesis 3:6 - Dios Iwene

⁶ Ja̧danö, isujuma jowinö wa̧ji̧ma jedemi kwakwawanöbi otiwijetö. Jowibi jedemi jwiinö otiwijetö. Waisakwawabi otiwioko ösödinö edijotö. Jo̧kwaioko jowinö wa̧ji̧ma 'döbebö kwijotö. Kwaja̧ju jilekwenö iyijotö. Ja̧danö, jo̧babi kwijetö.

Génesis 3:6 Iomraidhean Croise

Génesis 3:12

—Isuju. Ötjökwö jö̧jobö kwiyinoko jowinö wa̧ji̧tjö 'döbebö jiyitjö̧ chukwatö— jö̧ba̧lijetö iso̧ma.

Génesis 3:17

Ja̧danö, iso̧nö jö̧ba̧lijetö: —Kwilekwo jö̧ja̧li̧ wene ösödö kukwoko jö̧ta̧linowinö wa̧ji̧ kwukwajabetjö̧ nijima suli̧ baibanö lȩteba. Bemi tupakwöma 'yaka̧lemi baibanö juluwachiböda labinö kwotidajenada, ku̧kwama pokwiakwo̧ja.

Génesis 39:7

Ju'wi möle José uluwo̧ ilekwoma ösödö edö obijotö Josénöma, Ötjökwö dö̧lo ichi, jö̧ba̧lö.

Génesis 6:2

Ja̧danö, ja̧ mölema baikwö baledijetö: Mölejȩnö ju̧kwadö ángelesdötjö sulabedö ángelesdöma böjȩnö ju̧kwadö ya̧dönö tjedemi, jwiinö otiwadö jö̧ba̧lö, tji̧lȩkwa̧munö tjemotö jö̧ba̧lö ösödijadötö. Jejenö tjösödobetjö̧ jobadö sulabedö ángelesdöma böjȩnö ju̧kwadö ya̧dönö emijadötö, jobadötjö bakwo̧nökwena tjösödokokwena.

2 Samuel 11:2

Ja̧danö, jobe Jerusalennö ö̧jonö, baikwö baledinobe: Ju'wi möle aba̧lajo̧, yi̧benakwö la'aka luwo̧ Davidma a̧la̧ibö kweachinobe, ejutjö mö ba̧ba̧lawobema. Ja̧danö, kweachonö, mötjö edinobe jojosuju jejutjö ojwe ibujunö, jwiinö otiwujunö.

1 Reyes 13:19

Ja̧danö, jejenö omöna yöa̧liökwe, Dios yöawi̧ yöbawo̧ma pöe yöa̧li̧ ösödinobe, jadanö jo̧bakwö 'ya̧nö, ejutjö ukwinobe, ja̧danö owinobe.

Diosnö ösödo̧ Job mikwo̧ usula emawina jawa 31:1

Tupakwö yöa̧linobe Jobma: —Isabenö Dios wei̧ a̧ja̧kwö jo̧sa, baikwö wanedö yöta̧la: Ötjökwö, chöbajalekwö sulabenö edökönö chö̧jakwa̧ yöbawö chujunijatö, –La'akatjöda chilekwobökuju möayujunö chedökakwo̧sa, Aaa, isunö chö̧jowe, jö̧ba̧löma. Dios lȩebapji jö̧ba̧lö, la'akatjöda chilekwobököjunö ösödi̧nö chedökakwo̧sa, –jö̧ba̧lö jobekwö yöbawö chujunijatö ötjödada.

Mateo 5:28

Jo̧kwaijayonö babema jemi bajalekwönönö baikwö yötawaduwakwö ötjöma chömöledö: Sule kwi̧lȩkwa̧muböködökwö kwö̧jitjö̧damaökö, bakwo̧ ilekwobökujunö edö, Aaa, isujunö chö̧jowe, jö̧ba̧lö omukwatitjö̧ma, omajadenö ilekwobökujunö ida̧ökö ö̧jajabe.

1 Timoteo 2:14

Ja̧danö, a̧ko'da omöna yöa̧lina ösödinujuma Evadainobe, Adánmaökö, ¿jö̧tö? Jau Timoteo, a̧ko'dama jweinö yöbawo̧ jö̧ba̧lö, Dios weökö jawa ja̧jinobe isujuma.

Josué 7:21

Jerico jojodönö dujuluwenama, dujuluwajawö̧ tjiteatjö chedijatö, kamijido̧ babilonia nijitjö otikwa̧do̧ jwiinö otiwa̧do̧ wamesa̧do̧ma, ja̧danö ju'wibi plata ö̧pi̧ya doscientos ö̧pi̧ya chedijatö, ja̧danö ju'wibi orotjö cincuenta ö̧piyadanö ömöka'o chedijatö. Jejenö edajo̧, ötjöda chemotö jö̧ba̧lö chösödijatö, ja̧danö emajo̧, cheju i̧sȩdo̧tjö otikweju okwa sobö o̧tjö chotojijatö. Jau Josue, ja̧ chemina jawama, babe cheju okwa, niji okwa jo̧be, ja̧danö ju'wi jawa teebe, plata ö̧pi̧ya bo̧be, —jö̧ba̧lö atadinobe Acanma.

1 Juan 2:16

Ja̧danö ¿taji tji̧sekwobeda böjȩ jawa sulabenö tjösödi̧ma? Biya̧ chö̧ja̧wo̧dö: Jojodö tjiteba'o sulabe wei̧ tjösödi̧ma. Ja̧danö, ju'wibi. Böjȩ jawa edö, ju'wi jawabi, ju'wi jawabi, Chujuna̧lo, jö̧ba̧lö. Ja̧danö ju'wi jawabi, böjȩ jawa sulabe tjösödi̧ tji̧sebi̧ma biya̧: Baikwö jö̧ba̧lo̧, Editjö, luwo̧sa. Ötjöma jojodö tjuluwo̧sa, ja̧danö teabi, kwakwawabi, baladabi juna̧lo̧sa, jö̧ba̧lö, yelösöda jo̧bama böjȩ jawa sulabe tjösödi̧ma i̧sebo̧. Chö̧ja̧wo̧dö, jejenö böjȩ jawa ösödö tjö̧ji̧ma Dabe'do Diostjö ichokobe. Jojodötjö, Diosnö öpöjödadötjöda ichobe, ja̧ böjȩ jawa tjösödi̧ma.

Jueces 14:17

Ja̧danö, ba'ali tjujunena baledibanö, Sanson ilekwoma jilekwe öba a'otjö budekwiajinobe, —Labebö lobö yökawotjö, —jö̧ba̧lö. Ja̧danö, lekwe budekwö ajeba̧liökwe, bajaliyanö bajaleapo möle jelemutjö dötölataja mölema, labebö loawa yöawinobe ilekwonö. Ja̧danö, yöawioko, tupakwö jömöledönö labebö loawa yöjawinobe.