Génesis 29:18 - Dios Iwene

¹⁸ Ja̧danö, Jacobma Raquelnö jwiinö ösödobetjö̧ abebijetö Labánnö: —Labán, kwitjiju bajaliya luwuju Raquelnö, chilekwo baibanö chemobö atebakwö. Ja̧danö, jelemutjö dötölataja o̧biya baledibanö ökwö weköbi̧ chotidocha, otidö katatajena jobujunö chemobö, chilekwo baibanö— aebökwe:

Génesis 29:18 Iomraidhean Croise

Génesis 24:67

Jemi ikena, Isaacma Rebecanö tebatijetö ojo'do jeju okwa, ilekwo baibanö emobö. Ja̧danö, Isaacma jwiinö ile nibebijetö Rebecanö. Jejenö Rebecanö jwiinö ile niebobetjö̧ ojo'do wojina omukwatö o̧'wo̧ tjo̧achi̧ma ja'yubeda 'dö̧ibajijetö, nöinöma o̧'wo̧ tjo̧achökönö.

Génesis 29:19

—Jau otiwa, bena otidö kwö̧jo. Chitjijunö ökwönö wetoböma chedemi otiwa. Jelo̧nö wetemitjö bajalekwönönö otiwa ökwönö weti̧ma— jö̧ba̧lijetö Labánma Jacobnöma.

Génesis 29:20

Jokwaobetjö̧ Jacobma Labán wei̧ otidiabijetö jelemutjö dötölataja o̧biya baledibanö. Lekwijayonö juluwanö baledobe ichejekwijetö Jacobnöma, jwiinö ösödobetjö̧ Raquelnö.

Génesis 29:30

Ja̧danö, Jacobma Raquelkwö ji̧jetö, ilekwo baibanö. Jwiinö ile nibebijetö Raquelnö, Leanö ile niebi̧tjö̧ bajalekwönönö ile nibebijetö Raquelnöma. Ikenama ju'wi jelemutjö dötölataja o̧biya Labán wei̧ otidiabijetö Jacobma.

Génesis 30:26

Ja̧danö, ötjö chi̧lȩkwa̧munö, chi̧tji̧munö webitjö chȩwa̧jo, jobadönö chotidawatjö cheminobetjö̧. Kwöwaisa ökwö weköbi̧ma lekwe o̧biya otiwanö otidiachijatö— abebijetö.

Génesis 31:41

Jejenö otidiachijatö ökwökwö ja̧nö. A̧li̧tjö̧sa̧mutjö̧ ö'wejemu jawa o̧biya otidiachijatö kwi̧tji̧munö chemina midawö. Jemi tupakwö jelemutjö bakwöta o̧biya otidiachijatö kwa̧jwi̧mu̧tjö midödanö chemobö. Ja̧danö, ba̧kwelöjatebö ötjönö kwimidobö jö̧ka̧la̧ja̧ma kwimidinokobe, chimidocha jö̧ka̧laja̧ma nijakwö jwibatö.

Génesis 34:12

Ja̧danö, Dinanö chemi̧ mikwama, ja̧danö jömöledönö chimidi̧ma ökwödöda akebaduwotjö. Akebaduwi̧da chimidocha— jö̧ba̧lijetö Shequemma.

2 Samuel 3:14

Ja̧danö Davidma yöbawadönö weinobe iteda yöa̧li̧ Isbosetnö yötja̧lobö baikwö: —Chilekwo Mical mikwujunö tjebatajitjö. Isabenö jobujunö chemobö chimidijatö kwabe'donö, filisteo jojodö cienbedönö kwabawö lobajo̧, tjötade bajalesa̧diju kwabe'donö chiyijatö, itjiju Micalnö chemobö. Jo̧kwajabetjö chilekwonö tjebatajitjö, —jö̧ba̧lö.