Génesis 29:1 - Dios Iwene

¹ Ikenama Jacobma ja̧wo̧ laebobekwö 'yi̧jetö ojo'do jömöledö tjitebobe.

Génesis 29:1 Iomraidhean Croise

Génesis 24:10

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Génesis 25:20

Isaacma cuarenta a̧yo bo̧ Betuel itjijunö, Rebeca mikwujunö, emijetö ilekwo baibanö. Betuel, arameo jojoma, Padan-aramnö ji̧jetö. Rebecama Labán öjawuju.

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Génesis 35:1

Ikenama Diosma jö̧ba̧lijetö Jacobnö: —Jacob, ötjöma ökwönö Betel comunidadnö ajayinö öwawachinasa, kwöpöetjö döbibajö kwi̧'yena. Babema jobe da̧jaduwi kwö̧jaduwo, Betelbe. Jobe ichibö ötjönö juwö iyawakwemi kwotidaduwo, ötjönö kwösödaduwobö— jö̧ba̧lö webijetö.

Génesis 35:7

Jobe ichibö Jacobma Diosnö ösödobö juwö iyawemi otidijetö. Otidajemima El Betel, jö̧ba̧lö, midijetö, jemima Dios Jacobnö öwawachinobetjö̧ öpöetjö döbibajö i̧'yajena. Betel, jö̧ba̧löma, Dios Betelnö jo̧, jö̧ba̧lö wanekwachobe.

1 Reyes 4:30

Okobe deinö jawo̧ laebobekwö ju̧kwadötjö, bajalekwönönö waisanö omukwato̧ ö̧jinobe Salomonma, ja̧danö okobe deinö Egipto nijitjö waisanö omukwatadö ötjabawö̧tjö, bajalekwönönö waisanö omukwato̧ ö̧jinobe.

Jueces 6:3

Isabenö usula tjemawinö ja̧tjinobe, ba̧kwelöjatebö israel jojodö batjo tjotidenama, wa̧ji̧ emajitja möle baibakwa̧ abönö madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi tjönaukwobö tjichinobe.

Jueces 6:33

Jemi ikenama, ja'yubenö lekwajabetjö, madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi bakobe tjichinobe, ja̧danö Jordan ojwe pebibö, Jezrel wabekonö tjabakwemi tjujuninobe.

Jueces 7:12

Jwiinö ba̧jȩkwadö madianitas jojodöbi, amalecitas jojodöbi, ju'wedö jawo̧ laebobekwötjö ichajadöbi tjö̧ba̧jekwinobe wabekonö, jwiinö tjö̧ba̧jȩkwobetjö̧ ma̧la̧ka̧yu tjö̧ba̧jekwi̧danö ichejekwinobe, ja̧danö tja̧jwi̧mu ka̧meyudöbi ba̧ja̧dakwawökenanö tjö̧jinobe, jwaibalawa ö'öbö so̧bi̧apu ba̧jȩkwi̧danö.

Jueces 8:10

Inesö la'aka luwedö Zebabi, Zalmunabi Carcor comunidadnö tjö̧jinobe, tjömöayedötjö ji̧bajadökö, quince milbedökwö. Ajayinö yelösöda ba̧jȩkwadö tjö̧möayedö jawo̧ laebobekwötjö ichadökwö tjö̧jinobe, ciento treinta y cinco milbedökwö, jo̧kwaijayonö jobadötjö ciento veinte milbedö ölakwabikwawadö ida̧ökö debö tji̧'yajobetjö̧, quince milbedökwöda tjö̧jinobe.