Génesis 28:10 - Dios Iwene

¹⁰ Ja̧danö, Jacobma Beersebatjö labebö Harán niji jobekwö 'yi̧jetö.

Génesis 28:10 Iomraidhean Croise

Génesis 11:31

Ja̧danö, Taréma itji̧ Abramkwö, ö'dö̧ Lotkwö, ojoliju Saraikwö Urtjö labebö Canaán nijibe 'yi̧jadötö. Jo̧kwaijayonö ja'öda Harán nijinö ichibö ju̧kwijadötö.

Génesis 12:4

Ja̧danö, Isabenö Jo̧ Diosma Abramnö, Kwi̧'yo, jö̧ba̧lö, weökwe Harántjö labebö 'yi̧jetö, Isabenö Jo̧ Dios wei̧danö. Öjawo̧ itji̧ Lotbi 'yi̧jetö, Abramkwö. Abramma jobetjö laebena setenta y cinco a̧yo juna̧lijetö.

Génesis 12:5

Ja̧danö, Harántjö labebö 'yi̧jetö Abramma, öjawo̧mine itji̧ Lotkwö, ja̧danö, ilekwo Saraikwö. Ja̧danö, okobe jwiinö tjiteabi, tja̧jwi̧munöbi, Harántjö midö tjeminawö̧ tjömöayedönöbi öbibö 'yi̧jadötö Canaán nijibe. 'Ya̧jadöma Canaán nijinö ichibijadötö.

Génesis 26:23

Ikenama Isaacma jemi u'dakwöchobe 'yi̧jetö Beerseba comunidadbe.

Génesis 27:43

Jo̧kwabetjö̧ ötjö weti̧ a̧ja̧kwi. Belöma döbibaji chöpöe Labán ö̧jobekwö, jobe Harán nijibe kwö̧jo.

Génesis 29:4

Ja̧danö, Jacobma jobekwö 'ya̧wibö abebö a̧ja̧kwijetö te'ada̧lakwawa jojodönöma: —Chömöledö, ökwödöma ¿dai jojodököbaduwa?— abebö a̧ja̧kwawö̧: —Ökwödöma Harán jojodösa— atadijadötö.

Génesis 32:10

Ötjönöma ba̧kwȩlöjatebö pjabato̧ja. Ötjöma mikwawökösa̧ ötjönö otiwanö pjakato jö̧ba̧lö. Mikwawö̧kö̧chijayonö ba̧kwȩlöjatebö dösölö̧jinö edö pjakatobe ötjönö, kwömöayo̧nöma. Okobe jwiinö yöbawö kwujuninama badekwachobö ja̧bo̧ja. Ajayinöma chitea jwiinö chi̧'yijatö Harán niji jobekwö. Ja̧danö, Jordan ojwe pebibö, tokwawö kweachakwawötekwöda petibijatö. Babema chȩwa̧jabe nöinö chiteakwö, cha̧jwi̧mukwö, chömöayedökwö, bidö dötölataja jenanö.

Génesis 35:1

Ikenama Diosma jö̧ba̧lijetö Jacobnö: —Jacob, ötjöma ökwönö Betel comunidadnö ajayinö öwawachinasa, kwöpöetjö döbibajö kwi̧'yena. Babema jobe da̧jaduwi kwö̧jaduwo, Betelbe. Jobe ichibö ötjönö juwö iyawakwemi kwotidaduwo, ötjönö kwösödaduwobö— jö̧ba̧lö webijetö.

Génesis 35:7

Jobe ichibö Jacobma Diosnö ösödobö juwö iyawemi otidijetö. Otidajemima El Betel, jö̧ba̧lö, midijetö, jemima Dios Jacobnö öwawachinobetjö̧ öpöetjö döbibajö i̧'yajena. Betel, jö̧ba̧löma, Dios Betelnö jo̧, jö̧ba̧lö wanekwachobe.

Génesis 46:1

Ja̧danö, Israelma okobe deinö ömöledökwö, ömöayedökwö, a̧jwi̧mu̧kwö, ja̧danö okobe jwiinö u̧kwa tea e'ewö 'yi̧jetö Egiptobe. Ja'ö 'ya̧nö Beersebanö ichibö juwö iyijetö Diosnö ösödö, abe'do Isaac uluwo̧ Diosnöma.

Éxodo 33:1

Isabenö Jo̧ma Moisésnö webijetö: — Moisés, jojodönö, Egiptotjö öbibö lakebinawö̧nö betjöma öbibö kwi̧'yo damötjö̧ Abrahamnö, Isaacnö, Jacobnö ötjöda chiwene yöbawö chujuninemikwö. Jobadönö ötjöda chiwene yöbawö chujunijatö. Bemi nijima ökwötjö tupadanö jojodönö chiyocha, jö̧ba̧lö. Jobekwö kwömöledönö öbibö kwi̧'yo.

Hechos 25:13

Ikenama, ja'yubeda lekwe möle baledibajena jelo̧ la'aka luwo̧ma, Agripa mikwo̧ma Cesareabe kwebachö 'yi̧jetö öjawujujukwö, Bernicia mikwujukwö, balekwo̧ la'aka luwo̧ Festonö edö.

Hechos 7:2

Jejenö abebö a̧ja̧kwiökwe Estebanma yöbawö atadijetö: —Chömöledö, ötjö yötawi̧ a̧ja̧kwaduwi: Damötjö dewinö dejato̧ Diosma öwawachijetö da'dömine Abrahamnöma, Mesopotamianö ö̧jena, Haránnö ö̧jakwa̧ abönö.