Génesis 28:1 - Dios Iwene

¹ Ikenama, Isaacma jwöbijetö Jacobnö ichobö. Ichajo̧nö, Dios pjaatakwo̧, jö̧ba̧lö, baikwö webijetö: —Jacob, a̧ja̧kwitjö. Kwilekwonö bemi Canaán ya̧dötjö akeboko.

Génesis 28:1 Iomraidhean Croise

Génesis 24:37

Ja̧danö, chuluwo̧ Abrahamma ötjönö weijatö baikwö: Chömöayo̧, Dios öba a'otjö kwiwene yöbawö juni, Weköbi̧ma isabenö cha̧ja̧kwocha, jö̧ba̧lö. Ja̧danö, baikwö jö̧ba̧lö weijatö: Chitji̧ Isaac ilekwo bajibakwujunö bemi Canaán jojodö ya̧dötjö kwisakwoko. Jejenö weijatö ötjönöma.

Génesis 24:4

Chömöayo̧, bemi ya̧dötjö isakwökönö ötjö chitebobe kwi̧'yo, chömöledö tjuju̧kwobekwö. Jobadö tji̧tji̧mu ya̧dötjöda kwisakwo chitji̧ ilekwo̧ bajibakwujunö— webijetö Abrahamma ömöayo̧nöma.

Génesis 27:4

Ja̧danö, 'bököbajökwenöma söinö, ötjö chukwobö chösödi̧danö tobibö kwichejebo chukwo. Ja̧danö, chukwaja̧ ikena Dios dösölö̧jinö edö pjaatakwa̧ ökwönö chujunocha. Chitji̧, wotakwa̧ abönö jejenö chujunobö jö̧ta̧la ökwönö— jö̧ba̧lijetö.

Génesis 27:46

Ikenama Rebecama Isaacnö o̧'wo̧ tjo̧bekwö budekwabijotö: —¡Ötjöwe! ¡Dakwö chö̧jakwajö bemi Heteo niji ya̧dökwö, Esaú eminawö̧kwöma¡ ¡Chöpöjödawö̧! ¡Ayö! Jacobbi bemi ya̧dötjö emitjö̧ma ¡debö chi̧'yoböma otiwena¡— budekwabinö jö̧ba̧lijotö Rebecama Isaacnö.

Génesis 28:6

Ja̧danö, Esaúma waisachibijetö abe'do Jacobnö Dios dösölö̧jinö edö pjaatakwa̧ ujunaja̧ma. Ja̧danö, waisachibijetö abe'do Jacobnö weaja̧, Canaán jojodö ya̧dötjö akeboko kwilekwoma, jö̧ba̧lö. Parán-aram nijibe 'ya̧wi̧ jobetjöda kwilekwonö akebo, jö̧ba̧lö, weaja̧ma waisachibijetö Esaúma.

Génesis 34:16

ökwödötjö ya̧dö nöma wedena kwilekwamu batjibanö. Ja̧danö, jejenö 'wikekwaduwitjö̧ma ökwödöbi ökwödötjö ya̧dö nö demena, dilekwo batjibanö. Jejenö ökwödökwö bakwaibedöda duju̧kwena.

Génesis 34:9

Ja̧danö, ju'wibi, bakobe omukwatö yöbawö dujuno baikwö: Ökwödöma kwi̧tji̧muduwi ya̧dönö weköbaduwo di̧tji̧mu ömadöma tjilekwo baibanö tjemobö. Ja̧danö, ökwödöbi di̧tji̧mu ya̧dö nö wedena kwi̧tji̧mu ömadöma tjemobö.

Génesis 38:2

Ja̧danö, jobe ja̧nö bakwujunö, Canaán jojosujunö edö ösödijetö, Chilekwo baibanö chemena, jö̧ba̧lö. Jobuju jabe'doma Súa mikwo̧. Ja̧danö, Judáma jobujunö emijetö ilekwo baibanö.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Génesis 49:28

Jobadö Jacob i̧tji̧muma Israel jojodö abönö ji̧nadö. Jacobma jobadönö yöbawijetö bakwo̧nökwena Dios pjaatakwa̧bi Dios lȩebakwa̧bi, bakwo̧nökwena tjemo jö̧tja̧li̧danö. Jejenö Jacobma woakwa̧ abönö yöbawijetö i̧tji̧munö, bakwo̧nökwena.

Génesis 6:2

Ja̧danö, ja̧ mölema baikwö baledijetö: Mölejȩnö ju̧kwadö ángelesdötjö sulabedö ángelesdöma böjȩnö ju̧kwadö ya̧dönö tjedemi, jwiinö otiwadö jö̧ba̧lö, tji̧lȩkwa̧munö tjemotö jö̧ba̧lö ösödijadötö. Jejenö tjösödobetjö̧ jobadö sulabedö ángelesdöma böjȩnö ju̧kwadö ya̧dönö emijadötö, jobadötjö bakwo̧nökwena tjösödokokwena.

Deuteronomio 33:1

Ja̧danö, Dios ömöayo̧ Moises ö'wö baibakwa̧ abönö, israel jojodönö yöawinobe, Dios jobadönö pjaatakwa̧ jawama,

Josué 22:7

Manasessaso jojodö tjitebo jawa labebö loawama, baikwö laebobe: Manasessaso ja'ö jojodönö, Moisesma Basan niji iyinobe Jordan ojwetjö jawo̧ laebobekwö nijima. Ja̧danö, ju'wedö Manasessaso ja'ö jojodönö, Josuema Jordantjö jawo̧ meajobekwö tjitebo baibanö iyinobe, ju'wedö israel jojodönö iyina niji ö'öbönö. Ja̧danö, Josue Manasassaso ja'ö jojodönöbi, Rubensaso jojodönöbi, Gadsaso jojodönöbi tjȩwa̧jobö weakwa̧ abönö, Diosnö aebinobe jobadönö,