Génesis 27:39 - Dios Iwene

³⁹ Jejenö aebiökwe abe'do Isaacma jö̧ba̧lijetö: —Chitji̧, a̧ja̧kwi biya̧ yöta̧lima: Ökwöma otiwanö pokwemi nijitjöma ödö kwö̧jakwo̧ja. Si̧li̧'i̧dö tjo'yoli lȩlöma ödö kwö̧jakwo̧ja̧.

Génesis 27:39 Iomraidhean Croise

Génesis 27:27

Jacobma abe'do ö̧jobekwö yö̧ne 'ya̧wibö du̧batijetö abe'donöma. Ja̧danö, Isaacma itji̧ Esaú ö̧kamijido̧danö omewiökwe, Isabenö bitema chitji̧ abönö pöe, jö̧ba̧lö, Isabenö Jo̧ Dios dösölö̧jinö edö pjaatakwa̧ junijetö Jacobnöda. Baikwö yöba̧lö junijetö: Isabenö ötjö chitji̧ma omewi̧nö otiwanö 'dö̧bekwo̧. Duluwo̧ Dios otiwanö pokwobö pjaatinayu batjodanö 'dö̧bekwo̧.

Génesis 27:28

Chitji̧, Diosma si̧li̧'i̧dö tjo'yoli weakwo̧, ku̧kwa pokwi̧ tiyudobö. Ja̧danö, kwöbatjonö otiwanö pökwi̧bi pokwobö pjaatakwo̧. Kwakwawabi nöinö, ubabi, ubasobu yu'yöawobubi nöinö pokwinö baibanö pjaatakwo̧.

Génesis 33:9

—Chö̧ja̧wo̧, jejenö kwiyoböma jwiya. Ötjöma ba̧jekwadönö cha̧jwi̧munö chujuna̧lobe. Iyökönuwitjö̧ kwa̧jwi̧mutjö̧ma—jö̧a̧lijayonö:

Deuteronomio 33:13

—Ja̧danö Jose itji̧mu sasokwena jojodönö baikwö yöta̧la: Isabenö Jo̧ otiwanö jobadö tjitebo niji pjaatobö chösöda, mölejebetjö si̧li̧'idö tji'oli weobö chösöda, ja̧danö niji teebe ojwiobi otiwanö weobö chösöda,

Deuteronomio 33:28

Jo̧kwajabetjö̧, israel jojodöma wene jwiinö tjö̧jobe, Jacob itji̧mu tupadanö jojodöma labokobe otiwanö tjö̧jobe. Israel nijima, si̧li̧'idö ti'oli otiwanö tjoduwemi, ja̧danö trigojaye waji̧bi, ubasobubi nöinö jȩmi niji̧.

Hebreos 11:20

Ja̧danö da'dömine Isaacma, Diosnö o̧'wo̧ wana̧lö ö̧jobetjö̧, i̧tji̧mu Jacobnö, Esaunö ju'winö baledakwa̧ wene yöawinobe, Diosma isabenö ökwönö pjaatakwo̧, jö̧ba̧lö.

Josué 24:4

ja̧danö Isaacnö itji̧mu du̧ju̧tajanö 'yaebobö chiyijatö, Jacobnöbi, Esaunöbi. Ja̧danö, Esaunö chiyijatö, Seir mösa'o jȩmi niji ö̧jobö, jo̧babi itji̧mu tupadanö jojodöbi. Ja̧danö Esau jobe ö̧jonö, Jacobbi, itji̧mubi Egipto nijibe tji̧'yinobe, jobe tjö̧jobö.