Génesis 27:35 - Dios Iwene

³⁵ —Kwöjawo̧ma kwoma'a o̧pekwönö ichajabe Dios ökwönö dösölö̧jinö edö pjaatakwa̧ naukwö— jö̧ba̧lijetö.

Génesis 27:35 Iomraidhean Croise

Génesis 27:33

Isaacma labinö tjö̧bawö jö̧ba̧lijetö: —Jo̧kwabetjö̧ ¿tida jo̧da 'böajökwenö söinö tobajo̧ ichejebajo̧ma? Jo̧ba ichejebaja̧ okobe jwiinö chukwatö kwichakwa̧ abönö. Kwanö kabatö chujunaja̧nötö Isabenö Jo̧ Dios jo̧banö dösölö̧jinö edö pjaatakwa̧ma. Isabenö, jo̧banö yöba̧lö chujunaja̧danö baledakobe jo̧banöma— jö̧ba̧lijetö Isaacma itji̧ abönö pöenö, Esaúnöma.

Génesis 29:25

Ja̧danö, ju'wi dewachö Jacobma wiluibö edemi, ¡ayö! bisu Leanöda weajabe, jö̧ba̧lö, edijetö. Ja̧danö, jö̧ba̧lijetö Labánnö: —¿Dakwö ja̧köbaja̧da ötjönöma? Raquelnöda chemobö chotidijatö. ¿Tajawedö jejenö ja̧köbajada? — abebö a̧ja̧kwökwe:

2 Reyes 10:19

Jo̧kwajabetjö̧, okobe deinö Baal yöawi̧ yöbawadönöbi, okobe deinö Baalnö ösödadönöbi, okobe deinö Baaltjö jojodötjö ö'weje pjabatadönöbi jwököbaduwo, bakwo̧bi deinö okobe deinö tjichobö jo̧be, inesö otiwi̧ iyawa Baalnö chiyakobetjö̧. Isabenö okobe deinö tjichobö jo̧be, ja̧danö Baalnö ösödadötjö bakwo̧ ichobö öpöjöditjö̧ma, ö'wö baibobö ja̧kobe, —jö̧ba̧lö yöbawö weinobe Jehuma. Jo̧kwaijayonö, jobekwö yöa̧li̧ma, isabenö wene yöa̧linokobe, 'daliwadanö omöna yöawinobe, okobe deinö Baalnö ösödadönö söbebö loakobetjö̧.

Diosnö ösödo̧ Job mikwo̧ usula emawina jawa 13:7

—Tajawedö omöna yöka̧laduwobeda chömöledö? Diosnö pjakataduwotö jö̧ba̧lö, omöna jawa yöka̧laduwobeji̧?

2 Corintios 4:7

Chömöledö, ökwödöma ja̧ inesö mikwawi̧ wene yöbawadösa, jo̧kwaijayonö juluwöködösa chömöledö, sule letiatjö Dios dadö otidinawö̧sa, ¿jö̧tö? Ja̧danö, ökwödöma juluwöködö dö̧jijayonö, inesö mikwawi̧ Jesús jawa wene yöbawadösa chömöledö. Jau chömöledö, jojodö tjomukwatena, sule juluwadöda mikwawi̧ wene yötjawobö jo̧be jö̧ba̧lö, jo̧kwaijayonö jojodö tjomukwati̧danöma omukwatö̧kö̧ Diosma chömöledö, juluwadönöma webö̧kö̧. Jau chömöledö Diosma ökwödö juluwöködönöda yödawobö ujuninobe, juluwöködöda yötjawitjö̧ma, ötjöda inesö chujulu öwawakobe jö̧ba̧lö.

1 Tesalonicenses 4:6

Ja̧danö, kwöjawo̧duwinö suli̧ waedökönaduwi, jo̧ba ilekwonö sulabenö ja̧böma. Jau chömöledö, belö jweinö lȩdebijatö ökwödönö, jejenö ja̧badönö isabenö lȩbebo̧ Duluwo̧ma jö̧ba̧lö.