Génesis 27:24 - Dios Iwene

²⁴ Ja̧danö, yemidanö abebö a̧ja̧kwijetö: —¿Isabenö chitji̧ Esaúköbiji̧ ökwöma?— abebö a̧ja̧kwökwe: —Jau. Ötjöma Esaúsa— atadijetö Jacobma, ömöna yöba̧lö.

Génesis 27:24 Iomraidhean Croise

Génesis 27:23

Isaacma wajwibijetö Jacob ö̧ji̧ma, ömamubi öwö'ye lo̧obetjö̧, bitema isabenö Esaú, jö̧ba̧lö. Jo̧kwaobetjö̧ omukwatijetö Jacobma, chitji̧ abönö pöenö Dios dösölö̧jinö edö pjaatakwa̧ chujunena, jö̧ba̧lö.

Génesis 27:25

Ikenama Isaacma abebijetö Jacobnö: —Chitji̧, kwakwawa iyitjö, 'bököbajökwenö chukwo. Ikenama Dios otiwanö kwö̧jobö ösödinö pjaatakwa̧ jawa chujunocha— abebijetö. Jo̧kwaobetjö̧ Jacobma ojo'do tojaja̧ iyijetö abe'donö. Ubasobu o̧'do̧bubi iyijetö owobö.

2 Samuel 14:5

Ajebökwe, la'aka luwo̧ Davidma abebö a̧ja̧kwinobe, —¿Dakwö pjatatobö, wene kwujuna̧lima di̧ya? —jö̧ba̧lö. Abebö a̧ja̧kwoko, —Ötjöma usulasujusa, chilekwe wobö ujunibinokosa.

1 Reyes 13:18

Jejenö atadiökwe, pöema yöa̧linobe, —Ökwö Dios yöawi̧ yöbawo̧ kwö̧ji̧danö, ötjöbi bakwaibo̧sa, ja̧danö Isabenö Jo̧ weökwe angelma ötjönö weajabe, –Dios yöawi̧ yöbawo̧nö kwa̧debo, kwejube ichibö kwanöbi ukwobö, jadanö owöbi owobö, –jö̧ba̧lö Isabenö Jo̧ weökwe angelma ötjönö weajabe, —jö̧ba̧lö yöa̧linobe pöema. Jo̧kwaijayonö, jejenö yöa̧li̧jayonö, omöna yöa̧linobe pöema.

Diosnö ösödo̧ Job mikwo̧ usula emawina jawa 15:5

Jau Job, sulabo̧köbobetjö, sulabenö yöba̧lo̧ja, sulabedö lȩekwatjö tjö̧jibotö jö̧ba̧lö omöna yötja̧li̧danö, sulabenö ja̧köbi̧jayonö, –Sulabenö ja̧bö̧kö̧sa, –jö̧ba̧lö omöna yöba̧lo̧ja Job.

Proverbios 12:19

Ja̧danö, ju'wibi yötawa: Jweinö yöawakwawama la'akatjöda balewachokobe, ba̧kwelöjatebö jweinö ji̧. Jo̧kwaijayonö omöna yöawakwawama ba̧kwȩlö̧jatebö jö̧kö̧. Jojodöma omöna yötjawi̧ a̧ja̧kwö juluwanö tjöwaisachibakwedö, omönada yötjawa jö̧ba̧lö. Ja̧danö, juluwanö tjöwaisachibobetjö̧ omöna yöawakwawama lekwökö ji̧, ja̧danö ba̧kwȩlö̧jatebö jö̧kö̧.

Proverbios 12:22

Ja̧danö, ju'wibi yötawa: Isabenö Jo̧ma jwiinö ösödobe yöbawö tju̧juninadanö badekwachinö i̧sebadönöma. Jobekwö ösödokobe Isabenö Jo̧ma omöna yöba̧ladönöma. Jobadönö jwiinö öpöjödobe Isabenö Jo̧ma.

Proverbios 30:8

Pjabatitjö jweinö yötawobö, ja̧danö jojodönö jelobekwö tjo̧mukwatinö ö'öbönö yötawokobö. Ja̧danö, ju'wibi pjabatitjö: Jwibö chö̧joböma weköboko, ja̧danö, nöinö juna̧lö chö̧joböbi kwiyoko. Sule kwanö chö̧ji̧da chujuna̧linö pjabatitjö.

Efesios 4:25

Jo̧kwaobetjö̧, Dios isabenö omukwati̧danö omukwatö kwö̧jaduwobetjö̧, sulabenö omukwatö, omöna yöba̧löma kwö̧jaduwa chömöledö. Ökwödöma bakwo̧nökwena omönama yöka̧laduwoko kwö̧jaduwemi ju̧kwadönöma. Jobadönö, Jesúsnö ösödadönö, jweinö yöka̧laduwo, ökwödöma bakwainö Jesús iteba'obedö dö̧jobetjö̧.

Colosenses 3:9

Ja̧danö kwömöledöduwinöma omöna yöka̧lakwawaduwoko. Jau chömöledö, wanedö yötawa: Kamijido̧ yo̧tjekwi̧danö ökwödöma ida̧ökö sulabenö kwösödinaduwabi, sulabenö ösödö ja̧köbinaduwabi kabatibö yo̧kekwinaduwobe ichejekwa,

1 Samuel 21:13

Ja̧danö, jejenö omukwatö, ajayinö ja̧aja̧ balewö lobö, o̧'wo jwibo̧ ja̧i̧danö tjöba a'o i̧sȩbinobe, bitema omukwati̧ jwibo̧ jö̧ba̧lö tjomukwatakobetjö̧. O̧'wo jwibo̧ ja̧idanö ja̧bö, apjudenö wȩyudö, ja̧danö aasobu aasa'yenö toinö, tjöba a'o i̧sȩbö ja̧inobe.

1 Samuel 21:2

Aebökwe, Davidma omöna yöa̧linobe, —Waekwokobe, La'aka luwo̧ Saulma ötjönö weajabe, jojodö wajwitjonö wei̧ chotidobö, ju'wedönö yöbawökönö. Ja̧danö, chömöayedö ölakwabikwawa jojodönö jelobe dediakwawobö chujunajabe, –Yöta̧lajobetjöda makö dediakwawo, –jö̧ba̧lö. Jo̧kwajabetjö̧, baikwö jo̧dawa'ye chichajabe, —jö̧ba̧lö atadö omöna yöa̧linobe Davidma.

1 Samuel 27:10

Ja̧danö, ȩwa̧jiökwe, —Detjö kwabawö emö kwȩwa̧jada, — jö̧ba̧lö Aquis abebö a̧ja̧kwenama, omöna yöba̧lö atadiainobe. Ju'wikwenama, —Juda niji̧ a̧likwöobetjö israel jojodönö kwabawö chȩwa̧jabe, —jö̧ba̧lö, ju'wikwenama, —Jerameel nijitjö kwabawö chȩwa̧jabe, —jö̧ba̧lö, ja̧danö ju'wikwenama, —Ceneo jojodönö kwabawö chȩwa̧jabe, —jö̧ba̧lö omöna yöba̧liainobe Davidma.