Génesis 27:2 - Dios Iwene

² —Chitji̧, ötjöma ida̧ökö pöesa. Debö chi̧'yakwa̧ma lekwökena.

Génesis 27:2 Iomraidhean Croise

Génesis 27:3

Babema na̧yu̧ a̧ja'wo, 'böpö emi mejebe kwi̧'yo 'bököbajiotjö chukwo.

Génesis 47:29

Ja̧danö, woakwa̧ma lekwökena itji̧ Josénö ichobö jwöbijetö. Ichajo̧nö abebijetö: — Chitji̧, ötjönö kwösöditjö̧ma kwiwenema yöbawö juni̧, Isabenö ja̧tocha weköbi̧ma, jö̧ba̧lö. Ja̧danö ja̧ yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, kwiwene yöbawö junö. Chitji̧, baikwö wetakwö: Bemi Egipto nijinö kwödokotjö.

Génesis 48:21

Ikenama Jacobma yöba̧lijetö Josénö: —Chitji̧, ötjönö edö kwöwaisa debö chi̧'yakwa̧ma lekwökö. Jo̧kwaijayonö Diosma ökwönö pjabatö ö̧jakwo̧. Ja̧danö, ju'wi möle Diosma pjaatakobe ökwötjö tupadanö jojodönöma tja'dödömine tjitebobekwö tjȩwajobö.

Proverbios 27:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Chömöledö, Diosda itekwayi baledakwa̧ waiso̧ma. Jo̧kwaobetjö̧ ökwödöma ¿dakwö yöka̧laduwobö, itekwayi chi̧'yocha, jö̧ba̧lö, ja̧danö itekwayi chotidocha, jö̧ba̧lö. Ökwödöma babe mö̧lȩtjö̧ itekwayi baledakwa̧ma wajwibadöja. Ja̧danö wajwiköbaduwobetjö̧ jobekwö yöka̧laduwoko itekwayi kwi̧'yaduwakwa̧, ja̧danö itekwayi kwotidaduwakwa̧. Diosda itekwayi baledakwa̧ waiso̧ma.

Isaías 38:1

Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.

Isaías 38:3

—Chuluwo̧ Isabenö Jo̧, budekwö atebakwö, ökwönö ösödö cho̧ji̧ wene kwomukwatibobö. Jau chuluwo̧, ba̧kwelöjatebö weköbi̧ a̧jakwö jo̧sa, jwaikwöda ökwönöda ösödö jo̧sa̧, ja̧danö ökwö kwösödi̧ jawa ja̧bö jo̧sa, lȩlöjinö edö pjakatotjö, —jö̧ba̧lö aebinobe. Ja̧danö, jwiinö o̧'wo tjo̧achö, labinö ubudekwinobe Ezequiasma.

Marcos 13:35

Jejenö ökwödöbi eda̧lö kwite'ada̧laduwo. O̧do la'aka luwo̧ ömöayedö tjuluwo̧ ichakwa̧ wajwitji̧danö ökwödöma wajwiköbaduwobe ötjö yemidanö chichakwa̧ma, ökwödö kwuluwo̧duwi ichakwa̧ma. Yemidanö chichakwa̧ma ju'wi yi̧benaena, yö̧te ja'ö akala jwöena, dewachena. Wajwiköbaduwobe.

Santiago 4:14

Jo̧kwaijayonö yötawaduwakwö. Jejenö kwomukwataduwa. ¿Ökwödöma kwöwaisaduwiji̧ itekwayi kwö̧jaduwakwa̧ma? Wajwiköbaduwa. Isabenö, itekwayima ö'wö bakibaduwena. Yȩayi jo̧pji̧yakwawö omönanö jwiachi̧danö ökwödöbi omönanö deköbaduwena böjȩtjöma.

1 Samuel 20:3

Atadiökwe, Davidma yöa̧linobe, —Isabenö yötawakwö Jonatan, kwabe'doma isabenö ötjönö kwabö loobö isakwo̧. Ja̧danö ökwönö yöbawökönö isakwi̧ma, baikwö yöta̧la, kwabe'doma ötjönö kwösödi̧ wene öwaisobe, yö̧ne dömöledödanö ösödabikwawö dö̧jobe jö̧ba̧lö. Ja̧danö jejenö öwaisobetjö̧, ötjönö kwabö loobö isakwi̧ma yöbawö̧kö̧, –Jonatannö yötawitjö̧ma o̧'wo tjo̧achena, –jö̧ba̧lö. Jau Jonatan, ökwönö yöawököjayonö, isabenö ötjönö kwabö loobö isakwo̧ kwabe'doma, baikwö yöta̧la: Duluwo̧ Isabenö Jo̧ Dios yaba̧lo̧ ö̧ji̧ wenema isabenö wene, ja̧danö ökwö yaba̧lo̧ kwö̧ji̧ wenebi, isabenö wene Jonatan, ¿jö̧tö? Ja̧danö ja̧ wene isabenö ji̧danö, ju'wibi yötawakwö isabenö woto jö̧ta̧lobe, wanedö yötala bakwo̧ ömasapa bakwötanö ö̧ja̧ti̧danö wobalema yö̧neawobe, —jö̧ba̧lö yöa̧linobe Davidma.