Génesis 27:19 - Dios Iwene

¹⁹ —Ötjöma Esaúsa, ökwö kwitji̧ abönö pöesa. Ökwö weköbajökwenöma 'bötajabe. A̧laibö bamati kukwo 'bötajökwenö. Kukwaja̧ ikena Dios ötjönö dösölö̧jinö edö pjaatakwa̧ yöka̧lo— jö̧ba̧lijetö.

Génesis 27:19 Iomraidhean Croise

Génesis 25:25

Abönö jemajökwema okobe jwiinö öwö'ye li̧jetö duwa'ye. Jo̧banöma Esaú, jö̧ba̧lö midijetö.

Génesis 25:28

Ja̧danö, tjabe'do Isaacma pjuawa kwakwawa ösödobetjö̧ Esaúnöma nöinö ösödiabijetö. Jo̧kwaijayonö Rebecama Jacobnöda ösödiabijotö.

Génesis 27:18

Ikenama Jacobma 'yi̧jetö abe'do ö̧jobekwö. Ichibö: —Chabe'do— jö̧a̧liökwe: —Chitji̧. ¿Ökwöma ditejayo̧köba?— abebö a̧ja̧kwökwe:

Génesis 27:21

Ikenama Isaacma jwöbijetö Jacobnö: —Baikwö yö̧ne ichibi chedokwö, isabenö chitji̧ Esaúköbojobö— jwöökwe

Génesis 27:31

Jo̧bama ȩwa̧jö, 'böajökwenö söinö tobajo̧ kwakwawa e'ewö 'yi̧jetö abe'do ö̧jobekwö. Ichibö jwöbijetö : —Chabe'do 'bötajökwenö kukwo bamati, kukwaja̧ ikena Dios ötjönö dösölö̧jinö edö pjaatakwa̧ma kwujunobö— jwöbijetö.

Génesis 27:35

—Kwöjawo̧ma kwoma'a o̧pekwönö ichajabe Dios ökwönö dösölö̧jinö edö pjaatakwa̧ naukwö— jö̧ba̧lijetö.

Génesis 27:4

Ja̧danö, 'bököbajökwenöma söinö, ötjö chukwobö chösödi̧danö tobibö kwichejebo chukwo. Ja̧danö, chukwaja̧ ikena Dios dösölö̧jinö edö pjaatakwa̧ ökwönö chujunocha. Chitji̧, wotakwa̧ abönö jejenö chujunobö jö̧ta̧la ökwönö— jö̧ba̧lijetö.

Génesis 27:45

Kwöpöe ödameakwina o̧'wo̧ söawena, ja̧danö ökwö ja̧köbina o̧'wo jwiibena jelo̧nö wetocha ökwönö öbibö i̧'yobö. Tjo̧wi̧ döbibaji, ötjö chi̧tji̧mu du̧ju̧tajama bakwöta möle debö kwi̧'yaduwapji, cho̧'wo̧ tjo̧tekwinö— webijotö Rebecama jitji̧ Jacobönöma.

1 Reyes 13:18

Jejenö atadiökwe, pöema yöa̧linobe, —Ökwö Dios yöawi̧ yöbawo̧ kwö̧ji̧danö, ötjöbi bakwaibo̧sa, ja̧danö Isabenö Jo̧ weökwe angelma ötjönö weajabe, –Dios yöawi̧ yöbawo̧nö kwa̧debo, kwejube ichibö kwanöbi ukwobö, jadanö owöbi owobö, –jö̧ba̧lö Isabenö Jo̧ weökwe angelma ötjönö weajabe, —jö̧ba̧lö yöa̧linobe pöema. Jo̧kwaijayonö, jejenö yöa̧li̧jayonö, omöna yöa̧linobe pöema.

1 Reyes 14:2

Jejenö 'dö̧achiökwe, iteda ilekwonö weinobe Jeroboanma, —Jelujudanö jöbabiyawinö otikwi, ötjö Jeroboan chilekwo kwö̧ji̧ öwawökakobetjö̧. Ikenama, Silo comunidadbe kwi̧'yo, Dios yöawi̧ yöbawo̧ Ahiasnö abebö kwa̧ja̧kwobö. Jau chilekwo, damötjö̧ Dios yöawi̧ yöbawo̧ Ahiasda bemi niji la'aka luwo̧ batibakwa̧ yöbawinama, ja̧danö jo̧bama Silo comunidadnö ö̧jobe, jokwajabetjö̧ jobe abebö kwi̧'yo.

Isaías 28:15

—Ökwödöma Egipto jojodökwö bakobe pjabatakwawö kwö̧jaduwakwa̧ wene yöbawö kwujuninaduwobetjö̧, omukwatadöja: –Ökwödöma Egipto luwedökwö bakobe pjabatakwawö dö̧jakwa̧ wene yöbawö dujuninobetjö̧, ö'wö badibökakwedösa, ja̧danö ö'wö babibajadö tjö̧jemi dichibökakwedösa, otiwanö wene jwiinö dö̧jakwedösa. Jau, inesö labinö kwakwaakwawopja ji̧danö̧ ichejekwadö Asiria ölakwabikwawadöma, yö̧ne israel niji ö'wejenö tjöbaledijayonö, ökwödönö mebibö tjujuluwökakwedö, –jö̧ba̧lö omukwatadöja. Jo̧kwaijayonö ja̧ yöbawö kwujuninaduwama, omöna yöba̧lakwawö yöbawö kwujuninaduwobe, ja̧danö kwo̧'wo kwöwana̧laduwi̧ma, ömöna yöa̧lakwawa jawada ösödö, tjökeba̧la̧duwobö kwisakwaduwobe. Jo̧kwajabetjö̧, baikwö yötawaduwakwö ökwödö Juda jojodönö: