Génesis 27:12 - Dios Iwene

¹² Chabe'doma öbajale tjewawijayonö mabö öwaisena ötjönöma, sulabenö omönada yöba̧lo̧ja, jö̧ba̧lö. Jejenö baleditjö̧ma Dios lȩebakwa̧da ujunena, ötjönö dösölö̧jinö edö pjaatakwa̧ jwiinö— jö̧ba̧lijetö Jacobma.

Génesis 27:12 Iomraidhean Croise

Génesis 25:27

Ja̧danö, Isaac i̧tji̧muma bötjachajadöma ida̧ökö damö ju̧kwijadötö. Abönö pöe Esaúma jwiinö pjuawa 'böawa waiso̧bina, ja̧danö, meje kweachakwawa ösödabina. Ja̧danö öjawo̧ Jacobma jejenö ji̧jökötö. Jo̧bama tjo̧'omanö yöba̧lo̧bina. Jo̧bama sule eju apetuda otidö ösödiabina.

Génesis 27:36

Jejenö jö̧a̧liökwe Esaúma jö̧ba̧lijetö: —Jo̧ba imima, Jacob, jö̧ba̧lö, jweinö imikwobe, sulabenö önaukwobetjö̧. Damötjö̧ ötjönö abönö pöenö kwiyakwa̧bi önaukwijatö jȩlu̧wa̧ balewö. Ja̧danö, babeda Dios ötjönö dösölö̧jinö edö pjaatakwa̧bi önaukwajabe. Chabe'do ¿ju'wi Dios dösölö̧jinö edö pjaatakwa̧ma kwujunibaji̧, ötjönö dösölö̧jinö edö pjaatakwa̧ kwujuni̧ma?— abebijetö Esaúma.

Génesis 27:45

Kwöpöe ödameakwina o̧'wo̧ söawena, ja̧danö ökwö ja̧köbina o̧'wo jwiibena jelo̧nö wetocha ökwönö öbibö i̧'yobö. Tjo̧wi̧ döbibaji, ötjö chi̧tji̧mu du̧ju̧tajama bakwöta möle debö kwi̧'yaduwapji, cho̧'wo̧ tjo̧tekwinö— webijotö Rebecama jitji̧ Jacobönöma.

Génesis 9:25

Jo̧kwaiökwe labijetö Noéma. Jo̧kwaobetjö̧ baikwö lȩekwa baledakwa̧ yöbawijetö: —Cam itji̧ Canaántjö tupadanö jojodöma lȩebakwawö̧, usulasedö batjibanö. Tjömöledö tjömöayedöda batjibanö otidö tjö̧jakwedö. Yelösöda, tjömöledö tjö̧mayedötjö nijakwönönö tjömöayedö batjibanö otidö tjö̧jakwedö Canaántjö tupadanö jojodöma— jejenö jö̧ba̧lijetö Noéma, Cam itji̧ Canaántjö tupadanö jojodönö lȩekwa yöba̧lö.

Diosnö ösödo̧ Job mikwo̧ usula emawina jawa 12:16

—Diosda isabenö juluwo̧ma, ja̧danö isabenö waisanö omukwato̧ma, jo̧bada okobe deinö omöna yöba̧ladö tjuluwo̧ma, ja̧danö ju'wibi okobe deinö omöna yötja̧lawö̧ tjuluwo̧bi jo̧ba Diosda.

2 Corintios 6:8

Ju'wedö otiwanö ökwödönö tjomukwatonö, ju'wedö sulabenö tjomukwatobe ökwödönö. Ju'wedö ökwödönö sulabedö jö̧ba̧lö yötja̧lonö, ju'wedöma otiwanö ja̧badö jö̧ba̧lö yötja̧lobe ökwödönö. Ju'wedö ökwödönö omöna yöba̧ladö jö̧ba̧lö yötja̧lijayonö, jweinö isabenö weneda yöba̧ladösa.

Deuteronomio 27:18

Ja̧danö, –Bakwo̧ öbajale tjewawo̧ mananö kweachenama, jelo̧ jo̧banö suli̧ waedö, ile'dewobö öibitjö̧ma, sulabenö öbibo̧nö lȩebakwo̧ Diosma, –jö̧ba̧lö Levisaso jojodö labinö yötjawobö ja̧kobe, ja̧danö yötjawiawö̧, –Jau, amen, –jö̧ba̧lö okobe deinö jojodö tjatadobö ja̧kobe.

1 Tesalonicenses 5:22

Ja̧danö okobe jwiinö suli̧tjöma kwöpöjödaduwo sulabenö ja̧bökönö.