Génesis 26:7 - Dios Iwene

⁷ Ja̧danö, jobe Gerar jojodötjö ju'wedö ömadöma Isaacnö abebö a̧ja̧kwijadötö, Rebecanöma, ¿kwilekwoji̧? jö̧ba̧lö. Jejenö abebö atjebiökwe, chöjawuju, jö̧ba̧lö, atadijetö Isaacma. Jejenö atadijetö yebabinö, chilekwo, jö̧ba̧lö, jö̧ta̧litjö̧ma Rebecanö edinö, otiwuju, jö̧ba̧lö, tjo̧'wo̧ sulinö edö kwabö lotjena ötjönöma, Rebecanö tjemibobö.

Génesis 26:7 Iomraidhean Croise

Génesis 12:11

Tjichibakwa̧ ja'yubeda jwiena Abramma jö̧ba̧lijetö ilekwo Sarainö: —Sarai, ö'wiawakwawalö̧jönö a̧ja̧kwitjö. Cho̧'wo̧ tjo̧bekwö chö̧ja, ökwöma jwiinö kwotiwobetjö̧.

Génesis 12:13

Chilekwo, ötjönö otiwanö baledakobetjö̧, ja̧danö, ötjönö kwabö lotjökakobetjö̧, yökawo jobadö Egipto jojodönö, ötjöma bite öjawujusa, jö̧ba̧lö— jö̧ba̧lijetö Abramma Sarainö.

Génesis 12:15

Ja̧danö, Egipto jojodö tjuluwo̧ma faraón ötjabinökwe. Jo̧ba faraón ömöayedöma Sarainö, jwiinö otiwuju, jö̧ba̧lö, edajadö faraón ö̧jobekwö ȩwa̧jijadötö, Sarai jotiwi̧ma jo̧banö yötjawobö. Jejenö yötjawiökwe jobujunö tjichejebobö webijetö faraónma, iteda ilekwo baibanö emobö. Jejenö weawö̧ faraón ömöayedö Sarai jö̧jobekwö 'ya̧jadöma jobujunö öbibö ȩwa̧jijadötö faraón ejube.

Génesis 20:11

—Chomukwatijatö, bemi jojodöma Diosnö yebaböködö, jo̧ba wei̧ a̧ja̧kwöködö tjuju̧kwena, jö̧ba̧lö. Ja̧danö, chilekwonö tjemobö ötjönöma kwabö lotjena, jö̧ba̧lö chomukwatijatö— atadijetö Abrahamma Abimelecnö.

Génesis 20:2

Jobe ja̧nö, Abrahamma ju'wedönö ilekwo Saranö yöba̧lijetö, Bisuma chöjawuju, jö̧ba̧lö. Jejenö jö̧a̧liökwe Gerar la'aka luwo̧, Abimelec mikwo̧ma webijetö ömöayedönö Saranö jo̧ba ö̧jobekwö tjichejebobö, iteda ilekwo baibanö jö̧jakwujunöma.

Génesis 20:5

Abrahamma ötjönö jö̧a̧lijatö, bisuma chöjawuju, jö̧ba̧lö. Ja̧danö, jobujubi, bakwainö jö̧ja̧lijatö, öjawujusa, jö̧ba̧lö. Ötjöma, jo̧ba ilekwoena, jö̧ba̧löma, wajwitijatö. Ja̧danö, chomajadenö otiwanö omukwatö wetijatö jobujunö tjichejebobö. Sulabenö chomukwatijökötö, kwichejebaduwojö, jö̧ba̧lö wetenama— yöbawijetö Abimelecma Diosnöma.

Génesis 24:16

Ja̧danö, Rebecama jwiinö otiwijotö. Ina i̧sokwöbi ji̧abijökujutö. Jobujuma ojwese'do okwa jwibachibö ojwiyo wabijotö. Wabö kabatö yadakwödanö tjebachajijotö jichajobekwö.

Génesis 26:6

Jo̧kwaobetjö̧, a̧wi̧chi̧ tjö̧bö tjö̧jiökwe Isaacma, ömöledökwö Gerar nijibe 'ya̧jo̧ jobe ji̧jetö.

Génesis 26:8

Ja̧danö, ju'wi möle, Isaac lekwe möle ö̧jaja̧ ikena filisteos jojodö tjuluwo̧ Abimelecma ventana'donö edinö öbajale jalaka baibanö edijetö Isaac ilekwokwö oobe. Jobadönö edö, öjawujubököjuena, ilekwoena, jö̧ba̧lö, waisachibijetö.

Génesis 29:17

Ja̧danö abönö pöo Leama jöbajalema otiwijotö. Jo̧kwaijayonö jöjawuju Raquelma jwiinö otiwijotö, jöbabi, jitebiyabi.

Proverbios 29:25

Ja̧danö, ju'wibi yötawa: Jojodö ökwönö tjo̧mukwati̧ma kwomukwatoko, ayö dakwö tjo̧mukwatobejö̧ ötjönöma, jö̧ba̧lö. Jobekwö kwomukwataja̧ma ökwödada 'daliwanö tjö̧li̧bidanö kwö̧libobö wanekwachobe. Jobekwö omukwatökönö, Isabenö Jo̧nöda kwo̧'wo̧ wa̧na̧lö kwö̧jitjö̧ma yebabökönö otiwanö kwö̧jakwo̧ja.

Mateo 10:28

Jojodönö yekabiduwa chömöledö, jobadöma sule tjiteba'oda kwabö lobadö, tjo̧'wo̧ luwo̧nö kwabö lotjoböma juluwöködö. Jau chömöledö, Diosnöda yekabiduwobö jo̧be, jo̧bama isabenö jojodönö lȩebobö juluwo̧obetjö̧, jo̧bada ökwöla nöolatjö jojodö tjiteba'obi, tjo̧'wo̧ luwo̧bi söbebö loakwo̧.

Efesios 5:25

Babema, ömadönö yötawa, bakwo̧nökwena. Kwilekwoduwinöma ile nibebaduwi, Cristo, itenöda ösödadönö ile niebi̧danö, itedada iyawö dö̧jibinö pjabatö.

Colosenses 3:9

Ja̧danö kwömöledöduwinöma omöna yöka̧lakwawaduwoko. Jau chömöledö, wanedö yötawa: Kamijido̧ yo̧tjekwi̧danö ökwödöma ida̧ökö sulabenö kwösödinaduwabi, sulabenö ösödö ja̧köbinaduwabi kabatibö yo̧kekwinaduwobe ichejekwa,