Génesis 26:18 - Dios Iwene

¹⁸ Jobe Gerar nijima Abraham ajayinö ö̧jinena ojwese'diju ji̧jetö, Abraham ömöayedönö sotjobö weina jawa e'diju. Jo̧kwaijayonö Abraham woaja̧ okobe filesteos jojodöma lewatö lobijadötö je'dijuma. Ja̧danö, Isaacma jobe ja̧nö ömöayedönö je'diju sotjobö weiawö̧ sobijadötö. Isaacma ja̧ e'diju öbabijetö abe'do Abraham imidinanöda.

Génesis 26:18 Iomraidhean Croise

Génesis 21:25

Ikenama Abrahamma ju'wi jawa, belö baledina jwöbeba̧lö yöba̧lijetö Abimelecnöma: —Chuluwo̧, kwömöayedöma belö 'dötjebinobe ökwödö dojwese'do sodine'do, idöda tjojwese'dodanö tja̧'delobö— jwöbeba̧lö yöba̧lijetö.

Génesis 21:30

—Bidö jelemutjö du̧ju̧tajanö o̧bȩja̧dö ya̧dönö ökwönö chiya. Ja̧danö, bidö chiyawö̧ma jojodö tjöwaisinö tjöwanekwachobe, be'do ojwese'doma Abraham soine'do, jö̧ba̧lö— atadijetö Abrahamma Abimelecnö. Abimelecma Abraham iyi̧ ösödö emijetö.

Génesis 21:31

Jejenö baledobetjö̧ jobe tjö̧jemima, Beerseba, jö̧ba̧lö midijadötö, jobema Abimeleckwö Abrahamkwö Dios öba a'otjö tjiwene yöbawö tjujuninobetjö̧, jweinö yöba̧lö tjö̧jakwa̧ tjiwenema.

Génesis 26:17

Jejenö weökwe Gerar ba̧ba̧lawemi nijibe 'yi̧jetö Isaacma, ömöledökwö, ömöayedökwö, a̧jwi̧mukwö, jobe ö̧jobö.

Génesis 26:19

Ja̧danö, Isaac ömöayedöma jena ba̧ba̧lawena ja̧nö sotjemi otiwe'do, ba̧kwelajatebo okwatemi badekwajijadötö.