Génesis 26:13 - Dios Iwene

¹³ Jejenö baledobetjö̧ Isaacma balada, itea nöinö juna̧lö ji̧jetö. Ja̧danö, jemi tupakwöma ajayinö ujuna̧li̧natjö̧ o̧penönö juna̧lijetö Isaacma, balada luwo̧ baibanö. Jojodöma jo̧banö edinö, luwo̧ jö̧ba̧lö, yöba̧lakwawijadötö.

Génesis 26:13 Iomraidhean Croise

Génesis 24:35

Ja̧danö, Isabenö Jo̧ Diosma otiwanö pjaatinobe ötjö chuluwo̧nö, balada luwo̧ baibanö. O̧bȩja̧dönöbi, pa̧ka̧yö̧nöbi, platabi, orobi, ömöayedö ömadönöbi ya̧dönöbi, ka̧mȩyu̧dönöbi, bu̧lu̧dönöbi iyinobe Isabenö Jo̧ Diosma chuluwo̧ Abrahamnöma.

Génesis 30:43

Jejenö Jacobma jwiinö juna̧lo̧ babibijetö. Jo̧bama o̧bȩja̧dönö, chi̧wo̧dönö, ka̧mȩyu̧dönö, bu̧lu̧dönö, ömöayedö ömadönöbi , ya̧dönöbi ba̧jekwadönö ju̧na̧lijetö.

Proverbios 10:22

Ja̧danö, ju'wibi yötawa: Isabenö Jo̧ma otiwanö edö pjaatobe jojodötjö ju'wedönöma, balada tju̧juna̧lobö. Idöda nöinö tjotidi̧ma pjaatokobe tju̧juna̧lobö. Isabenö Jo̧da tju̧juna̧lobö pjabato̧ma.