Génesis 25:25 - Dios Iwene

²⁵ Abönö jemajökwema okobe jwiinö öwö'ye li̧jetö duwa'ye. Jo̧banöma Esaú, jö̧ba̧lö midijetö.

Génesis 25:25 Iomraidhean Croise

Génesis 25:24

Ida̧ökö Rebeca jemi badekwachenama, Dios yöawinadanö baibajabe, jö̧ba̧lö du̧ju̧tajanö emijotö, Rebecama, ömadönö.

Génesis 27:1

Ja̧danö, Isaac, jwiinö pöe bo̧ma öbajale tjewawachinökwe. Ju'wi möle itji̧nö, abönö pöenö Esaúnö jwöbijetö ichobö. Ichajo̧nö jö̧ba̧lijetö: —Chitji̧— jö̧a̧lökwe: —Chabe'do, yöba̧li cha̧ja̧kwo— atadijetö Esaúma abe'donö. Ja̧danö, Isaacma jö̧ba̧lijetö:

Génesis 27:11

Jejenö jö̧ja̧lökwe Jacobma jö̧ba̧lijetö: —Chojo'do, chöpöe Esaúma jwiinö öwö'ye nöa'ye lö̧ökwe. Ötjöma chöwö'ye nöa'yema jwitobe.

Génesis 27:16

Ikenama chiwo i̧sȩdo̧tjö öwö'ye la̧do̧tjö wanijotö Jacobnöma, ömamijunöbi, ulume'anöbi, öwö'ye jwiemima.

Génesis 27:23

Isaacma wajwibijetö Jacob ö̧ji̧ma, ömamubi öwö'ye lo̧obetjö̧, bitema isabenö Esaú, jö̧ba̧lö. Jo̧kwaobetjö̧ omukwatijetö Jacobma, chitji̧ abönö pöenö Dios dösölö̧jinö edö pjaatakwa̧ chujunena, jö̧ba̧lö.

1 Crónicas 1:34

Abrahamma iteda itji̧ Isaac mikwo̧nö 'yaebinobe, ja̧danö Isaac itji̧muma, Esau mikwo̧bi, Israel mikwo̧bi.

Deuteronomio 23:8

Jo̧kwajabetjö̧ Edomitas jojodöbi, Egipto jojodöbi kwö̧'da̧deduwi tjö̧jitjö̧ma, ajayinö ökwödökwö ichibadö ökwödökwö Isabenö Jo̧ öba a'o tjo̧ko̧kokwobö jwiijayonö, tjö̧'dödöma israel jojodö babibö, ökwödökwö Isabenö Jo̧ öba a'o tjo̧ko̧kokwobö ja̧kobe, —jö̧ba̧lö yöawinobe Moisesma.

Josué 24:4

ja̧danö Isaacnö itji̧mu du̧ju̧tajanö 'yaebobö chiyijatö, Jacobnöbi, Esaunöbi. Ja̧danö, Esaunö chiyijatö, Seir mösa'o jȩmi niji ö̧jobö, jo̧babi itji̧mu tupadanö jojodöbi. Ja̧danö Esau jobe ö̧jonö, Jacobbi, itji̧mubi Egipto nijibe tji̧'yinobe, jobe tjö̧jobö.