Génesis 25:21 - Dios Iwene

²¹ Ja̧danö, Rebecama tjemu dejiökwe Isaac abebijetö Isabenö Jo̧ Diosnö, Rebecanö pjaatobö. Ja̧danö, Isabenö Jo̧ Diosma, Isaac aebi̧ma a̧ja̧kwobetjö̧ Rebeca metu'wo ji̧jotö.

Génesis 25:21 Iomraidhean Croise

Génesis 11:30

Ja̧danö, Abram ilekwo Saraima ji̧tju̧mu debijotö.

Génesis 16:2

Ja̧danö, Sarai tjemu dejobetjö̧ Abramnö jö̧ba̧lijotö: —Abram, Isabenö Jo̧ Diosma tjemunö iyokokosa. Jo̧kwaobetjö̧ ötjö chömöayujukwö ja̧wi, jobujutjö kwi̧tji̧munö, ötjö chi̧tji̧mudanö baibanö chöbötjatocha— jö̧ja̧liökwe jejenö, Sarai weji̧danö a̧ja̧kwijetö Abramma.

Génesis 30:22

Jemi ikenama, Diosma Raquelnö lȩlö̧jinö edö pjabatijetö. Jobuju ajeba̧li̧ma a̧ja̧kwö pjabatijetö metu'wo jö̧jinö.

1 Crónicas 5:20

ja̧danö jobadökwö tjölakwabikwawenama, Diosnö atjebinobe, —Duluwo̧ Dios, juluwanö pjakatobö adebakwö, —jö̧ba̧lö. Jobekwö tjo̧'wo wana̧lö atjebiökwe, atjebi̧ a̧ja̧kwinobe Diosma, ja̧danö otiwanö pjaatinobe. Jo̧kwajabetjö̧, jobekwö pjaatiawö̧, jwiinö tjujuluwinobe agarenos jojodönöbi, agarenos jojodönö pjabatadönöbi.

Proverbios 10:24

Ja̧danö, ju'wibi yötawa: Dios wei̧ a̧ja̧kwadöma otiwanö tjȩmakwedö, jobadö tjösödi̧ jawama. Jobekwö baledokobe sulabenö omukwatadönöma. Jobadöma, jwiinö yetjabi̧ jawada tjȩmakwedö.

Isaías 45:11

Jau chömöledö, Israel jojodö tjösödökwe, Suli̧ Jwibo̧ Isabenö Jo̧ Diosma baikwö yöa̧lobe iteda otidinökwe, jo̧bakwö ölakwabikwawö jo̧nö baikwö yöa̧lobe: Tajawedö ötjönö abebö kwa̧ja̧kwobeda, ötjöda chi̧tji̧mu jawama? Tajawedö ötjöda chömamunö chotidi̧ jawa, —Sulabenö kwotida, wainö kwotido, —jö̧ba̧lö yöka̧lobeda? Isabenö jobekwö yöka̧lobö jwibo̧ja.

Isaías 58:9

Jobekwö ja̧bö ja̧nö ötjönö jwöbö akebaduwakwedöja, ja̧danö ötjö Isabenö Jo̧ma chatadakwo̧sa. Jwököbaduwenama, chatadocha, —Bai chö̧ja chömöledö, abebaduwitjö, —jö̧ba̧lö. Weti̧ a̧ja̧kwö kwö̧jaduwitjö̧ma, jobekwö ja̧kobe chömöledö, baikwö yöta̧la: Kwö̧'dadeduwitjö usula tjemawinö weawa 'da̧batö loköbaduwitjö̧ma, ja̧danö ju'wedönö wanedö, —Sulabenö ja̧badö, —jö̧ba̧lö omöna yöka̧laduwi̧ kakatibaduwitjö̧ma,

Isaías 65:24

Ötjönö atjebakwa̧ abönö, juluwanö teada̧lökönö jobadönö pjatatakwo̧sa, ina abebö, yöba̧lö katjatakwa̧ abönö, ida̧ökö atjebakwa̧ atadö, otiwanö pjatatakwo̧sa.

Lucas 1:13

Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.

Lucas 1:7

Jobadöma ida̧ökö damö tjö̧jijayonö tjemu debadö tjö̧jinobe, Elisabetma metu'wo jö̧kuju jö̧jobetjö̧.

1 Samuel 1:11

Ja̧danö Diosnö abebö isabenö ja̧jakwa̧ wene yöbawö jujuninobe, baikwö: —Chuluwo̧ Isabenö Jo̧ okobe jwiinö juluwo̧ Dios, usula chemawi̧ kwedobö atebakwö, ja̧danö usula chemawi̧ omukwatö, chitji̧nö 'yatebobö atebakwö. Isabenö yöbawö chujunakwö, jejenö chitji̧nö 'yatebobö weköbitjö̧ma, kwiyajökwenö 'da̧batö chujunocha, ba̧kwȩlöjatebö ina 'ya̧alayi ökwö weköbi̧da otido̧ baibanö, ja̧danö ökwöda weköbi̧ otido̧ ö̧jakobetjö̧, öwö'ye la'akatjöda 'witjökakwo̧, —jö̧ba̧lö ajebinobe Anama Isabenö Jo̧nö .

1 Samuel 1:17

Jatadökwe, Elima yöa̧linobe, —Otiwa, wene jwiinö otiwanö kwȩwa̧jo, ja̧danö ökwödö israel jojodö dösödökwe Diosma akebaja̧danö iyobö chösöda, —jö̧ba̧lö.

1 Samuel 1:2

Jo̧ba Elcanama ilekwamu duju̧tajanö ujuna̧linobe, bakwuju Ana mikwujunöbi, jeluju Penina mikwujunöbi. Ja̧danö, Elcana ilekwo Penina mikwujuma jitji̧munö 'yabebuju jö̧jinobe, jo̧kwaijayonö Ana mikwujuma jitji̧mu debuju jö̧jinobe.

1 Samuel 1:27

Isabenö Jo̧nö atebenama, bite chitji̧nö atebijatö, ja̧danö isabenö atebi̧ a̧ja̧kwö iyinobe Diosma.