Génesis 25:18 - Dios Iwene

¹⁸ Ismaeltjö tupadanö jojodöma Havila niji, Shur niji 'da̧denö ju̧kwijadötö. Jobema Egiptotjö ja̧wo̧ laebemi ji̧jetö, Asiriabe 'ya̧kwawama ja'ö. Ja̧danö, Ismaeltjö tupadanö jojodöma idödada ölakwabikwawö ju̧kwijadötö.

Génesis 25:18 Iomraidhean Croise

Génesis 10:29

Ofir jojodö, Havila jojodö, Jabad jojodö. Jobadö okobe deinöma Joctántjö tupadanö jojodö.

Génesis 10:7

Ja̧danö, Custjö tupadanö jojodöma bidö: Seba jojodö, Havila jojodö, Sabta jojodö, Raama jojodö, Sabteca jojodö. Ja̧danö, Raama jojodötjö tupadanö jojodöma bidö: Seba jojodö, Dedán jojodö.

Génesis 13:10

Jejenö jö̧a̧liökwe Lotma Jordán ojwe ö'öbö niji ba̧ba̧lawemi eda̧lijetö. Edemi jwiinö otiwanö tiyuwijetö jemi nijima, Sóar niji ichibanö. Otiwanö tiyuwijetö, Edén batjo nijidanö, ja̧danö, Egipto nijidanö. Ja̧ mölema Sodoma niji Gomorra niji Isabenö Jo̧ Dios ina lȩebokobetjö̧ jemima jwiinö otiwijetö.

Génesis 14:10

Ja̧danö, jobe Sidim nijima nöinö lajubiya ju̧kwijetö, madi'odanö tö'awi̧ a̧ji ojubiya. Sodoma la'aka luwo̧ tjömöayedö guardia jojodö ju'wedö, ja̧danö Gomorra la'aka luwo̧ tjömöayedö guardia jojodö ju'wedö jobetjö dötjibajemi jobadötjö ju'wedöma mebijadötö laju okwa. Ja̧danö, ju'wedöma mö'ösa'obekwö 'döbibajijadötö.

Génesis 16:12

Ja̧danö, kwitji̧ma uu 'diakwo̧ ja̧danö iteda ösödi̧da ja̧bö ö̧jakwo̧. Ja̧danö, okobe deinö tjöpöjojo öjakwo̧, kwitji̧ma. Ju'wedöbi jo̧ba öpöjojodö tjöja̧kwo̧. Jo̧bama ömöledö tjö̧jelöma ödö wainö ö̧jakwo̧— yöbawijetö angelso̧ma Agarnöma.

Génesis 16:7

Döbibajaju jojodö deena, ojwese'do jobekwö 'yi̧jotö, Shur comunidadbe 'ya̧kwawa mana ö'öbö je'donö. Ja̧danö, jobe jö̧jobe, Isabenö Jo̧ Dios ángeldanö ichejekwö öwawachajo̧ma ichö badekwajijetö jobujunö.

Génesis 2:11

Ajayinö 'da̧achödöma Pisón mikwijetö. Jödöma Havilá nijinö li̧jetö wi̧so̧inö. Havilá nijinöma oro bi̧jetö.

Génesis 20:1

Ja̧danö, ju'wi möle Abrahamma ö̧jelö Mamretjö labebö a̧li̧kwöchobe Neguev niji jobekwö 'yi̧jetö ömöledökwö, ömöayedökwö, a̧jwi̧mukwö. 'Ya̧jadöma Betel niji, Shur niji 'da̧denö ju̧kwijadötö. Ju'winö jobetjö labebö 'ya̧jadöma Gerar comunidadnö ichibijadötö jobe tjuju̧kwobö.

Génesis 21:14

Ja̧danö, ju'wi dewachö Abrahamma yȩayi wilubö a̧laibö panbi, ojwiyo, i̧sȩdo̧tjö̧ otikwa'wonö e'ewö 'yi̧jetö Agar jö̧jobekwö. Ichibö pan, ojwiyo okwa'wo iyijetö Agarnöma, jöböbe'onö wa̧nö. Ikenama, bite kwitji̧nöma öbibö 'ya̧wi̧, jö̧ba̧lö, jelobe ji̧'yobö webijetö. Labebajajuma Beerseba mejenöda wajwibö kwebachijotö.

2 Reyes 23:29

Ja̧danö, Josias la'aka luwo̧ ö̧jena, Egipto la'aka luwo̧ Necao mikwo̧ma Asiria la'aka luwo̧ ö̧jobekwö i̧'yinobe Eufrates ojwebe. Jobekwö i̧'yiökwe, öpöjödinobe Josiasma, ja̧danö i̧'yobe tjöeba̧lotö jö̧ba̧lö, Meguido comunidadbe i̧'yinobe, Egipto la'aka luwo̧ Necaokwö ölakwabikwawobö. Ja̧danö, tjölakwabikwawenama, Egipto jojodöma Josiasnö 'böbö lotjinobe, ja̧danö jobekwö ö'wö baibinobe Josiasma.

1 Crónicas 1:23

Ofir jojodöbi, Havila jojodöbi, Jabad jojodöbi.

Éxodo 15:22

Ikenama Moisésma Israel jojodönö öbibö 'yi̧jetö o̧pesobu duwobu mikwobutjö tupakwö mejebe, Sur meje mikwobekwö. Ja̧danö, wa̧pötakwa möle kwebachö 'yi̧jadötö ojwese'do jwiena, ojwiyo owökönö.

1 Samuel 15:7

Ikenama Saulma amalecita jojodönö ujuluwinobe, Havila nijitjö, egipto nijitjö jawo̧ ichobekwö niji Shur mikwobe ichibenanö kabatö.