Génesis 24:65 - Dios Iwene

⁶⁵ Meibö isudada Abraham ömöayo̧nö abebö a̧ja̧kwijotö: —¿Tida yai ökwödö dȩwa̧jobekwö icho̧ma?— abebö ja̧ja̧kwökwe: —Itema ötjö chuluwo̧— atadoko muchekwakwawado̧ jöbanö muchekwijotö.

Génesis 24:65 Iomraidhean Croise

Génesis 20:16

Ja̧danö, Saranö jö̧ba̧lijetö: —Sara, ötjö chöpöe jö̧ba̧lö omöna jö̧ka̧linökwenö nöinö plata, mil ö̧pi̧biya̧ chiyajabe. Ja̧ plata chiyaja̧ma ökwökwö ju̧kwadönö tjöwaisinö i̧sebobe, Sarama sulabenö ja̧jinokobe, jö̧ba̧lö— jö̧ba̧lijetö Abimelecma Saranöma.

Génesis 24:64

Ja̧danö, Rebecama jedemi Isaacnö edijotö. Edinö kameyu oma'atjö̧ma meibijotö.

Génesis 24:66

Jemi ikenama Isaac ö̧jobe ichibö, Abraham ömöayo̧ma yöbawijetö Isaacnö okobe jwiinö baledaja̧ma.

Génesis 38:14

Tamarma jöjaba Judánö labijotö, itji̧ Shelanöma ida̧ökö möayo̧ ö̧ji̧jayonö jo̧banö weiokoko jilekwe baibanö. Jo̧kwaobetjö̧ jobujuma Judánö jo̧'wo sulinö edö balekwa mikwa omukwatö junijotö. Jejenö omukwatö jobujuma tjilekwenö wobekwinadö 'duawakwawado̧ 'dujawi̧ma 'yo̧bekwö lobibö, jȩlȩdo̧ 'dubawijotö. Ikenama jöba öwawökönö muchekwijotö jojodöma jobujunö edö tjöwaisapji jö̧ba̧lö. Muchekwajuma Timna comunidad 'ya̧kwawa ja'ö 'yi̧jotö, Enaim comunidad teachakwawemi ö'öbö. Jobe jitebiya weoko ichejekwujudanö ba̧nö te'ada̧lijotö Judá öbaledenanö.

Isaías 3:23

tjöbadekwawötebi, tja̧do̧ sayuwa̧do̧ 'dutjawa̧do̧bi, tjuu jwaekwa'wobi, tjöekwa̧do̧bi 'döebakobe Diosma. Jau, okobe jwiinö Jerusalen ya̧dö tjotikwi̧ jawa 'döebakobe Diosma, jwibadö batjibenanö kabatö.

Isaías 47:2

Jau, harinaso̧pja otikwawa inawa kabebö, harinaso̧pja kwotido babema, tjömöayedö otidajitjadanö. Kwibejwa̧ öwawinö, kwa̧do̧ a̧li̧nösa̧do̧ ödöa̧do̧ yo̧bekwi, ojwe pekibobö wetjobetjö.

1 Corintios 11:10

Jau chömöledö, Dios ömöayedö ángelesdöma ökwödönö edadö. Ja̧danö, jejenö tjedobetjö̧, ya̧dö tjuu tjumucheibobö jo̧be, chilekwe ömöayujusa jö̧ba̧lö.

1 Timoteo 2:9

Ja̧danö, ya̧dö Jesúsnö ösödadönöbi weta: Ya̧dö kamijido̧ 'dutjawenama, ömadö jobadönö ösödö tjedo jö̧ba̧löma 'dutjawoko, otiwanö ja̧bö ju̧kwadö ya̧dö 'dutjawi̧danö 'dutjawo. Ja̧danö, ya̧dö tjotikwobö jo̧be. Ja̧ tjotikwobö yöta̧li̧ma, nöinö sasiyu tjönönawo jö̧ba̧lö yöta̧lökö, ja̧danö nöinö tjöwö'ye di̧batakwawö ja̧tjo jö̧ba̧lö yöta̧lökö, ja̧danö nöinö oro jawa tjönönawo jö̧ba̧lö yöta̧lökö, ja̧danö nöinö mikwawi̧ kamijido̧ 'dutjawo jö̧ba̧lö yöta̧lökö. Wanedö yöta̧la tjotikwi̧ma, jobadö otiwanö ja̧bö tjö̧ji̧ma, tjotikwobedanö ji̧, ja̧danö, ya̧dö Diosnö ösödadösa jö̧ba̧lö yöba̧ladöma, otiwanö ja̧bö tjö̧jobö jo̧be.