Génesis 24:60 - Dios Iwene

⁶⁰ Ji̧'yakwa̧ abönö jömöledöma jö̧ba̧lijadötö Rebecanö: —Chömöledösuju, Diosnö adeba ökwönö ösödinö pjaatobö, ökwötjö tupadanö jojodöma nöinö ba̧ja̧dakwökenanö tjöba̧jekwachobö. Ja̧danö adebanö ökwönötjö̧ tupadanö jojodönö pjaatobö tjöpöjojodönö tjujuluwobö— jö̧ba̧lijadötö tjömöledösuju Rebecanö.

Génesis 24:60 Iomraidhean Croise

Génesis 1:28

Otidajawö̧nöma yöba̧lijetö, Ökwödönö kwöba̧jekwachaduwobö dösölö̧jinö edö pjatatakwo̧sa, jö̧ba̧lö. Jejenö jö̧ba̧lö webijetö: —Nöinö yekawaduwo, böjȩ ba̧kwemeachibanö kwöba̧jekwachaduwo. Ja̧danö, böjȩnö ju̧kwadö tjuluwedö baibanö webö kwuju̧kwaduwo. Ba̧i̧bi, mö köba̧lö ju̧kwadöbi, a̧ji̧kwakwawedöbi okobe deinö böjȩnö kwebachö ju̧kwadö tjuluwedö baibanö webö kwuju̧kwaduwo— jö̧ba̧lö webijetö Diosma jojodönö, otidö ujunajawö̧nöma, ökwödönö ösödanö edö pjatatakwo̧sa jö̧ba̧lö.

Génesis 14:19

Ikenama Abramnö badekwö Melquizadekma, Abramnö o̧'wo ösöwanö yöba̧lijetö: —Abram, La'aka Inesö Diosnö, mölejebi, böjȩbi otidinanöma ateba ökwönö dösölöjönö edö pjaatobö.

Génesis 17:16

Ja̧danö, jobujunö dösölö̧jinö edö pjatatocha. Jobujutjö kwitji̧nö chiyakwo̧sa. Jaö, dösölö̧jinö edö pjatatocha jobujunöma, ba̧jekwadö böjȩnö jelobebi jelobe tjuju̧kwakwedö abönö jinuju bajibanö. Jobujutjö tupadanö jojodöma tjuluwedö batjibakobe— yöbawijetö Diosma Abrahamnöma.

Génesis 22:17

Abraham, isabenö ökwönö dösölö̧jinö edö pjatatakwo̧sa. Ja̧danö, ökwötjö tupadanö jojodönö mölejȩbe tjö̧jadö si̧li̧'i̧dödanö, so̧bi̧ya̧pu̧ so̧pja̧danö tjöba̧jekwachinö pjatatakwo̧sa, Abraham. Ja̧danö, ökwötjö tupadanö jojodö tjöpöjojodönöma tjujuluwobö pjatatakwo̧sa.

Génesis 24:61

Ikenama Rebecama jömöayedökwö, Abraham ömöayo̧kwö tji̧'yotö jö̧ba̧lö ka̧mȩyu̧dö tjoma'anö wamatijadötö. Ikenama Abraham ömöayo̧ma jobadönö öbibö ȩwa̧jijetö.

Génesis 28:3

Ikenama Isaacma Jacobnö Dios dösölö̧jinö pjaatakwa̧ jawa yöba̧lö junijetö: —Jwiinö Juluwo̧ Diosma kwi̧tji̧munö ba̧jekwadö 'yakebobö, ja̧danö ökwötjö tupadanö jojodöma tjöba̧jekwachobö dösölö̧jinö edö pjaatakobe. Jejenö ökwötjö tupadanö jojodöma ba̧jekwadö tjuju̧kwakwedö tjitebokwenia.

Génesis 32:1

Jemi ikenama, Labán ȩwa̧ja̧ okobe Jacob, i̧lȩkwa̧mukwö, a̧jwi̧mukwö ȩwa̧jijetö itebobekwö. Ȩwa̧jobema Dios weajawö̧ ángelesdöma jo̧banö badekwajijadötö.

Génesis 48:20

Jejenö Jacobma ja̧ mölema Efraímnö, Manasésnö Dios ösödanö edö pjaatakwa̧ma yöba̧lö junijetö baikwö: —Ökwödöma jwiinö luwedö kwö̧jiaduwawö̧ jojodöma Diosnö ösödanö edö pjaatobö atjebena ökwödönö omukwatö atjebakobe. Ökwödönö omukwatö, Dios ösödanö pjabati Efraímnö, Manasésnö ösödanö pjakatinadanö, jö̧ba̧lö, atjebakobe— yöba̧lijetö Jacobma. Ja̧danö jejenö yöa̧lena Efraím imi abönö yöba̧lijetö. Jejenö Efraímnö junijetö inesö jo̧ baibanö, öpöe Manaséstjö̧ o̧penönö inesö jo̧.

Génesis 9:1

Ja̧danö, Diosma Noénöbi, i̧tji̧munöbi, dösölö̧jinö edö pjatatakwo̧sa, jö̧ba̧lö webijetö: —Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lijetö—.

Daniel 7:10

Ja̧danö i̧'yonö, öba a'otjö ökwöla labebö 'yo̧be chedatö, ojwese'dotjö ojwiyo labebö isuwidanö. Jo̧ba ömöayedö yelösöda ba̧jekwadö, millones tupakwö ba̧jekwadö iteda ömöayedö wei̧ tjotidobe chedatö, ja̧danö öba a'otjö yelösöda tjöba̧ja̧dökenanö ba̧jekwadö tjö̧jobe chedatö. Ikenama tjöbamatobe chedatö, Dios jojodö ja̧tji̧ sulojobö otiwojobö yöawakobetjö̧, ja̧danö kwialu'ye, jojodö ja̧tjina wȩyukwa'ye 'bobebö yötja̧lobe chedatö.

Deuteronomio 21:19

Jo̧bajayo̧ ökwödötjö bakwo̧ itji̧ jejenö ö̧jitjö̧ma, abe'dobi, ojo'dobi jo̧ba tjitji̧nö öbibö tjitebo comunidad luwedö tjöba a'o ö̧jobö ötjibobö ja̧kobe, comunidad apjudebe.