Génesis 24:59 - Dios Iwene

⁵⁹ Jo̧kwaobetjö̧ Rebeca jömöledöma webijadötö tjöjawuju Rebecanöma, Rebecanö te'ada̧lujunöbi Abraham ömöayo̧kwö, jo̧bakwö ichajadökwö tji̧'yobö.

Génesis 24:59 Iomraidhean Croise

Génesis 24:50

Ikenama Labán, Betuel atadijadötö: —Dedemi okobe jwiinö biya̧ baledaja̧ma Isabenö Jo̧ Dios weajabe. Jo̧kwaobetjö̧ ¿dakwö yöda̧lakwajobö ökwödöma?

Génesis 24:53

Ikenama, emö junijetö orotjö otikwabi, platatjö otikwabi. Kamijido̧bi lödijetö. Ja̧ma iyijetö Rebecanö. Ja̧danö, jöpöenöbi, jojo'donöbi iyijetö nöinö mikwawi̧ jawa.

Génesis 24:54

Ikenama Abraham ömöayo̧bi, jo̧bakwö ichajadöbi owibö, kwibö abijadötö. Ju'wi dewachö wilubö Abraham ömöayo̧ma Rebeca jömöledönö abebijetö: —Webaduwitjö chȩwa̧jo chuluwo̧ ö̧jobekwö— abebijetö.

Génesis 24:58

Jo̧kwaobetjö̧ Rebecanö jwöbijadötö jichobö. Ichibujunö abebö a̧ja̧kwijadötö: —¿Bitekwöma kwi̧'yakwa̧ji̧?— abebö tja̧ja̧kwoko: —Jao, chi̧'yocha— atadijotö.

Génesis 24:60

Ji̧'yakwa̧ abönö jömöledöma jö̧ba̧lijadötö Rebecanö: —Chömöledösuju, Diosnö adeba ökwönö ösödinö pjaatobö, ökwötjö tupadanö jojodöma nöinö ba̧ja̧dakwökenanö tjöba̧jekwachobö. Ja̧danö adebanö ökwönötjö̧ tupadanö jojodönö pjaatobö tjöpöjojodönö tjujuluwobö— jö̧ba̧lijadötö tjömöledösuju Rebecanö.

Génesis 35:8

Ja̧danö, jobetjö Rebeca jömöayuju, Rebecanö lekwe a̧yo te'ada̧laibuju, Debora mikwujuma wobijotö. Ja̧danö, wobajujunö o̧tjijadötö jobe Betel yö̧neawinö, nöowi la'aka. Jemi tjo̧tja̧jemima , Alon bacut, jö̧ba̧lö, midijadötö.

1 Tesalonicenses 2:5

Yödawinama kwöwaisaduwa chömöledö, la'akatjöda omönada kwösödachibaduwoböma yödawijökötö, Aaa, ökwödöma jwiinö otiwadöja, jö̧ba̧lö kwösödaduwoböma. Ja̧danö, la'akatjöda ökwödöda balada demotö jö̧ba̧löma yödawijökötö chömöledö. Jau chömöledö, Diosma yödawina edinobe, ja̧danö jo̧bama edö waiso̧, balada tjemotö jö̧ba̧löma yöbawinöködö jö̧ba̧lö.