Génesis 24:27 - Dios Iwene

²⁷ Ösödö abebijetö: — Isabenö Jo̧ Diosnö, chuluwo̧ Abraham Uluwo̧ Diosnö, ökwönö chösöda, jwiinö otiwo̧ja, jö̧ba̧lö. Chuluwo̧ Abrahamnö ösödinö omukwatö pjakatajabe, kwiwene yöbawö kwujuninadanö baibobö. Ötjönö öbibö kwi̧sebajabe chi̧'yobema, chuluwo̧ ömöledö tjeju chichibenanö. Chösödakwö, jwiinö otiwo̧ja, jö̧ba̧lö— ösödö abebijetö Abraham ömöayo̧ma Isabenö Jo̧ Diosnö.

Génesis 24:27 Iomraidhean Croise

Génesis 13:8

Ikenama Abram a̧jwi̧munö te'ada̧ladökwö Lot a̧jwi̧munö te'ada̧ladökwö wene tjujuna̧liökwe jö̧ba̧lijetö Abramma Lotnö: —Chitji̧ a̧ja̧kwitjö. Ökwödöma dömöledö. Jo̧kwaobetjö̧ wene jwiinö dö̧jo, Ja̧danö cha̧jwi̧munö te'ada̧ladökwöbi ökwö kwa̧jwi̧munö te'ada̧ladökwöbi wene jwiinö dö̧jobö jo̧be.

Génesis 14:20

Ja̧danö, La'aka Inesö Diosnö dösödobö jo̧be, kwöpöjojodönö kwujuluwobö otiwanö pjaatajabetjö̧— yöba̧lijetö Melquizadekma Abramnöma. Ikenama Abramma ujuluwajawö̧ tea tjönaukwinatjö domulataja jawa o'wotjö bakwa'wo iyijetö, jelemutjö ö'wejemu jawa a'wo ji̧bö.

Génesis 24:12

Jena ba̧nö Abraham ömöayo̧ma Isabenö Jo̧ Diosnö abebijetö: —Isabenö Jo̧ Dios, chuluwo̧ Abraham Uluwo̧ Dios, ökwönö ateba: Babe möle Isaac ilekwonö chisakwonö otiwanö chöbadekwajinö pjabatitjö. Chuluwo̧ Abrahamnö dösölö̧jinö kwedi̧ma i̧sebö pjabatitjö.

Génesis 24:21

Jejenö wabö jiyonö Abraham ömöayo̧ma jö̧ba̧lökönö eda̧lijetö jobujunöma, bisudaena, jö̧ba̧lö. Isabenö Jo̧ Diosma pjaatajena Isaac ilekwo bajibakwujunö otiwanö chöbadekwajobö, jö̧ba̧lö, eda̧lijetö.

Génesis 24:4

Chömöayo̧, bemi ya̧dötjö isakwökönö ötjö chitebobe kwi̧'yo, chömöledö tjuju̧kwobekwö. Jobadö tji̧tji̧mu ya̧dötjöda kwisakwo chitji̧ ilekwo̧ bajibakwujunö— webijetö Abrahamma ömöayo̧nöma.

Génesis 24:42

Ina yöbawijetö: —Jo̧kwaobetjö̧ jo̧da ojwese'donö ichibö banö ö'öbö atebatö Isabenö Jo̧ Diosnö, chuluwo̧ Abraham Uluwo̧ Diosnöma. Baikwö yöba̧lö atebanötö: Isabenö Jo̧ Dios, Isaac ilekwo bajibakwujunö chisakwonö otiwanö chöbadekwajo pjabatitjö, jejenö atebatö.

Génesis 24:48

Ikenama chöba bȩbachibö uunö nijakwö chösödatö Isabenö Jo̧ Diosnö, chuluwo̧ Abraham Uluwo̧ Diosnö, Ökwönö chösöda, jwiinö otiwo̧ja, jö̧ba̧lö. Ötjönö otiwanö öbibö kwi̧sebajabe chi̧'yobema, chuluwo̧ ömöledö tjeju chichibenanö. Ja̧danö, otiwanö pjakatajabe chuluwo̧ ömöledö tjitjijunö chöbadekwajobö, chuluwo̧ itji̧ ilekwo bajibakwujunöma. Jejenö jö̧ba̧lö chösödatö Isabenö Jo̧ Diosnöma— yöbawijetö Abraham ömöayo̧ma.

Génesis 32:10

Ötjönöma ba̧kwȩlöjatebö pjabato̧ja. Ötjöma mikwawökösa̧ ötjönö otiwanö pjakato jö̧ba̧lö. Mikwawö̧kö̧chijayonö ba̧kwȩlöjatebö dösölö̧jinö edö pjakatobe ötjönö, kwömöayo̧nöma. Okobe jwiinö yöbawö kwujuninama badekwachobö ja̧bo̧ja. Ajayinöma chitea jwiinö chi̧'yijatö Harán niji jobekwö. Ja̧danö, Jordan ojwe pebibö, tokwawö kweachakwawötekwöda petibijatö. Babema chȩwa̧jabe nöinö chiteakwö, cha̧jwi̧mukwö, chömöayedökwö, bidö dötölataja jenanö.

Génesis 32:11

Atebakwö: Chöpöe Esaútjö chö̧jibanö isabenö ¡pjabatitjö! Yetabi jo̧banöma, ichö ötjönöbi, ja̧danö, ya̧dönöbi, tjemunöbi kwabö loapji jö̧ba̧lö.

Génesis 9:26

Ina yöba̧lijetö: —Diosma iteda ömöayo̧ Semnö dösölö̧jinö edö pjaatakwo̧obetjö̧, jo̧ba Isabenö Jo̧nö, Sem ösödökwe Diosnö dösödaduwo, otiwanö pjabato̧ jö̧ba̧lö. Ja̧danö Sem öjawo̧ Jafetnöbi dösölö̧jinö edö pjaatakwo̧ Diosma, Jafettjö tupadanö jojodöma tjöba̧jȩkwachobö, jelobe jelobebi tjö̧jakwedö batjibanö. Ja̧danö, Dios dösölö̧jinö edö pjaatawö̧, Jafettjö tupadanö jojodönöma Semtjö tupadanö jojodökwö otiwanö wene jwiinö pjabatakwawinö tjö̧jakwedö. Jokwaijayonö jejenö tjö̧jökakwedö Canaántjö tupadanö jojodöma. Jobadöma Semtjö tupadanö jojodö tjömöayedöbi, Jafettjö tupadanö jojodö tjömöayedöbi tjö̧jakwedö jobadö wetji̧da otidö— jejenö yöba̧lijetö Noéma.

2 Samuel 18:28

Ja̧danö, yöne ichibö, Ajimazma la'aka luwo̧ Davidnö jwöinobe, —Otiwa, wene jwia, —jö̧ba̧lö. Ja̧danö David öba a'o ichibö, öba nijakwö bȩbachibö yöawinobe, —Isabenö Kwuluwo̧ Isabenö Jo̧ Diosnö dösödobö jo̧be, kwöpöjojodötjö, ökwönö suli̧ tjöwaedobö jö̧ba̧lajadötjö kwö̧jibinö pjaatajobetjö̧, —jö̧ba̧lö yöawinobe.

Éxodo 18:10

Ötjöma Isabenö Jo̧nö chösöda, jo̧bama jwiinö otiwo̧. Jo̧bada ökwödönö Faraóntjö, iteda ömöayedö Egipto jojodötjö kwö̧jibaduwinö otiwanö pjaatinobe.

Éxodo 2:11

Ju'wi möle Moisés pöe babiböma iteda ömöledö hebreo jojodö tjotidobe edö 'yi̧jetö. 'Ya̧jo̧ ja̧nö eda̧lemi jwiinö usula emawö tjotidobe edijetö, webadö wetji̧ otidö. Ja̧danö, edijetö egipto jojo webo̧ma hebreo jojonö kwakwaobe, Moisés ömöledöso̧nö.

Éxodo 2:13

Ju'wi dewachö Moisésma yemidanö ömöledö tjotidobe 'ya̧jo̧ edemi ¿tajijö? du̧ju̧taja hebreo jojodöma tjölabikwawobe edijetö. Jobadötjö bakwo̧nö, ömöledöso̧nö 'do'doköbo̧nöma a̧ja̧kwijetö: —¿Tajawedö 'do'doköba kwömöledöso̧nöma?— abebö a̧ja̧kwökwe:

Éxodo 34:6

Ikenama Moisés öba a'o baledö baikwö jwöbijetö: Ötjödasa Isabenö Jo̧ma, ötjödasa Isabenö Jo̧ma. Ötjödasa lȩlö̧jinö edo̧ Diosma, ja̧danö, dö̧sölö̧jinö edö pjabato̧ Diosma. Ja̧danö, ötjödasa jojodönö juluwanö cho̧'wo sulinö edö̧kö̧ Diosma. Ja̧danö, ötjödasa jwiinö ile nibebo̧ Diosma, balewachökönö. Ja̧danö, ötjödasa yöbawö chujuni̧danö ja̧bo̧ Diosma.

Proverbios 3:6

Okobe jwiinö kwi̧'yenabi Isabenö Jo̧nö kwo̧'wo̧ wa̧na̧lö kwö̧jo, jo̧ba ökwönö öiboböda kwösödo. Jobekwö Isabenö Jo̧nöda kwo̧'wo̧ wa̧na̧lö kwö̧jitjö̧ma jweinö kwi̧'yobö, jwei̧ mananöda öibakwo̧.

Proverbios 8:20

Ötjöma Dios wei̧ a̧ja̧kwö, ja̧danö, jweinöda omukwatö ja̧bö jujusa.

Lucas 1:68

Isabenö Israel jojodö Duluwo̧ Diosnö dösödobö jo̧be, iteda ömöledönö otiwanö lȩlö̧jinö edinobetjö̧, ja̧danö tjö̧jibinö pjaatobetjö̧.

Juan 1:17

Damötjö Diosma iyinobe Moisésnö ökwödönö yöawobö, iteda weina jawa wene, a̧ja̧kwö dö̧jobö weinama. Jo̧kwaijayonö Moisés weinatjö̧ Diosma i̧sebinokobe iteda lȩlö̧jino edi̧ma. Iteda weina jawada i̧sebinobe. Ja̧danö Diosma Jesucristonö weenama ja̧ Moisésnö weinatjö o̧penönö mikwawi̧ma iyinobe ökwödönöma. Ja̧danö, Jesucristonötjö Diosma i̧sebinobe iteda jwiinö lȩlö̧jino edi̧ma, jojodönö pjabatö. Ja̧danö, Jesucristonötjö Diosma itedada jweinö yöa̧lina i̧sebinobe ökwödönöma, Ötjö jö̧ta̧li̧danö isabenö ja̧bo̧sa, jö̧ba̧lö.

Efesios 1:3

Chömöledö, Duluwo̧ Jesús Abe'do, iteda Uluwo̧ Diosnö dösödaduwo, Diosma jwiinö otiwo̧, jö̧ba̧lö. Ökwödöma Cristokwö bakobe dötewinö dö̧jobetjö̧ Diosma do̧'wo̧ luwo̧ jawa iyinobe ökwödönöma, okobe jwiinö mölejȩbe ju̧kwi̧ jawa, otiwa jawama.

1 Timoteo 1:17

Inesö la'aka luwo̧, wobökönö ba̧kwȩlö̧jatebö jo̧, jojodöbi dedökökwe Diosma bakwo̧da, jelo̧ma deobe, jo̧banöda otiwanö domukwatobö jo̧be, ja̧danö jo̧banöda dösödobö jo̧be, otiwo̧ja̧, juluwo̧ja, jö̧ba̧lö. Jejenö kabatökönö dösödobö jo̧be.

1 Samuel 25:32

Yöja̧lökwe, Davidma Abigailnö atadinobe: —Isabenö Jo̧ israel jojodö Duluwo̧ Diosnö ösödö yöta̧lobe, isabenö otiwanö ökwönö weajabe ötjönö yöka̧lobö.

1 Samuel 25:39

Ja̧danö, Nabal ö'wö baibaja̧ wene a̧ja̧kwenama, Davidma Diosnö ösödö yöa̧linobe, —Isabenö Jo̧nö chösöda, isabenö otiwanö pjabato̧ jö̧ba̧lö. Nabal sulabenö ja̧iökwe, balekwa mikwa jo̧bada lȩebajabe, ja̧danö ötjö jo̧ba ömöayo̧nö otiwanö iteada̧linobe, ötjöma sulabenö ja̧tapji jö̧ba̧lö. Nabal sulabenö ja̧iökwe, Nabal ju'wedönö suli̧ öwaedobö omukwataja̧ma, Nabalnöda baibobö weajabe Isabenö Jo̧ma. Nabal sulabenö ja̧iökwe, balekwa mikwa Nabalnö kwabö loajabe Diosma, —jö̧ba̧lö yöa̧linobe Davidma. Ikenama Davima iteda ömöayedönö weinobe, Abigail jö̧jobekwö ya̧nö, David Abigailnö emobö ösödi̧ wene yötjawobö.