Génesis 24:21 - Dios Iwene

²¹ Jejenö wabö jiyonö Abraham ömöayo̧ma jö̧ba̧lökönö eda̧lijetö jobujunöma, bisudaena, jö̧ba̧lö. Isabenö Jo̧ Diosma pjaatajena Isaac ilekwo bajibakwujunö otiwanö chöbadekwajobö, jö̧ba̧lö, eda̧lijetö.

Génesis 24:21 Iomraidhean Croise

Génesis 24:12

Jena ba̧nö Abraham ömöayo̧ma Isabenö Jo̧ Diosnö abebijetö: —Isabenö Jo̧ Dios, chuluwo̧ Abraham Uluwo̧ Dios, ökwönö ateba: Babe möle Isaac ilekwonö chisakwonö otiwanö chöbadekwajinö pjabatitjö. Chuluwo̧ Abrahamnö dösölö̧jinö kwedi̧ma i̧sebö pjabatitjö.

Génesis 24:20

juluwanö waawayutjö ka̧mȩyu̧dö tjowena tobeibö yemidanö ojwese'dokwö ö'öbakwawijotö, ojwiyo wabö. Okobe deinö ka̧mȩyu̧dönöma wabö iyijotö.

Génesis 24:27

Ösödö abebijetö: — Isabenö Jo̧ Diosnö, chuluwo̧ Abraham Uluwo̧ Diosnö, ökwönö chösöda, jwiinö otiwo̧ja, jö̧ba̧lö. Chuluwo̧ Abrahamnö ösödinö omukwatö pjakatajabe, kwiwene yöbawö kwujuninadanö baibobö. Ötjönö öbibö kwi̧sebajabe chi̧'yobema, chuluwo̧ ömöledö tjeju chichibenanö. Chösödakwö, jwiinö otiwo̧ja, jö̧ba̧lö— ösödö abebijetö Abraham ömöayo̧ma Isabenö Jo̧ Diosnö.

Génesis 24:56

öpöjödijetö Abraham ömöyo̧ma. Ja̧danö, jobadönö jö̧ba̧lijetö: —Ȩwa̧jökönö chite'ada̧loböma webaduwökönuwitjö. Isabenö Jo̧ Diosma chisakwonö otiwanö chöbadekwinö pjaatajabetjö̧ babeda chȩwa̧jobö jö̧ta̧la— jö̧ba̧lijetö.

Lucas 2:19

Maríabi jobadö yötjawi̧ ja̧ja̧kwinobe, ja̧danö a̧ja̧kwö, jomajadenö ja̧ jawa jomukwatinobe, ¿Dakwö badekwachobejö? jö̧ba̧lö.

Lucas 2:51

Ja̧danö jemi ikenama, Jesúsma jobetjö labebö, jobadökwö Nazaretbe ȩwa̧jinobe, ja̧danö, jobadökwö ja̧nö otiwanö wetji̧ a̧ja̧kwö ö̧jinobe. Ja̧danö, ojo'do Maríama okobe jwiinö ja̧ Jerusalénnö baledina jawa jomajadenö omukwatö jö̧jinobe, ¿dakwö jö̧ba̧lo̧jö? jö̧ba̧lö.