Génesis 24:14 - Dios Iwene

¹⁴ Bakwujunö ichajunö atebocha ojwiyo waawayu̧ je'ewaja̧yu̧ meatö jujunobö, wa'yebö chowobö. Jejenö ateboko, jao wa'yebö owi, kwa̧jwi̧mu ka̧mȩyu̧dönöbi chiyocha, jö̧ba̧lö, atadujunöma, isabenö bisuda, jö̧ba̧lö chöwaisachibakobe. Bisuma Isabenö Jo̧ Dios omudawö ujunoko ömöayo̧ Isaac ilekwo bajibobö, jö̧ba̧lö, chöwaisachibakobe. Jejenö chöwaisakobe dösölö̧jinö edö pjakatajabe chuluwo̧ Abrahamnöma, kwiwene yöbawö chujuninadanö baibanö— abebijetö Abraham ömöayo̧ma Isabenö Jo̧ Diosnö.

Génesis 24:14 Iomraidhean Croise

Génesis 15:8

Jejenö jö̧a̧lökwe: —Chuluwo̧, Isabenö Jo̧ Dios ¿Dakwö kwi̧sebakwa̧da chöwaisobö yöka̧li̧danö chemakobe bemi nijima?— abebö a̧ja̧kwökwe:

Génesis 24:13

Bena ojwese'do ö'öbö chö̧ja, bemi jojodö tji̧tji̧mu ya̧dö ojwiyo wabö tjichena.

Génesis 24:15

Ja̧danö, Abraham ömöayo̧ma ina Diosnö aebonö bakwuju, Betuel itjiju Rebeca mikwuju ichibijotö ojwiyo waawayu jöböbe'onö junawö. Betuelma Milcatjö, Nacor itji̧. Nacorma Abraham öjawo̧.

Génesis 24:18

te'ada̧lökönö meatö junijotö, Wa'yebö owi chuluwo̧, jö̧ba̧lö. Jejenö jö̧a̧lökwe ojwiyo wa'yebö owijetö.

Génesis 24:19

Ikenama, owö kaatena jö̧ba̧lijotö: —Kwa̧jwi̧mu ka̧mȩyu̧dönöbi wabö chiyocha tjowenanö kabatö— jö̧ba̧lö

Génesis 24:43

Ja̧danö, ina atebatö, baikwö: Babema ojwese'do ö'öbö chö̧ja. Bakwujunö atebocha ojiwyo waawayu̧ meatö jujunobö, wa'yebö chowobö. Jejenö ateboko, jao wa'yebö owi, kwa̧jwi̧mu ka̧mȩyu̧dönöbi chiyocha, jö̧ba̧lö, atadujunöma, bisuda, jö̧ba̧lö, chöwaisachibakobe. Bisuma Isabenö Jo̧ Dios omudawö ujunoko ömöayo̧ Isaac ilekwo baibobö, jö̧ba̧lö, chöwaisachibakobe— yöbawijetö.

2 Samuel 20:9

ja̧danö Amasanö, —Dokwa chömöledöso̧, otiwanö kwö̧ji̧ji̧? —jö̧ba̧lö, ömamu öwaisobekwöchobesamunö Amasa ajesa'ye do̧atinobe, ibekasa'wonö du̧atobö.

2 Samuel 5:24

Jobe ichibajo̧, kwiteada̧lo̧, balsamo towi wa̧pekwowitjö ökwöakwa̧ kwa̧ja̧kwenanö kabatö. Towi wa̧pekwowitjö, ba̧jȩkwadö ölakwabikwawadö kwetjachobedanö ökwöakobe, ja̧danö ja̧ ökwöi̧ kwa̧ja̧kwenama, jenada filisteo jojodönö mekibobö ja̧kobe, kwöwaisakobetjö̧, –Isabenö Jo̧ma ida̧ökö chabönö filisteo jojodönö kwabawö i̧'yajabe jö̧ba̧lö, —yöawinobe Isabenö Jo̧ma, Davidnö.

Proverbios 19:14

Ja̧danö, ju'wibi yötawa: Tjitji̧mu̧ma idöda tjabe'do, tjojo'do debö tji̧'yaja̧ okobema ajayinö tjiyobö tju̧junina jawa tjȩmakwedö, o̧do, balada, tjiteabi. Jao, tjabe'do tjojo'do jobekwö iyadö. Jobekwö tjiyijayonö Isabenö Jo̧da bakwo̧ ilekwo̧nö, ö'wiyawakwawönö omukwatujunö iyakwo̧ma.

Isaías 7:11

—Acaz, isabenö ökwödönö pjatatakwa̧ wene chi̧sȩbakwo̧sa, jokwajabetjö̧ ötjö kwuluwo̧ Isabenö Jo̧ Diosnö akebo, isabenö pjatatakwa̧ i̧sȩkwa baibanö chi̧sȩbakobetjö̧. Jau Acaz, ökwöda kwedobö kwösödi̧danö akebo, isabenö waiyi̧ jawa jojodö edajitjökö jawa kwedobö jö̧ka̧litjö̧ma akebo, jadanö isabenö akebaja̧danö chi̧sȩbakwo̧sa, isabenö yötawaja̧danö pjatatakwo̧sa, —jö̧ba̧lö Isaias Dios weaja̧ yöawinobe Acaznö.

Romanos 1:10

Atebi̧ma, kabatökönö Diosnö atebobe, jo̧ba ösöditjö̧ma, bajaliyanö ökwödönö edö chichoböma weo jö̧ba̧lö.

Jueces 18:5

Yöawawö̧, atjebinobe: —Tjö̧'da̧de pjabato̧ kwö̧jobetjö̧, adebakwö, Diosnö abebö kwa̧ja̧kwobö, babe kwedachi̧ma, otiwanö laebakwojobö, waekwakwojobö jö̧ba̧lö döwaisobö, —jö̧ba̧lö.

Jueces 6:17

Yöawökwe, Gedeonma yöa̧linobe, —Chuluwo̧, isabenö ötjönö ösödö, pjakatobö jö̧ka̧litjö̧ma, kwösödi̧ i̧sȩkwi̧ jawa kwi̧sebobö atebakwö, –Isabenö Jo̧da ötjönö webo̧ma, –jö̧ba̧lö öwawinö chöwaisachibakobetjö̧.

Jueces 6:37

Makö yö̧te trigo chabö loaweju nijinö obeja i̧sȩdo̧ pjabebö chödocha. Ja̧danö, yȩayi dewachena, ö'öbö niji kököonö, sule i̧sȩdo̧da si̧li̧'idö tji'olitjö 'yoliwitjö̧ma, chöwaisachibakwo̧sa, –Isabenö yöka̧linadanö ötjönötjö̧ israel jojodö tjö̧jibanö pjakatakwo̧ja, —jö̧ba̧lö.

1 Samuel 20:7

Ja̧danö, jejenö kwatadajökwe, –Jau, otiwa, –jö̧ba̧lö yöa̧litjö̧ma, döwaisakobe, isabenö wene jwia, ötjönö kwabö loobö isakwö̧kö̧ jö̧ba̧lö. Jo̧kwaijayonö kwatadajökwe ödameakwitjö̧ma, kwöwaisachibakwo̧ja, kwabe'doma isabenö ötjönö suli̧ öwaedobö isakwo̧ jö̧ba̧lö.