Génesis 24:10 - Dios Iwene

¹⁰ Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Génesis 24:10 Iomraidhean Croise

Génesis 11:26

Ja̧danö, Taréma setenta a̧yo bemitjö̧ tupakwö 'yabebijetö i̧tji̧munö Abram, Nahor, Harán mikwadönö.

Génesis 11:29

Taré i̧tji̧mu Abrambi Nahorbi tjilekwokwenanö emijadötö. Abram ilekwoma Sarai mikwijotö. Ja̧danö, Nahor ilekwo Milcá mikwijotö. Milcáma Haránmine itjiju Isca mikwuju jöpöo.

Génesis 11:31

Ja̧danö, Taréma itji̧ Abramkwö, ö'dö̧ Lotkwö, ojoliju Saraikwö Urtjö labebö Canaán nijibe 'yi̧jadötö. Jo̧kwaijayonö ja'öda Harán nijinö ichibö ju̧kwijadötö.

Génesis 11:32

Jelöda Taréma, doscientos cinco a̧yo bo̧ wobijetö, Harán nijitjö.

Génesis 22:20

Ju'wi möle Abrahamma ju'wedö jo̧banö yötjawi̧ a̧ja̧kwijetö, biya̧ yötjawi̧ma: —Abraham, kwöjawo̧ Nacorma ilekwo Milcatjöma jelemutjö wa̧medukwa i̧tji̧munö ujuna̧lobe.

Génesis 24:2

Ju'wi möle, Abrahamma ömöayedötjö inesö jo̧nö, Abraham itea okobe jwiinö te'ada̧lajibo̧nö webijetö: —Chömöayo̧, Dios, mölejȩbi böjȩbi otidina Dios öba a'otjö kwiwene yöbawö junitjö, weköbi̧ma cha̧ja̧kwocha, jö̧ba̧lö. Baikwö wetakwö: Chitji̧ Isaac ilekwo bajibakwujunö bemi Canaán jojodö ya̧dötjö kwisakwoko. Babeda kwiwene yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, Weköbi̧ma isabenö cha̧ja̧kwocha. Isaac bajibakwujunö bemi Canaán jojodö ya̧dötjö chisakwokobe, jö̧ba̧lö.

Génesis 24:22

Ja̧danö, ka̧mȩyu̧dö owö katjatena Abraham ömöayo̧ma orotjö otikwa tji̧su jawabi, tji̧mȩ'a̧sako̧ doko̧lataja jawabi emijetö Abraham weinatjö̧ aja̧tjö̧, jwiinö mikwawi̧ jawama. Ja̧ tjisu̧ jawama seis gramos ömöki̧. Ja̧danö, jime'asako̧ jawama cien gramos bajalekwönönö ömöki̧. Ja̧danö, jobujunö iyö abebijetö:

Génesis 24:53

Ikenama, emö junijetö orotjö otikwabi, platatjö otikwabi. Kamijido̧bi lödijetö. Ja̧ma iyijetö Rebecanö. Ja̧danö, jöpöenöbi, jojo'donöbi iyijetö nöinö mikwawi̧ jawa.

Génesis 27:43

Jo̧kwabetjö̧ ötjö weti̧ a̧ja̧kwi. Belöma döbibaji chöpöe Labán ö̧jobekwö, jobe Harán nijibe kwö̧jo.

Génesis 29:1

Ikenama Jacobma ja̧wo̧ laebobekwö 'yi̧jetö ojo'do jömöledö tjitebobe.

Génesis 29:2

Mejenö 'ya̧nö, ojwese'do jo̧be, jö̧ba̧lö edijetö. Je'do ö'öböma o̧bȩja̧döbi, chi̧wo̧döbi ba̧jijadötö, te'ada̧lakwawa jojodö wa̧medukwa tja̧jwi̧mukwena. Ja̧ mölema baikwö balediaijetö: Je'do jo̧bekwö okobe deinö o̧bȩja̧dönö, chi̧wo̧dönö öbibö 'yi̧abijadötö ojwiyo tjowobö. Ja̧danö, je'do a'onö inawa nöawa muchebiabijadötö.

1 Crónicas 19:6

Amonitas jojodöma tjöwaisachibinobe, —Ayö, ömöayedönö sulabenö ja̧diökwe, Davidma jwiinö ökwödönö öpöjödachibajabe, ökwödönö lȩbebö ölakwabikwawö ichakobe, —jö̧ba̧lö. Jejenö omukwatö, tjitea baladatjö treinta y cuatro mil kilo jenanö plata jawa wetjinobe, ju'wedö pjatjatakwedö ölakwabikwawa jojodönö tjimidobö. Siria jojodötjö luwedönö, Aram-naharaim la'aka luwo̧nöbi, Aram-maaca la'aka luwo̧nöbi, Soba la'aka luwo̧nöbi tjimidinobe, tjömöayedö ölakwabikwawa jojodö öbibö tjichobö.

Hechos 2:9

Ökwödöma, jelobetjöbi jelobetjöbi dichinobe. Ökwödötjö ju'wedöma Partia nijitjö ichinadö, ju'wedöma Media nijitjö ichinadö ju'wedöma Elam nijitjö ichinadö, Mesopotamia nijitjö ichinadö, Judea nijitjö ichinadö, Capadocia nijitjö ichinadö, Ponto nijitjö ichinadö, Asia nijitjö ichinadö— jö̧bekwa̧lijadötö—.

Deuteronomio 23:4

Jau chömöledö, jobadöma la'akatjöda ökwödökwö Dios öba a'o tjo̧ko̧kokwobö jwitjakobe, baikwö labebö lobö yötawa: Egipto nijitjö labebajadö, baikwö kwichaduwenama, jobadöma ökwödönö pjabatö, ojwiyobi, panbi tjiyo jö̧tja̧linobe, jo̧kwaijayonö sulabenö pjatjatinokobe. Ja̧danö, ju'wibi, pjabatökönö, ökwödönö suli̧ tjöwaedobö tjisakwinobe, jobadöma Mesopotamia niji comunidad Petor comunidad jojo, Beor itji̧ Balaamnö tjimidinobe, ökwödönö suli̧ waedö, Dios lȩebakwa̧ ökwödönö jwöeba̧lobö.