Génesis 23:2 - Dios Iwene

² Canaán niji Hebrón comunidadtjö. Abrahamma ö'wö babibajajunö eda̧lö jobujunö tjödajejunö tebachijetö. Tebachajo̧ wojiökwe o̧'wo̧ tjo̧bekwö lekwe ö'wö babibajajunö eda̧lö budekwabijetö Abrahamma, chilekwowe, jö̧ba̧lö.

Génesis 23:2 Iomraidhean Croise

Génesis 13:18

Jejenö weiökwe Abramma isa̧do̧tjö otidinejuma ejatibö e'ewö 'yi̧jetö. 'Ya̧jo̧ Hebrón comunidad ö'öbönö ju̧kwijetö, towibiya owiawi ju̧kwena. Jobema jelo̧ itebo, Mamre mikwina. Abramma jobetjö otidijetö juwö iyawemi, Isabenö Jo̧ Diosnö ösödobö.

Génesis 23:1

Sarama, ciento veintisiete a̧yo juju ö'wö babibijotö,

Génesis 23:19

Ikenama Abrahamma lödijetö ilekwonö Saranö ja̧ i̧lȩdo̧ okwa, Canaán nijinö.

Génesis 24:67

Jemi ikena, Isaacma Rebecanö tebatijetö ojo'do jeju okwa, ilekwo baibanö emobö. Ja̧danö, Isaacma jwiinö ile nibebijetö Rebecanö. Jejenö Rebecanö jwiinö ile niebobetjö̧ ojo'do wojina omukwatö o̧'wo̧ tjo̧achi̧ma ja'yubeda 'dö̧ibajijetö, nöinöma o̧'wo̧ tjo̧achökönö.

Génesis 27:41

Jejenö balediökwe Esaúma o̧'wo sulinö edö jwiinö öpöjödijetö öjawo̧nö Jacobnöma, chabe'doma ötjönö Dios dösölö̧jinö edö pjaatakwa̧ ujuni̧ma chöjawo̧nöda ujuninobe, jö̧ba̧lö. Ja̧danö Esaúma, itedada jö̧ba̧lijetö, chabe'do woaja̧ okobetjö, jo̧banö do̧'wo̧ tjo̧achi̧ möle kaatibaja̧ ikenama kwabö lotonöcha chöjawo̧nö, jö̧ba̧lö. Jejenö omukwatö junijetö Esaúma.

Génesis 35:27

Ja̧danö, Jacobma ömöledökwö bajalianö ichibijadötö abe'do Isaac ö̧jobe, Mamre comunidadma. Jobema ju'wi imi Kiriat Arabat, jö̧ba̧lö mikwijetö. Ja̧danö babe molema ja̧ comunidadma Hebron mikwobe. Jobema Abraham, Isaac ajayinö tjuju̧kwinemi, jelobetjö ichajadö, ju'wedö tjitebonö ja̧nö.

Génesis 37:14

Ikenama jö̧ba̧lijetö abe'doma: —Kwedajo kwöpöedö, cha̧jwi̧mubi otiwanö tjuju̧kwojobö. Ikena ȩwa̧jö yökawotjö— webijetö Israelma itji̧ Josénöma, Hebrón niji ba̧ba̧lawena ja̧nö labeibö Siquembe i̧'yobö. Ja̧danö, Joséma jobekwö 'yajo̧ ichibijetö Siquembe.

Génesis 50:1

Ja̧danö, Joséma abe'do ö'wö baibajabetjö̧ iökwe jwiinö o̧'wo̧ tjo̧bekwö, budekwö abe'do ö'wö babibajo̧nö wo̧ba̧lö du̧batijetö.

Génesis 50:10

'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

2 Samuel 1:12

Ja̧danö, möle baledibanö budekwö, tju̧kwa ö̧töchö o̧'wo tjo̧achö tjö̧jinobe, yi̧bena baibenanö kabatö, —Dömöledö israel jojodöwe, —jö̧ba̧lö. Saulbi, Saul itji̧ Jonatanbi, Isabenö Jo̧ Dios ömöayedö israel ölakwabikwawa jojodötjö ba̧jȩkwadöbi ö'wö batjibiawö̧, möle baledibanö tjubudekwinobe, —Dömöledöwe, dömöledönö kwabö lotjajabetija, —jö̧ba̧lö.

2 Samuel 1:17

Ja̧danö, Davidma lo̧awa wȩyudö lo̧inobe, Saulnöbi, itji̧ Jonatannöbi o̧'wo tjo̧achö lo̧awama.

2 Samuel 2:11

Ja̧danö, o̧biya jelemutjö dötölatajakwö, jawo̧dö jelemutjö̧ bakwo̧kwö baledibanö, Davidma Juda jojodö tjuluwo̧ ö̧jinobe, Hebron comunidadtjöma.

2 Samuel 5:3

Jo̧kwajabetjö̧, jejenö yöba̧lö, Hebrontjö okobe deinö israel jojodötjö luwedöma, Davidnö o̧te totjebinobe, isabenö biteda okobe deinö israel jojodö la'aka duluwo̧ jö̧ba̧lö. Ja̧danö Isabenö Jo̧ Dios öba a'otjö la'aka luwo̧ Davidbi jojodöbi isabenö otiwanö ja̧bö tjö̧jakwa̧ wene yöbawö tjujuninobe.

2 Samuel 5:5

Ajayinö Hebron comunidadtjö Judasaso jojodönöda yöbawö ö̧jinobe, jelemutjö dötölataja obia ja'ö baledibanö. Jemi ikenama, Jerusalentjö okobe deinö israel jojodönö yöbawö ö̧jinobe Davidma, o̧bia treinta y tres baledibanö.

1 Crónicas 6:57

Ja̧danö, okobe jwiinö Aaron itji̧mu tupadanö jojodö tjitebo comunidad baibanö Judasaso jojodö tjiyinama baikwö laebobe: Tjöeba̧lakwawa comunidad Hebronbi, Libna comunidadbi, Jatir comunidadbi, Estemoa comunidadbi,

Juan 11:31

Ikenama Maríakwö o̧do okwa ba̧ja̧döma, judío jojodö, Martanö Maríanö yöbawö pjabatö ichajadöma María juluwanö a̧laibö lajebobe edö jobuju jökömanö tji̧'yinobe. Jöjawo̧nö tjödajobe budekwabinö ji̧'yena, jö̧ba̧lö, tjomukwatinobe.

Juan 11:35

Ikenama Jesúsma ubudekwinobe.

Deuteronomio 34:8

Ja̧danö, Moises ö'wö baibiawö̧, israel jojodöma jo̧banö tjubudekwabinobe, treinta möle baledibanö. Jobe Moab niji ba̧ba̧lawobe ja̧nö, Moisesnö tjubudekwabinobe israel jojodöma, Moisesnö tjubudekwobö omudawö tjujunina mölebiya 'dö̧jibajenanö kabatö.

Josué 10:39

Ja̧danö, ölakwabikwawö, Debir comunidadbi tjujuluwinobe, Debir la'aka luwo̧nöbi, okobe jwiinö ö'öbö comunidadteniabi tjujuluwinobe israel jojodöma. Ja̧danö, jobebi juluwajadö, okobe deinö jobe ju̧kwadönö kwabawö lotjinobe. Hebrontjö weinadanö, ja̧danö Libnatjö weinadanö, okobe deinö bakwo̧bi ö̧jibökönö, Debir jojodönöbi, la'aka tjuluwo̧nöbi kwabawö lotjobö weinobe Josuema.

Josué 15:13

Ja̧danö, Isabenö Jo̧ Josuenö weinadanö, juda niji baibanö 'da̧batö ujunenama, ja'ö Jefone itji̧ Calebnö 'da̧batö iyinobe. Ja̧ Calebnö iyinama, Quiriat Arba comunidad jo̧banö iyinobe, ju'wi imi Hebron comunidad. Ajayinö anaquita jojodöma jobe tjö̧jinobe, ja̧danö jobadötjö ajayinö ji̧na Anak mikwo̧ abe'doma, Arba mikwo̧ ö̧jinobe, jo̧kwajabetjö̧ jo̧ba iminö comunidad ötjabinobe.

Josué 15:54

Humtá comunidadbi, Quiriat Arbá ju'wi imi Hebrón comunidadbi, Sior comunidadbi. Ja̧ nueve comunidadbi, ö'öbö pjei̧ comunidadteniabi.

Josué 20:7

Jejenö yöawawö̧, bi̧ya comunidadbiya 'da̧batö tjujuninobe, tjöeba̧lakwawa comunidad baibanö: Galilea niji comunidad Cedes 'da̧batö tjujuninobe, tjöeba̧lakwawa comunidad baibanö. Cedesma, Neftalisaso jojodö tjitebo comunidad, mösa'iju jȩmi comunidad. Ju'wibi Siquen comunidad 'da̧batö tjujuninobe. Siquenma Efrainsaso niji mösa'iju jȩmi comunidad. Ju'wibi Quiriat Arba ju'wi imi Hebron comunidad 'da̧batö tjujuninobe. Hebronma Judasaso niji mösa'iju jȩmi comunidad. Jejenö Jordan ojwetjö jawo̧ meajobekwö wapötakwa comunidad 'da̧batö tjujuninobe, tjöeba̧lakwawa comunidad baibanö.

Josué 21:11

Juda nijitjö mösa'iju jȩmi comunidad Quiriat Arba, ju'wi imi Hebron comunidadbi, comunidad yöne mejebi tjiyinobe. Jobe ajayinö ji̧nadö Anak jojodö tja'döminema Arba jö̧ba̧lö imikwinobe, jo̧kwajabetjö̧ jo̧ba iminö comunidad tjimidinobe, Quiriat Arba jö̧ba̧lö.

Jueces 1:10

Hebron comunidad ajayinö Quiriat Arba mikwina comunidadbe 'ya̧nö, tjölakwabikwawinobe, ja̧danö jobetjö la'aka luwedö Sesay mikwo̧nöbi, Ajiman mikwo̧nöbi, Talmay mikwo̧nöbi tjujuluwinobe.

1 Samuel 20:31

Wajwiköbiji̧, ina jo̧ba Isai itji̧ yaba̧lo̧ ö̧jayi, la'akatjöda inesö la'aka luwo̧ bakibökakwo̧ja, ja̧danö kwi̧tji̧mu tupadanö jojodöma la'akatjöda luwedö batjibökakwedö. Jo̧kwajabetjö̧, Davidnö jwöbö, chö̧jobekwö ichejebinö, isabenö jo̧banö kwabö lotakobetjö̧, —jö̧ba̧lö weinobe Saulma.

1 Samuel 25:1

Jemi ikenama, ja'yubenö lekwajabetjö, Samuelma ö'wö baibinobe. Ja̧danö, ö'wö baibiawö̧, israel niji ba̧kwemeachibanö jojodö ko̧ko̧kwö, Samuelnö tjubudekwinobe. Ja̧danö Samuel eju Ramatjö jo̧banö tjo̧tji̧nobe. Jemi ikenama, Davidma ömöayedökwö jelobe ja̧nö i̧'yinobe jojodö deobe Paran nijibe, Maon comunidad pjeanö.

1 Samuel 28:3

Ja̧ mölema, tupakwö baledakwa̧ yöbawo̧ deinobe, Saul abebö a̧ja̧kwobö. Dios weinadanö, Saulma okobe deinö mea bobadönö israel nijitjö a'dewö loinobe, Dios öpöjödi̧nö ja̧badö jö̧ba̧lö, wobinadönö yöba̧ladö ötjabawö̧nöbi, tupakwö baledakwa̧ yöbawadö ötjabawö̧nöbi, Dios weinadanö a'dewö. Ja̧danö ju'wibi, ajayinö Saul otiwanö abebö a̧ja̧kwinökwe Dios yöawi̧ yöbawo̧ Samuel mikwo̧ma, ö'wö baibinobe, ja̧danö okobe deinö israel jojodöma ko̧ko̧kwö, Samuel itebo Ramanö tjo̧tjinobe Samuelnö. Jo̧kwajabetjö̧, Samuelnöbi abebö a̧ja̧kwobö jwiinobe, ida̧ökö ö'wö baibinobetjö̧.