Génesis 23:11 - Dios Iwene

¹¹ —Chuluwo̧ a̧ja̧kwitjö. Mikwa jwiinö chiyakwö chu̧kwa nijibi, i̧lȩdo̧bi. Bena ja̧nö, chömöledö tjeda̧lonö yöta̧la, Chiyakwö, jö̧ba̧lö kwilekwonö kwödobö— jö̧ba̧lijetö.

Génesis 23:11 Iomraidhean Croise

Génesis 23:12

Abrahamma jobe ju̧kwadö tjöba a'onö öba bȩbachibijetö nijakwö uunö.

Génesis 23:18

Jo̧kwaobetjö̧ okobe deinö Hettjö tupadanö jojodö, jena ja̧nö eda̧ladöma waisijadötö ja̧ nijima, Abraham u̧kwa niji baibajabe, jö̧ba̧lö.

Génesis 23:6

—Duluwo̧ a̧ja̧kwi, ökwönö, juluwo̧ la'aka luwo̧, jö̧ba̧lö, otiwanö dedökweja. Bemi, i̧lȩdo̧ jemitjö̧ o̧penönö otiwemi kwödojö kwilekwonöma. Ökwödötjö bakwo̧bi dea, i̧lȩdo̧ chiyökö jo̧banö, jö̧ba̧lo̧ma— atadijadötö.

Isaías 32:8

Jobekwö jabö jö̧kö̧dö, otiwanö tjomukwato jö̧tja̧lawö̧ma. Jobadöma otiwanö ja̧tjotö jö̧ba̧lö omukwatö junadö, jadanö otiwanö ja̧tjakwa̧ jawa omukwatö junajadö, 'diinö ja̧nö otiwanö ja̧bö ju̧kwadö.

Lucas 19:24

Ikenama ipjeanö ju̧kwadö iteda ömöayedönö weinobe: Bite sulabo̧ chömöayo̧tjö 'döbebö, baladasapi̧ kwiyaduwo domulataja ö̧pi̧biya junalo̧nö, jö̧ba̧lö weinobe.

Deuteronomio 17:6

—Jo̧kwaijayonö, isabenö kwa̧ja̧kwaduwaja̧danö sulabenö tjösödojobö kwisakwaduwenama, sule bakwo̧da sulabenö ja̧tjaja̧ wene yöawitjö̧ma, lȩkebaduwobö jwiena, baikwö yötawa: Du̧ju̧tajaö̧kö̧, wamedukwaö̧kö̧ jweinö tjedaja̧ yötjawitjö̧ma, –Isabenö bite, bisuju sulabenö ja̧aja̧ dedajabe, –jö̧ba̧lö yötjawitjö̧ma, jenada yötjawi̧ kwösödaduwobö ja̧kobe, ja̧danö sulabenö ja̧bo̧nö kwabö loköbaduwobö ja̧kobe. Jo̧kwaijayonö sule bakwo̧da yöawitjö̧ma yöawi̧ kwösödaduwobö jwiakobe, ja̧danö lȩkebaduwobö jwiakobe.

Deuteronomio 19:15

Tupakwö yöawinobe Moisesma: —Chömöledö, lȩekwa luwedö tjöba a'otjö jelo̧ sulabenö ja̧ina wene yötjawenama, sule bakwo̧da, –Bite sulabenö ja̧ina chedijatö, –jö̧ba̧lö yöawitjö̧ma, lȩekwa luwedö a̧ja̧kwö lȩtjebobö jwiena, sule bakwo̧da yöawajabetjö̧. Du̧ju̧tajaö̧kö̧, wamedukwaö̧kö̧ tjedaja̧ bakwainö yötjawitjö̧da yötjawi̧ tjösödobö ja̧kobe, ja̧danö yötjawi̧ ösödö, sulabenö ja̧binanö lȩekwa yötjawobö ja̧kobe.