Génesis 22:4 - Dios Iwene

⁴ Ja̧danö, dötölataja möle baledibajena wa̧pötakwa mölenö Abrahamma edijetö ödöobe Dios weinemi i̧'yobö.

Génesis 22:4 Iomraidhean Croise

Génesis 22:3

Jejenö weajökwe ju'wi dewachö Abrahamma wilubö, a̧laibö imi pabijetö, Diosnö ösödö iyö ujuwakwa̧. Pabajo̧ bulu oma'anö wanabijetö imima. Wanabijo̧ itji̧ Isaacnö, ömöayedö du̧ju̧tajanöbi labeibö öbibö 'yi̧jetö Dios weajobekwö 'ya̧nö.

Génesis 22:5

Jemi edö jö̧ba̧lijetö ömöayedönö: —Benada bulukwöda ji̧baduwi. Chitji̧kwö chi̧'ya yai, juwö iyö Diosnö ösödö. Ja̧ iyö kabatöma tjedachajakobe baikwö—jö̧ba̧lijetö.

2 Reyes 20:5

—Tjebachajö chömöledö Juda jojodötjö la'aka luwo̧ Ezequiasnö yökawo: –Ezequias, baikwö yöawobe kwa'dö Davidmine ösödinökwe Isabenö Jo̧ Diosma: Akebaja̧ cha̧ja̧kwajabe, ja̧danö kwubudekwaja̧ chedajabe. Ja̧danö a̧ja̧kwajo̧, baikwö chatadakwö: Kwö̧bibajinö pjatatakwo̧sa Ezequias. Wapötakwa möle baibenama, ida̧ökö bi̧bajo̧, ötjö Isabenö Jo̧ chejube kwi̧'yakwo̧ja,

Éxodo 15:22

Ikenama Moisésma Israel jojodönö öbibö 'yi̧jetö o̧pesobu duwobu mikwobutjö tupakwö mejebe, Sur meje mikwobekwö. Ja̧danö, wa̧pötakwa möle kwebachö 'yi̧jadötö ojwese'do jwiena, ojwiyo owökönö.

Éxodo 19:11

Ja̧ tjotikwi̧ma, ja̧danö tjökamisi tjidicha̧li̧bi itekwayi dewachöma tjo̧wi̧ katjatakwawo ja̧ mölȩma ötjönö tjedakobetjö̧. Ja̧ mölema ötjö Isabenö Jo̧ma Sinai mö'ösa'o wa̧pekwa'onö jwitachocha okobe deinö jojodö tjeda̧lonö.

Éxodo 19:15

Ja̧danö, webijetö Israel jojodönö: —Chömöledö, dötölataja mölȩ kwotikwaduwi̧ma kwotikwaduwajabe, ja̧danö kamisi dichöbi kwidicha̧laduwajabe. Ja̧danö, ikena möle, Itekwayi dewachöma ida̧ökö otikwibö kwuju̧kwaduwo. Ja̧danö, babe möle tupakwöma kwilekwamuduwikwöma kwö̧jaduwoko— webijetö Moisésma.

Éxodo 5:3

Jejenö yöa̧lawö̧: —Ökwödö Hebreo jojodö dösödökwe Diosma ökwödönö öwawachö yöawijatö ökwönö yödawakwa̧. Jo̧kwaobetjö̧ adebakwö: Jojodö deobekwö di̧'yobö weköbo wa̧pötakwa möle kwebachö Isabenö Jo̧nö juwö diyobö, dösödökwe Diosnöma. Ökwödönö di̧'yobö weköbo Diosma dö'wöchi̧ jawatjöbi, ja̧danö, döpöjojodö ökwödönö tibatö lotjitjö̧bi weapji jö̧ba̧lö— yöba̧lijadötö.

Mateo 17:23

ötjönö kwabö lotjobö, jo̧kwaijayonö ötjönö kwabö lotjaja̧ ikenama, wa̧pötakwa möle baledibajenama, 'yabibajö wobajaletjö tjetachajakwo̧sa— jö̧ba̧lö. Jejenö ö'wö baibakwa̧ yöawawö̧, Jesús öba̧ja̧di̧ waisachadöma nöinö tjo̧'wo̧ tjo̧achinobe.

Lucas 13:32

Yötjawiökwe, Jesúsma atadinobe: —Jo̧ba yolokodanö suli̧ waedo̧ Herodesnö baikwö yökawaduwo: Jesúsma baikwö yöawajabe: A̧ja̧kwi, babe mölebi, itekwayi mölebi tjo̧'wo̧ luwo̧nö sulabedönö a'dewö loböbi, jojodö tjö'wöchi̧ otidö loböbi chotidocha, ja̧danö jemi ikena möle chotido jö̧ta̧laja̧ma katatibakobe, jö̧ba̧lö Herodesnö yökawaduwo— jö̧ba̧lö weinobe Jesúsma jobadönö.

1 Corintios 15:4

Ja̧danö jo̧banö tjo̧tjinobe, ja̧danö jemi ikenama wa̧pötakwa möle baledibajenama, woawatjö tjeachajinobe Dios iwene laebi̧danö.

Josué 1:11

—Jojodö tju̧ju̧kwemi ba̧kwemeachibanö kwebachö jojodönö yökawaduwo baikwö: –Wapötakwa möle baledibajenama, Jordan ojwe pedibakwedösa, Duluwo̧ Isabenö Jo̧ Dios iyakwa̧ niji ditebo baibanö demobö. Jo̧kwajabetjö̧ kwu̧kwaduwa kwakwawa ko̧ko̧dö kwotidaduwo, —jö̧ba̧lö yötjawobö weinobe Josuema.

1 Samuel 26:13

Ikenama, Davidbi Abisaibi labebö, tupakwö badeibö jele'o mösa'onö ja̧nö tji̧'yinobe, Saul ö̧jelö ödö ja̧nö.