Génesis 22:16 - Dios Iwene

¹⁶ Jo̧bama jö̧ba̧lijetö: —Abraham, Isabenö Jo̧ Dios ökwönö yöawi̧ma baikwö laeba: Abraham, ötjö weti̧ma otiwanö kwa̧ja̧kwajabe. Kwitji̧nö, jo̧dawo̧nö, ile nikebökwenö juwö kwiyotjö, jö̧ba̧lö weti̧ma kwa̧ja̧kwajobetjö̧ ötjöda chiwene yöbawö chujuna ökwönöma.

Génesis 22:16 Iomraidhean Croise

Génesis 12:2

Ina jö̧ba̧lijetö Isabenö Jo̧ Diosma Abramnöma: —Abram, ökwötjö tupadanö jojodönöma, tjitebonö ba̧jekwachö juluwadö batjibobö dösölö̧jinö edö pjatatakwo̧sa. Ja̧danö Abram, ökwönö otiwanö kwö̧jobö dösölö̧jinö edö pjatatakwo̧sa. Jejenö pjatatobetjö̧ okobe deinö bö̧jenö ju̧kwadöma jojodö yötjawi̧ a̧ja̧kwö tjöwaisachibakwedö, Abramma Dios dösölö̧jinö edö pjaatökwe, jö̧ba̧lö. Ja̧danö Abram, ökwönö dösölö̧jinö edö pjatatobetjö̧, ökwönödamaö̧kö̧, okobe deinö böjȩnö ju̧kwadönö dösölö̧jinö edö pjatatocha— yöba̧lijetö Isabenö Jo̧ Diosma Abramnöma.

Génesis 22:12

Ja̧danö, ángelma jö̧ba̧lijetö: —Abraham, ¡kabati! ¡Kwitji̧nö 'wibebö lobökönuwi! Babema ötjö weti̧ a̧ja̧kwö kwitji̧nö, jo̧dawo̧nö ö'wiawökönö ötjönö kwiyobe chedobetjö̧ chöwaisa, ökwöma ötjönö kwo̧'wo wa̧na̧lö ösödo̧ja, jö̧ba̧lö— jö̧ba̧lijetö ángelma.

Génesis 22:15

Ikenama Isabenö Jo̧ Dios weajökwe ángelma yemidanö jwöbijetö Abrahamnöma mölejebetjö.

Génesis 22:2

Ja̧danö, Diosma webijetö Abrahamnö: —Abraham, ökwö kwitji̧ Isaacnö, jo̧dawo̧nö, ile nikebökwenöma e'ewö 'ya̧wi Moria nijibe. Jobe mö'ösa'otjö, ökwönö chi̧sebakwa'otjö, juwö iyawobekwö 'ya̧wi. Jobetjö kwitji̧nö, ökwösobu ebawinö ö̧kwö̧la̧ 'wibebö loköbajökwenö juwö kwiyo, ötjönö ösödö— webijetö.

Génesis 26:3

Bena Gerar nijinöda kwö̧jo, ju'wedö tjitebonöda ja'yubeda lekwe. Isaac, ökwökwö chö̧jakwo̧sa. Ja̧danö, dösölö̧jinö edö pjatatakwo̧sa ökwönöma. Okobe jwiinö bemi niji, ökwönöbi, ökwötjö tupadanö jojodönöbi ju'winö chiyakwo̧sa, kwabe'do Abrahamnö ötjöda chiwene, yöbawö chujuninadanö badekwachinö.

Génesis 26:5

Isaac, okobe jwiinö ja̧ dösölö̧jinö edö pjatatakwa̧ badekwachakobe kwabe'do Abrahamma ötjö yötawi̧ ösödö ö̧jinobetjö̧. Jo̧bama ötjö chiwene a̧ja̧kwö ja̧danö, ötjö yötawi̧ tjöbeba̧lö̧jö̧nö omukwatö ö̧jinobe, okobe jwiinö chöba̧ja̧di̧ ösödö, ja̧danö, okobe jwiinö ö̧jobö weti̧ma a̧ja̧kwö. Jejenö ö̧jinobetjö̧ ökwönöbi, ökwötjö tupadanö jojodönöbi dösölö̧jinö edö pjatatakwo̧sa, Abrahamnö chiwene yöbawö junö chujuninadanö badekwachinö— öwawachibö yöbawijetö Isabenö Jo̧ Diosma Isaacnö. Ja̧danö, Isabenö Jo̧ Dios wei̧danö Isaacma Egiptobe 'yö̧kö̧nö jobeda Gerar nijinö ji̧jetö.

1 Crónicas 16:16

Jau chömöledö, Isabenö Jo̧ma da'dömine Abrahamnö yöbawö ujuninobe, ja̧danö itji̧ Isaacnöbi yemidanö yöbawö ujuninobe.

Éxodo 17:16

Ja̧danö, yöba̧lijetö Moisésma: —Isabenö Jo̧ ujulunö döpöjojodönö dujuluwakwedösa. Ba̧kwȩlö̧jatebö, ökwödönöbi, ökwötjö tupadanö jojodönöbi pjaatakwo̧ Isabenö Jo̧ma, Amalec jojodönö dujuluwobö— yöba̧lijetö Moisésma.

Éxodo 2:24

Usula emawö jwötjeba̧li̧ma a̧ja̧kwijetö Diosma. Ja̧danö, omukwatijetö Diosma damötjö Abrahamnö Isaacnö Jacobnö iteda iwene yöbawö ujuninama, jobadötjö tupadanö jojodönö pjatatakwo̧sa, jö̧ba̧lö.

Éxodo 32:13

Omukwati ajayinö da'dödöminenö yöbawö junö yöka̧linama, kwömöayedö Abrahamnö, Isaacnö, Jacobnö. Ökwöma kwiminöda wanedö yöbawö kwujuninobe jobadönö, ökwödötjö tupadanö jojodönö mölejȩbe lö̧jadö si̧li̧'i̧dödanö tjöba̧jekwachinö pjatatakwo̧sa, jö̧ba̧lö. Ja̧danö yöbawö kwujuninobe, okobe jwiinö nijima, chiyocha ökwödötjö tupadanö jojodönö ba̧kwȩlö̧jatebö idöda tjitebo baibanö. Isabenö Jo̧, omukwati ja̧ yöbawö kwujuninama Abrahamnö, Isaacnö, Jacobnö. Kwömöledönö söbebö loköboko— budekwabinö abebijetö Moisésma Isabenö Jo̧nöma.

Isaías 45:23

Isabenö wene yötawaduwakwö, ja̧danö ötjöda chiminö yöbawö chujunaduwakwö, isabenö baledakwa̧, la'akatjöda balewachökakwa̧ wenema: Isabenö yadakwö okobe deinö chöba a'o bȩbachibö tjö̧jakwedö, ja̧danö okobe deinö chöba a'o yöbawö tjujunakwedö: —Isabenö Jo̧ Diosda bakwainö otiwanö ja̧bö jo̧ma, jo̧bada inesö juluwo̧ma, —jö̧ba̧lö okobe deinö bö̧jȩnö ju̧kwadöma bȩbachibö yöbawö tjujunakwedö, jö̧ba̧lö yöawobe Diosma. Jau chömöledö, okobe deinö Diosnö öpöjödö, jo̧banö dameakwö ölakwabikwawö ji̧nadöma, tabakwö ja̧nö Dios öba a'o yebabinö tjö̧bawö tjö̧jakwedö.