Génesis 21:9 - Dios Iwene

⁹ Ju'wi möle, Sarama edijotö Egipto jojosuju Agar jitji̧nö, Abrahamtjö jitji̧nöma sulabenö jö̧ba̧libö obobe isuda jitji̧nö, Isaacnöma.

Génesis 21:9 Iomraidhean Croise

Génesis 16:1

Sarai, Abram ilekwoma, tjemu debijotö. Ja̧danö, jobujuma jömöayujunö, Egipto jojosujunö juna̧lijotö, Agar mikwujunö.

Génesis 16:15

Ikenama Agarma Sarai jö̧jobekwö tjebachajijotö. Ju'wi möle emijotö jitji̧nö, Abram itji̧nö. Ja̧danö, Abramma midijetö itji̧nöma Ismael jö̧ba̧lö.

Génesis 17:20

Ina jö̧ba̧lijetö: —Jo̧kwaijayonö Abraham, Ismaelnö akebi̧ma cha̧ja̧kwatö. Jo̧banö dösölö̧jinö edö pjatatakwo̧sa. Jo̧batjö tupadanö jojodönöma tjitebonö tjöba̧jekwachinö pjatatakwo̧sa. Ja̧danö, jo̧ba i̧tji̧muma, a̧li̧nösamutjö du̧ju̧tajanöbedöma, jojodö tjuluwedö batjibakobe. Ja̧danö jo̧batjö̧ tupadanö jojodöma tjitebonö tjöba̧jekwachinö, juluwadö batjibanö dösölö̧jinö edö pjatatakwo̧sa.

Génesis 21:8

Ja̧danö, Isaacma idaö̧kö pöe baibenama ojo'doma o̧do̧'bi̧ 'döbebijotö. Ja̧ mölema Abrahamma fiesta nöinö junijetö.

Diosnö ösödo̧ Job mikwo̧ usula emawina jawa 30:1

Tupakwö yöa̧linobe Jobma: Jo̧kwaijayonö, ajayinö otiwanö ötjönö tjomukwatinajayonö, babema ötjötjö baikwönönö möayedöbedöma ötjönö obadö. Mikwawöködöbi jejenö ötjönö obadö chömöledö, baikwö yöta̧la: Inesö mikwawöködö, chajwimu awilidökwö otidö, chajwimu obejadönö tjiteada̧lobö mikwawöködö jö̧ba̧lö chöpöjödinawö̧ tjitjimubi ötjönö obadö babema.

Proverbios 20:11

Ja̧danö, ju'wibi yötawa: Tjemubi otiwanö tjo̧mukwatojobö, sulabenö tjo̧mukwatojobö jö̧ba̧lö i̧sekwadö. Jobadö ja̧tji̧ma tji̧sekwobe, otiwanö tjo̧mukwatojobö, sulabenö tjo̧mukwatojobö jö̧ba̧lö. Ja̧danö, jweinö tjo̧mukwatojobö, jelobekwö tjo̧mukwatojobö i̧sekwadö tjȩmu, idöda ja̧tji̧ma.

Proverbios 22:10

Ja̧danö, ju'wibi yötawa: Isabenö, jojodönö sulabenö yöba̧lö obadöma deitjö̧ma otiwena. Jao, jobadö obadönö a'dewö loköbaduwobetjö̧ ölakwabikwawabi, wenebi, jelo̧nö jwöjwöakwawabi jwiena.

Gálatas 4:22

Baikwö laebobe chömöledö: Abrahamma i̧tji̧mu du̧ju̧tajanö itji̧kwinobe, ömöayuju bajibanö midö tjeminoko Agar mikwujutjö bakwo̧nö itji̧kwinobe, ja̧danö midö emawökuju Sara mikwujutjö bakwo̧nö itji̧kwinobe.

Gálatas 4:29

Ja̧danö, damötjö baledinadanö yemidanö baledobe chömöledö, baikwö yötawa: Dios chiyocha jö̧a̧linökökwe Ismaelma, Dios chiyocha jö̧a̧linökwe Isaacnö usula emawinö ja̧inobe, ¿jö̧tö? Ja̧danö, babebi ju'wedöma ökwödönö usula kwemawaduwinö ja̧tjobe chömöledö, damötjö baledinadanö.

Hebreos 11:36

Ja̧danö ju'wedöbi tjuju̧kwinobe, Diosnö tjo̧'wo̧ wana̧ladöma. Jobadönö oböbi, kwakwaböbi kwakwatjinobe. Ja̧danö, di̧batö tjödinobe ka̧lena ba̧kwawejunö.