Génesis 21:16 - Dios Iwene

¹⁶ Junibö jemi tupakwö cien metros jenanö 'ya̧jaju ba̧nö jwöbeba̧lijotö ¡chitji̧we! ö'wöchi̧ma chedökö, jö̧ba̧lö, isudada. Ja̧danö, jobe ba̧nö nöinö budekwabijotö.

Génesis 21:16 Iomraidhean Croise

Génesis 21:15

Jemi tupakwö, ojwiyo i̧sȩdo̧tjö̧ otikwa'wonö okwobu okobe jwiinö tjowajena Agarma jitji̧nö junibijotö towi ja'yuwowi la'aka.

Génesis 27:38

Jejenö jö̧a̧liökwe Esaúma abebijetö abe'donö: —Dios dösölö̧jinö edö pjaatakwa̧ma ¿bakwötanöda ja̧ji̧? Otjönöbi juni Dios ötjönö dösölö̧jinö edö pjaatakwa̧ chabe'do— abebijetö, budekwabinö.

Génesis 29:11

Ikenama Raquelnö 'ya̧wibö, du̧batö budekwijetö, o̧'wo̧ ösöwanö.

Génesis 44:34

Chuluwo̧ ¿dakwö chȩwa̧jobö? Chöjawo̧ma ötjökwö ȩwa̧jökötjö̧ma chabe'do ö̧jobekwöma chȩwa̧jökena. Chabe'do jwiinö o̧'wo̧ tjo̧ekwi̧ma chedobö jö̧ta̧lökö— Judáma yöbawijetö Josénöma.

1 Reyes 17:12

Aeboko, jatadinobe: —Kwuluwo̧ Isabenö Jo̧ Dios öba a'otjö, isabenö yötawakwö, pan jwibujusa ötjöma. I̧sa̧pjanö, sule ja'yubeda harinaso̧pja junalujusa, ja̧danö o̧tesa̧yunö, sule ja'yubeda o̧tema junalujusa. Jau, babema ja'yubeda pjei̧ ö̧'iya imi ko̧ko̧dö emujusa, ökwöla nötedö, ja̧ ja'yubeda chujuna̧li̧ chöbalobö, ötjöbi, chitji̧bi bajaleapo dukwakwa̧ dukwobö, ja̧danö jemi ikenama, ja kwajadö, du̧kwa jwibö ö'wö badibakwedösa, pan jwita ökwönö ichejebö chiyobö, —jö̧ba̧lö jatadinobe.

1 Reyes 3:26

Jejenö weioko, tjemu a̧dekwanö ojo'doma, jwiinö jo̧'wo tjo̧achibinobe jitji̧nö, ja̧danö o̧'wo tjo̧achö yöja̧linobe, —Chuluwo, ja̧maökö, tjemunö kwabö lobökönö, wainö jelujunö kwiyo. Jau chuluwo̧, la'akatjöda kwabö loköboko, jelujunö kwiyo, —jö̧ba̧lö jo̧'wo tjo̧achö ajebinobe. Ja̧danö, jejenö yöja̧lonö, jelujuma yöja̧linobe, —Yöka̧laja̧ma jwea chuluwo̧, ö'wejenö kwubulato, ja̧danö ötjöbi, isujubi bakweminö ditji̧mu debadö dö̧jakwedösa, —jö̧ba̧lö yöja̧linobe.

Isaías 49:15

Jo̧kwaijayonö, jobekwö yötja̧liökwe, baikwö atado̧ Isabenö Jo̧ma: Ja̧maökö chömöledö, ökwödönö cho̧'wo jwibibö̧kö̧sa. Baikwö wanedö yöta̧la chömöledö: Jojosuju, jitji̧ ja'yuwo̧, jo̧do'bi̧ jojwebökwenö jo̧'wo jwijibenaji̧? Isuda jitji̧ jemajökwenö, lȩlöjinö jedökenaji̧? Kwöwaisaduwa chömöledö, ja̧maökö, jö̧tö? Ja̧danö baikwö yöta̧laduwakwö, jojosuju jitji̧nö o̧'wo jwibibökönö jö̧ji̧tjö̧ bajalakwönönö, jwaikwöda ökwödönö chomukwatibo̧sa, la'akatjöda ökwödönö o̧'wo jwibibö̧kö̧sa chömöledö.

Lucas 15:20

Ja̧danö, jejenö omukwatajo̧, a̧laibö abe'do ö̧jobekwö ȩwa̧jinobe. Abe'do ejube ichibakwa̧ abönö, ina ödö ö̧jayi, abe'doma jo̧banö edinobe, ja̧danö lȩlö̧jinö edö, itji̧ ö̧jobekwö ö'öakwawinobe, ja̧danö itji̧nö wo̧batö, du̧atinobe.

Jueces 2:4

Jejenö angeldanö ichejekwö Isabenö Jo̧ yöawiawö̧, Israel jojodöma tjo̧'wo tjo̧achinobe, ja̧danö labinö tjubudekwinobe.

1 Samuel 24:16

Jejenö yöa̧lökwe, David jejenö yöba̧lö kaatena, Saulma jwöbö abebö a̧ja̧kwinobe, —Chitji̧ David, isabenö ökwödaji̧? Isabenö ökwöda kwiwene cha̧ja̧kwaji̧? —jö̧ba̧lö. Ja̧danö David yöa̧laja̧ omukwatö, Saulma labinö ubudekwinobe.

1 Samuel 30:4

Okobe deinö David ömöayedö tji̧lȩkwamunöbi, tji̧tji̧munöbi, David ilekwamu Ahinoamnöbi Abigailnöbi do̧batö tjö̧naukwinobe amalecita jojodöma, ja̧danö jejenö balediawö̧, Davidbi ömöayedöbi labinö tjubudekwinobe, tjubudekwobö tjujulu 'dö̧ibajenanö kabatö.