Génesis 21:14 - Dios Iwene

¹⁴ Ja̧danö, ju'wi dewachö Abrahamma yȩayi wilubö a̧laibö panbi, ojwiyo, i̧sȩdo̧tjö̧ otikwa'wonö e'ewö 'yi̧jetö Agar jö̧jobekwö. Ichibö pan, ojwiyo okwa'wo iyijetö Agarnöma, jöböbe'onö wa̧nö. Ikenama, bite kwitji̧nöma öbibö 'ya̧wi̧, jö̧ba̧lö, jelobe ji̧'yobö webijetö. Labebajajuma Beerseba mejenöda wajwibö kwebachijotö.

Génesis 21:14 Iomraidhean Croise

Génesis 16:7

Döbibajaju jojodö deena, ojwese'do jobekwö 'yi̧jotö, Shur comunidadbe 'ya̧kwawa mana ö'öbö je'donö. Ja̧danö, jobe jö̧jobe, Isabenö Jo̧ Dios ángeldanö ichejekwö öwawachajo̧ma ichö badekwajijetö jobujunö.

Génesis 19:27

Ja̧danö, ju'wi dewachena Abrahamma wiluibö a̧laibö 'yi̧jetö Isabenö Jo̧ Diosnö yöbawö ö̧jajelöma.

Génesis 21:13

Jo̧kwaijayonö Ismaelma, jo̧babi ökwö kwitji̧obetjö̧ jo̧batjö tupadanö jojodönö tjitebonö tjöba̧jekwachinö pjatatakwo̧sa— jö̧ba̧lijetö Diosma Abrahamnöma.

Génesis 21:15

Jemi tupakwö, ojwiyo i̧sȩdo̧tjö̧ otikwa'wonö okwobu okobe jwiinö tjowajena Agarma jitji̧nö junibijotö towi ja'yuwowi la'aka.

Génesis 21:31

Jejenö baledobetjö̧ jobe tjö̧jemima, Beerseba, jö̧ba̧lö midijadötö, jobema Abimeleckwö Abrahamkwö Dios öba a'otjö tjiwene yöbawö tjujuninobetjö̧, jweinö yöba̧lö tjö̧jakwa̧ tjiwenema.

Génesis 21:33

Tjȩwa̧jabe okobetjö Abrahamma towi, tamarisco mikwowi junijetö Abimeleckwö yöa̧lakwawajena. Jobetjö Abrahamma abebö ösödijetö Isabenö Jo̧ Diosnöma, Ba̧kwelöjatebö Jo̧ Diosnöma.

Génesis 22:19

Jemi ikenama Abrahamma, itji̧kwö tjebachajijetö ömöayedö tjö̧jibajobekwö. Ikenama bakobe ȩwa̧jijadötö Beersebabekwö. Jenada ju̧kwijetö Abrahamma.

Génesis 22:3

Jejenö weajökwe ju'wi dewachö Abrahamma wilubö, a̧laibö imi pabijetö, Diosnö ösödö iyö ujuwakwa̧. Pabajo̧ bulu oma'anö wanabijetö imima. Wanabijo̧ itji̧ Isaacnö, ömöayedö du̧ju̧tajanöbi labeibö öbibö 'yi̧jetö Dios weajobekwö 'ya̧nö.

Génesis 24:54

Ikenama Abraham ömöayo̧bi, jo̧bakwö ichajadöbi owibö, kwibö abijadötö. Ju'wi dewachö wilubö Abraham ömöayo̧ma Rebeca jömöledönö abebijetö: —Webaduwitjö chȩwa̧jo chuluwo̧ ö̧jobekwö— abebijetö.

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Génesis 26:31

Ju'wi dewachö, yȩayi wiluibö Isaackwö, Abimeleckwö bakobe omukwatö, tjiwenema yöbawö junijadötö, otiwanö tjö̧jakwa̧ tjiwenema. Ikenama Isaacma Abimelecnö, jo̧ba ömöledönö, Otiwanö da̧ja̧duwi, jö̧ba̧lö, webijetö jobadönöma tjȩwa̧jobö. Ja̧danö jobadöma Isaackwö wene jwiinö ȩwa̧jijadötö.

Génesis 26:33

Jo̧kwaobetjö̧ Isaacma je'doma Seba, jö̧ba̧lö midijetö. Ja̧danö, jobetjö otiwanö tjö̧jakwa̧ tjiwene yöba̧wö tjujunajabetjö̧ jobe comunidadma, Beerseba, jö̧ba̧lö, midijadötö jojodöma. Ja̧ möle ji̧natjö̧ babebi, Beerseba, jö̧ba̧lö, ötjabobe.

Génesis 28:18

Jacobma ju'wi dewachö yȩayi wilubö inawa uu waneba̧lö abajawa a̧lapedö ju̧nijetö i̧sebobö, bemima Dios ö̧jemi, jö̧ba̧lö. Ikenama jawanö o̧tesobu tobebö ösödijetö Diosnö.

Génesis 37:15

Jobe ichibö, Joséma mejenö 'ya̧nö isakwijetö öpöedönö. Ja̧danö jelo̧, José isakwiabö i̧'yobe edö abebö a̧ja̧kwijetö: —¿Tinö kwisakwa?— abebö a̧ja̧kwökwe:

Génesis 46:1

Ja̧danö, Israelma okobe deinö ömöledökwö, ömöayedökwö, a̧jwi̧mu̧kwö, ja̧danö okobe jwiinö u̧kwa tea e'ewö 'yi̧jetö Egiptobe. Ja'ö 'ya̧nö Beersebanö ichibö juwö iyijetö Diosnö ösödö, abe'do Isaac uluwo̧ Diosnöma.

1 Reyes 19:3

Yöjawi̧ a̧ja̧kwenama, yeaibinobe Eliasma, ja̧danö kwabö lojapji jö̧ba̧lö, ömöayo̧nö öbibö döibajinobe, Juda niji comunidad Bersebabe. Bersebabe ichibajo̧, ömöayo̧nö ujunibinobe Berseba comunidadnö,

Proverbios 27:14

Ju'wibi jwebebö yötawa: Yȩayi wiluibö kwipjeanö jo̧nö labinö jwököboko, dokwa, jö̧ba̧lö. Ina aba̧lena, ja̧danö, labinö jwököbitjö̧ma jwiinö öpöjödena, tajawedö ötjönö sulabenö omukwatö ja̧köba, jö̧ba̧lö. Jo̧banö jwököboko yȩayima.

Proverbios 27:8

Ju'wibi yötawa, wanedö: Bakwo̧ iteda itebotjö jelobe ödö 'ya̧nö jo̧ma ömöledö deobe jo̧. Jo̧bama, pjiyuwa iteda a'do̧tjö ödö kö̧ba̧lo̧ ö̧ji̧danö jo̧.

Isaías 16:8

Jau, Hesbon comunidad jojodö tjöbatjijuma, kököachibakobe, ja̧danö Sibma comunidad jojodö tjitea uba batjijubi kököachibakobe. Ju'wedö tjitebokwena la'aka luwedöma, ölakwabikwawö tjichakwedö, ja̧danö tjöbatjiju uba jawa suli̧ waedö ja̧tö lotjakwedö. Ajayinö tjöbatjiju pokwi̧ma, jalobe pokwinobe, Jazer comunidadbe ichibanö, ja̧danö jojodö deobe ichibanö. Jwiinö jalayu baibanö, jwaibalawa bakwachobebi ichibanö jalayu baibajabe, moabitas jojodö tjöbatjijuma, jokwaijayonö bakobe söbebö lotjakobe.

Juan 8:35

Ja̧danö, wanedö yötawaduwakwö: Bakwo̧ ömöayedöma, tjuluwo̧ i̧tji̧muböködötjobetjö̧ mikwawöködö. Tjuluwo̧ma ju'wi möle labebö loobö omukwatitjö̧ma labebö loena jobadönöma, jelobeda tjö̧jobö, iteda ömöayedöböködö batjibanö. Jo̧kwaijayonö jejenömaökö tjuluwo̧ itji̧ma. Jo̧bama ba̧kwȩlö̧jatebö abe'do itji̧ jo̧. Abe'do itji̧bö̧kö̧ baiboböma la'akatjöda jwiobe.

Josué 3:1

Jemi ikena möle yȩayi, Josuebi okobe deinö ju'wedö israel jojodöbi a̧la̧ibö Sitintjö labebö tji̧'yinobe Jordan mikwödö ö'öböbe. Ja̧danö, ojwe petjibakwedö, jobe petjibobö tjiteada̧linobe.

1 Samuel 15:12

Jemi ikena, yȩayi a̧la̧ibö, Saul ö̧jobekwö i̧'yinobe Samuelma. Ja̧danö, Saulnö edö i̧'yemi ja'ö, jelo̧ yöawinobe Samuelnö, —Saulma ida̧ökö Carmel comunidadbe ichibajo̧, inawiya ujunajabe, isabenö juluwajo̧sa jö̧ba̧lö, ja̧danö junajo̧, Carmeltjö labebö, Gilgal comunidadbe i̧'yajabe, —jö̧ba̧lö.