Génesis 21:10 - Dios Iwene

¹⁰ Jo̧kwaioko Sarama Abrahamnö webijotö: —Chilekwe, a'dewö lobi chömöayujunöma, jitji̧kwöda. Chöpöjöda jitji̧ma ö'wö bakibaja̧ okobe ökwö kwitea kwujunibi̧tjö emoböma. Chitji̧ Isaacda ökwö kwiteaja̧ma emakwo̧— jö̧ba̧lijotö.

Génesis 21:10 Iomraidhean Croise

Génesis 17:19

Jejenö aebijayonö Diosma atadijetö Abrahamnöma: —Jo̧batjömaökö. Kwilekwo Sarama ökwö kwitji̧nö 'yajebakobe. Jo̧banöma Isaac, jö̧ba̧lö kwimido. Jo̧banöda yöbawö chujuni̧ chiwenema badekwachinö pjatatakwo̧sa. Ja̧danö jo̧batjö tupadanö jojodönöbi yöbawö chujunobetjö̧, ja̧ yöbawö chujuni̧ chiwenema ba̧kwȩlö̧jatebö ja̧kobe— jö̧ba̧lijetö Diosma.

Génesis 17:21

Jo̧kwaijayonö kwitji̧ Isaacnö, ja̧danö Isaactjö tupadanö jojodönöbi chiwene yöbawö chujunina badekwachinö dösölö̧jinö edö pjatatakwo̧sa. Abraham, yötawakwö, ju'wi o̧ba babedajayena Sarama jo̧banöma jemakobe— yöbawijetö Diosma Abrahamnöma.

Génesis 20:11

—Chomukwatijatö, bemi jojodöma Diosnö yebaböködö, jo̧ba wei̧ a̧ja̧kwöködö tjuju̧kwena, jö̧ba̧lö. Ja̧danö, chilekwonö tjemobö ötjönöma kwabö lotjena, jö̧ba̧lö chomukwatijatö— atadijetö Abrahamma Abimelecnö.

Génesis 22:10

Ikenama itji̧nö, juwö iyakwo̧nöma ö̧kwö̧la̧ 'wiebotö jö̧ba̧lö i̧sa̧pi̧ do̧batijetö.

Génesis 25:19

Baikwö laeba Abraham itji̧ Isaac ö̧jina yöawi̧ma:

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Proverbios 22:10

Ja̧danö, ju'wibi yötawa: Isabenö, jojodönö sulabenö yöba̧lö obadöma deitjö̧ma otiwena. Jao, jobadö obadönö a'dewö loköbaduwobetjö̧ ölakwabikwawabi, wenebi, jelo̧nö jwöjwöakwawabi jwiena.

Mateo 22:13

Ikenama, la'aka luwo̧ma iteda ömöayedönö weinobe, Bite sulabo̧nö ömamijubi, ömasapiyabi nu'yibö, a̧petube ikwö lobaduwinö, yȩa'wo okwa ba̧nö, budekwabinö o'ye kikiso ja̧bö usula emawo, jö̧ba̧lö weinobe.

Juan 8:35

Ja̧danö, wanedö yötawaduwakwö: Bakwo̧ ömöayedöma, tjuluwo̧ i̧tji̧muböködötjobetjö̧ mikwawöködö. Tjuluwo̧ma ju'wi möle labebö loobö omukwatitjö̧ma labebö loena jobadönöma, jelobeda tjö̧jobö, iteda ömöayedöböködö batjibanö. Jo̧kwaijayonö jejenömaökö tjuluwo̧ itji̧ma. Jo̧bama ba̧kwȩlö̧jatebö abe'do itji̧ jo̧. Abe'do itji̧bö̧kö̧ baiboböma la'akatjöda jwiobe.

Gálatas 3:18

Baikwö yötawa, Dios iyi̧tjö emawa chömöledö: Ja̧ jawa demo jö̧ba̧lö Moisés iwȩyudinada mikwawitjö̧ma, Dios Abrahamnö yöbawö ujunina wenema mikwawoko jö̧a̧lena, Dios iyi̧tjö tjemoböma, ¿jö̧tö? Jo̧kwaijayonö Moisés iwȩyudinadanö ja̧badödamaökö Dios iyi̧tjö emadöma chömöledö. Jau chömöledö, Diosma iteda yöbawö junö Abrahamnö isabenö chiyocha jö̧a̧linobe, ja̧danö Abrahamnö, weti̧ ja̧köbitjö̧da chiyocha jö̧ba̧löma jö̧a̧linokobe.

Gálatas 4:7

Jo̧kwajabetjö̧, babema tjömöayedöböködöja chömöledö, Dios i̧tji̧mubedöja. Ja̧danö, Dios i̧tji̧muköbaduwobetjö̧, okobe jwiinö iteda i̧tji̧munö iyakwa̧ma, ökwödöbi kwemaduwakwedöja chömöledö.

1 Pedro 1:4

isabenö mölejȩbe dö̧jakwedösa, jö̧ba̧lö, ja̧danö isabenö Dios iteda i̧tji̧munö iyakwa̧ demakwedösa jö̧ba̧lö. Jau chömöledö, ja̧ Dios ökwödönö iyakwa̧ma, la'akatjöda suli̧ waekwökö ji̧, ja̧danö suli̧ jwöachökö ji̧, ja̧danö 'dö̧ibajökö ji̧. Ja̧danö, Diosma ja̧ ökwödönö iyakwa̧ma mölejȩbe ujuninobe, jobe dichibena ökwödönö iyobö.

1 Juan 2:19

Ja̧danö, jobadö Cristo öpöjojodöma ajayi ökwödökwö ba̧nö Dios iwene a̧ja̧kwiabinadö. Jo̧kwaijayonö ökwödö Cristonö domukwati̧danö bakwainö omukwatöködö. Ja̧danö, jelobekwö tjomukwatobetjö̧ ökwödötjö 'da̧bachibö labebö kwebachadö. Chö̧ja̧wo̧dö ökwödödanö bakwainö Cristonö ösödö tjomukwatitjö̧ma ina ökwödökwö tjö̧jena. Jo̧kwaijayonö dö̧jelöma latjebinobetjö̧ döwaisachibijatö, Aaa, jobadöma isabenö ökwödödanö omukwatöködö Jesucristonöma, jö̧ba̧lö. Jesucristotjöma dö̧ja̧wo̧döböködö, jö̧ba̧lö, döwaisachibijatö.

Jueces 11:2

Galaad ilekwobi jitji̧mu ömadönö jeminobe, ja̧danö jobadö tjö̧da̧peachenama, Jeftenö öpöjödö a'dewö lotjinobe, —Ökwöma dojo'dö jitji̧bö̧kö̧ja, jeluju jitji̧ja. Jo̧kwajabetjö dabe'do ö'wö baibenama, iteatjö kwemobö wedökakwedösa, dabe'do ilekwobökuju jitji̧köbobetjö̧, —jö̧ba̧lö.