Génesis 20:9 - Dios Iwene

⁹ Ikenama Abimelecma jwöbijetö Abrahamnö ö̧jobekwö ichobö. Ichajo̧nö jö̧ba̧lijetö: —Ökwöma suli̧ kwöwaedajabe ökwödönöma, ötjö chöjawuju, jö̧ba̧lö. Ökwönöma ja'yubebi sulabenö ja̧tököjayonö ökwö sulabenö omöna yöka̧lobetjö̧ babema ötjöbi, chitebonö ju̧kwadöbi usula emawadösa. Omöna yöka̧li̧danöma yöka̧linatjö̧bö.

Génesis 20:9 Iomraidhean Croise

Génesis 12:18

Ja̧danö faraónma waisachibijetö, jelo̧ ilekwonö cheminobetjö̧ dö'wöchi̧ jawa baiba, jö̧ba̧lö. Jo̧kwaobetjö̧ jwöbijetö Abramnöma ö̧jobekwö ichobö. Ichibajo̧nö labinö jwöbeba̧lijetö: —Ökwöma jwiinö sulabenö kwöwaedijatö ötjönöma. Jweinö yökawinotö, chilekwo, jö̧ba̧lö— jwöbeba̧lijetö—.

Génesis 20:10

¿Tajawedö omöna yöka̧linada, chöjawuju jö̧ba̧löma?— abebö a̧ja̧kwökwe:

Génesis 20:8

Jo̧kwajobetjö̧ ju'wi dewachö yȩayi Abimelecma jwöbijetö ömöayedönö tjichobö. Ichajadönö yöbawijetö okobe jwiinö Dios yöa̧laja̧ i̧'wi̧dinö. Ja̧danö, yöawiawö̧ jwiinö yebaibijadötö.

Génesis 26:10

Jejenö atadökwe Abimelecma jwöbeba̧lijetö: —¡Ayö! ¿Wajwiköbiji̧? Jwiinö labobe ökwödönö omöna yöka̧linama. Ökwödötjö bakwo̧ kwilekwokwö ja̧itjö̧ma, ökwödö okobe deinö Dioskwö wene dujuna̧lena. Jejenö Dios lȩebawö̧da badibena, omöna yöka̧linobetjö̧— jwöbeba̧lijetö Abimelecma Isaacnöma.

Génesis 29:25

Ja̧danö, ju'wi dewachö Jacobma wiluibö edemi, ¡ayö! bisu Leanöda weajabe, jö̧ba̧lö, edijetö. Ja̧danö, jö̧ba̧lijetö Labánnö: —¿Dakwö ja̧köbaja̧da ötjönöma? Raquelnöda chemobö chotidijatö. ¿Tajawedö jejenö ja̧köbajada? — abebö a̧ja̧kwökwe:

Génesis 38:24

Ja̧danö ju'wi möle, ja̧wo̧dö wamedukwa tjöbaledibena ju'wedöma yöbawijadötö Judánö, kwitji̧mine ilekwoma sulabenö i̧so̧kwö alewinujuma babema metu'wo jö̧jobe, jö̧ba̧lö. Jejenö yötjawökwe Judáma jwiinö labijetö, do̧batö kwichejebaduwojö baikwö, jojodö tjö̧'da̧de junö, juwö lotojö, jö̧ba̧lö.

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

2 Samuel 12:5

Jejenö yöawajökwe, jwiinö ödameakwinobe Davidma, luwo̧danö jo̧ Natan yöa̧lajökwenö. Ja̧danö dameakwö yöa̧linobe, —Isabenö Jo̧ ö̧ji̧ wene isabenö ji̧danö isabenö yötawakwö, jejenö ja̧bo̧ma ö'wö baibo jö̧a̧lobe, jwiinö sulabenö ja̧inobetjö̧.

2 Samuel 13:12

Jö̧a̧loko jöpöjödinobe, —Ja̧maökö chöpöe. Ötjönö juluwajo̧, 'da̧köbobö jwiinö sula, ditebo israeltjö la'akatjöda jejenö ja̧tjobö jwiobe, atebakwö jejenö sulabenö ja̧bökönui jö̧ba̧lö.

Éxodo 32:21

Ikenama Moisés abebijetö Aarónnö: —Chöpöe, ¿tajawedö yökawinököda jojodönöma, sulabenö ja̧köbaduwoko, jö̧ba̧lö? ¿Taji ja̧tjaja̧da ökwönöma ja̧ jwiinö suli̧ jawa ja̧tjobö weköbobö? —abebö a̧ja̧kwökwe:

Éxodo 32:35

Jemi ikenama Isabenö Jo̧ma labinö tjö'wöchi̧ jawa webijetö Israel jojodönö, pakaya itji̧danö ichejekwo̧ o̧'wo jawa otidobö wetjinobetjö̧ Aarónnöma, ja̧ o̧wo jawa tjösödobö.

Proverbios 28:10

Ja̧danö, ju'wibi yötawa, wanedö: Sulabenö omukwatadöma otiwanö omukwatadönö sulabenö ötjibobe jelobekwö omukwatö sulabenö ja̧tjobö. Isabenö yötawa: Jobekwö sulabenö öbibadöma idönöda wene jwötjebakwedö. Jobadöma 'daliwa tjö̧naja̧nöda tjö̧li̧bakwedö, idönöda sulabenö badekwachawö̧ jö̧ba̧lö. Jobekwö badekwachokobe jweinö yöba̧lö otiwanö omukwatadönöma. Jobadö otiwanö omukwatadönöma otiwanö badekwachawö̧.

Romanos 2:11

Jau chömöledö, Diosma wainökwena edö̧kö̧ jobadönöma, Bitenö lȩteba, bitenö lȩtebökö, jö̧ba̧lö. Bakwaibedödanö edo̧ judío jojodönöbi, judío jojodöböködönöbi.

Tito 1:11

Jobadö 'wi̧inö batjibobö jo̧be, yötjawoko jö̧tja̧li̧ jawa yötjawobetjö̧. Ja̧danö, jejenö yötjawoko jö̧tja̧li̧ jawa yötjawobetjö̧, ju'wedö jojodö okobe deinö tjömöledökwö isabenö wene katjatibobe. Jejenö sulabenö yöbawadöma otiwanö omukwatöma yöbawöködö, sule nöinö balada tjemotö jö̧ba̧löda, jojodönö omöna yöbawadö.

Hebreos 13:4

Ja̧danö chömöledö, ju'wibi yötawaduwakwö. Ökwödötjö kwilekwonö kwemobö, ja̧danö kwilekwenö kwemobö omukwatadönö yötawa. Yebabinö omukwatö kwemaduwo kwilekwonö, ja̧danö kwilekwenö. Ja̧danö, eminadönöbi yötawa. Yebabinö omukwatö kwuju̧kwaduwo kwilekwokwö, ja̧danö kwilekwekwö. Ja̧danö, okobe deinö yötawaduwakwö. Emökönöma kwalewaduwa, Diosma emökönö alewadönö lȩebakobetjö̧. Ja̧danö, Diosma jeluju jilekwenö alewujunö, jelo̧ ilekwonö alewo̧nö lȩebakwo̧.

Josué 7:25

Ja̧danö, wabekobe ichibö, Josuema Acannö yöa̧linobe, —Acan, ökwöma sulabenö ökwödö israel jojodönö wene jwökebajabetija, ja̧danö jejenö ökwödönö wene jwökebiökwe, Isabenö Jo̧ma balekwa mikwa ökwönö wene weajabe, ja̧danö babe möle ökwönö lȩebobe, —jö̧ba̧lö. Ikenama, jejenö jö̧a̧laja̧ ikenama, okobe deinö israel jojodöma Acannöbi, itji̧munöbi, ajwimunöbi inawiya ikwawö kwabö lotjinobe. Ikenama, kwabö lobajadö, tjiteba'o ökwölanö juwö lotjinobe.