Génesis 20:6 - Dios Iwene

⁶ Ikenama Diosma jö̧ba̧lijetö Abimelecnöma, i̧'wi̧dinö: —Jau, chöwaisa. Kwomajadenö otiwanö omukwatö weköbinobe jobujunö tjichejebobö. Jejenö chöwaisobetjö̧ ökwönö pjatatijatö, ötjö chöpöjödi̧ma sulabenö ja̧köbapji jö̧ba̧lö. Ja̧danö, pjatatijatö jobujunö maköbokobö, jobujuma jelo̧ ilekwo wajwiköbi̧ chöwaisobetjö̧.

Génesis 20:6 Iomraidhean Croise

Génesis 26:11

Ikenama Abimelecma yöba̧lijetö okobe deinö jobe ju̧kwadönö: —Bitenö, bite ilekwonö maköbaduwoko. Bitenö inia tjöinö ja̧bo̧nöma isabenö kwabö loobö wetakwo̧sa. Ja̧danö, ilekwonö sulabenö ja̧bo̧nöbi isabenö kwabö loobö wetakwo̧sa— yöba̧lijetö Abimelecma.

Génesis 3:3

Jo̧kwaijayonö batjo ö'weje jowitjöma, kwanöbi kukwaduwoko, maböbi maköbaduwoko , jö̧ba̧lö, weijatö. Jowitjö kukwaduwitjö̧ma, maböbi maköbaduwitjö̧ma woköbaduwakwedöja, jö̧a̧lijatö Diosma— atadijotö isujuma. Jejenö jatadökwe:

Génesis 31:24

Ja̧ yö̧tema, Labán ina Jacobnö yöa̧lapjii Diosma öwawachijetö jo̧banöma, i̧'wi̧dinö. Öwawachö webijetö: —Labán, Jacobnö yöka̧lena tjöbeba̧lö̧jinö yöka̧lonö. Labinö, usula kwemawinö lȩtebokwö, jö̧ba̧lö, yöka̧lokonö, ja'yubebi. Dösölö̧jinö yökalonö— webijetö Diosma Labánnöma, i̧'wi̧dinö.

Génesis 31:7

Jokwaijayonö jo̧bama omöna yöba̧liaijatö ötjönöma. Kabatökönö chotidi̧ mikwa jö̧a̧li̧danö midökönö, ja'yubeda midiaijatö. Ja̧danö, jo̧bama ötjönö sulabenö baledobö isakwijayonö Diosma ötjönöma pjaatinobe, jo̧ba sulabenö ösödi̧danö baledokobö.

Génesis 35:5

Ja̧danö, jobe Shequemtjö labebö Betelbe ȩwa̧jijadötö. Tjȩwa̧jobe okobe deinö tjöbaledemi comunidadesnö ju̧kwadöma jwiinö yebabijadötö jobadönö. Jwiinö yetjabobetjö ölakwabikwawö lubijöködötö Jacob i̧tji̧munö balekwa mikwa kwabö lotjobö.

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

Éxodo 34:24

Ja̧danö, ötjöma a'dewö lotakwo̧sa ju'wedönö, kwuju̧kwaduwakwemi babe ju̧kwadönöma. Ja̧danö, jobe kwujukwaduwakwemima jwiinö jalobe baibanö pjatatakwo̧sa. Ja̧danö, ökwödö ömadöma ötjö, Isabenö Jo̧, kwösödaduwökwe Dios chöba a'otjö kwö̧jaduwobö kwi̧'yaduwena, imiamebi, o̧babi wa̧pötakwanö, kwo̧'wo tjö̧bekwökönö kwi̧'yaduwoko, di̧'yaja̧ okobema döpöjojodöma ölakwabikwawö tjichena, jö̧ba̧lö. Tjichokobe. Deköbaduwonö pjatatocha kwöpöjojodöma ökwö kwö̧jaduwemima emö tjichokobö.

Proverbios 21:1

Ju'wi Salomón jwebebö yöawakwawa jawanö wanekwachi̧ jawa baikwö laebobe: ¿Tida ojwe isuwobö webo̧ma? Isabenö Jo̧da ojwe isuwobö webo̧ma, iteda isuwobö ösödi̧danö. Waiyökökwe, ojwe isuwobö ja̧i̧ma. Ja̧danö, bakwemiinö, Isabenö Jo̧ma inesö la'aka luwo̧nö omajade okwa omukwati̧ öiboböma waiyökökwe. Isabenö, iteda wei̧ a̧ja̧kwinö öbibo̧ Isabenö Jo̧ma inesö la'aka luwo̧nöma.

Proverbios 6:29

Chitji̧, jobekwö labi̧ jawa baledakobe ökwönöma jelo̧ ilekwo̧kwö bakwobe kwö̧jitjöma. Isabenö ökwönö lȩtjebakwo̧ja.

Mateo 27:19

Pilatoma jobe lȩekwa yöbawo̧ iteaka wa̧kwawaka ö̧bena, ju'wibi baledinobe, ilekwoma jo̧banö yötjawobö wejinobe: —Bite Jesúsnö, sulabenö ja̧bö̧kö̧nö lȩkeba, chilekwe. Jo̧da yö̧te jo̧banö sulabenö chi̧'wi̧dikwobetjö̧ nöinö usula chemawatö— jö̧ba̧lö yötjawobö wejinobe Pilato ilekwoma.

1 Corintios 7:1

Chömöledö, ökwödö Corintio jojodöma ötjönö kwialusöja kwiwȩyudinaduwobe, ötjönö abebö a̧ja̧kwö, ja̧danö babema abebö a̧ja̧kwö kwiwȩyudina jawa chatadocha. Bakwo̧ ilekwonö emökönö ö̧jitjö̧ma, sulökö, otiwena,

2 Corintios 6:17

Jo̧kwajabetjö̧ Dios wei̧danö ja̧dobö jo̧be chömöledö, baikwö laebobe Dios iwene: Duluwo̧ wei̧ma baikwö laebobe: ötjönö öpöjödadö tjö'da̧detjö labebaduwi, ja̧danö jobadötjö 'da̧bachibaduwi. Jobadö tjujuna̧li̧ suli̧ jawa mabökönaduwi, ja̧danö ökwödönö chösödocha,

2 Tesalonicenses 2:11

Ja̧danö, isabenö wene tjöpöjödobetjö̧, Diosma weakobe, wajwibö tjomukwatobö, ja̧danö omöna wene tjösödobö.

2 Tesalonicenses 2:7

Jau chömöledö, Awetjama ida̧ökö tojowanö otidobe, jojodö Dios wei̧ tjöpöjödo jö̧ba̧lö. Jo̧kwaijayonö tupakwö baledakwa̧ma ina baledökakobe, tjöbeba̧lo̧ ina ö̧jayima. Jau chömöledö, Dios badedö ujunina möle badekwachenama, Diosma tjöbeba̧lo̧nö laebakobe.

1 Samuel 25:26

Jau chuluwo̧, baikwö isabenö yötawakwö, Isabenö Jo̧ ö̧ji̧ wenebi, ökwö kwö̧ji̧ wenebi isabenö wene, ja̧danö ja̧ isabenö ji̧danö yötawakwö, Diosda isabenö tjöbeba̧lö pjaatajabe, ökwöda balekwa mikwa ökwönö sulabenö ja̧badönö kwabö loköbapji jö̧ba̧lö. Jau chuluwo̧, jejenö ja̧köbatjö̧ma, sulabenö ja̧böködönöbi kwabawö loköbo jö̧ka̧lajena, ja̧danö jejenö kwabö lobajo̧, wene juna̧lo̧ bakibajena. Jo̧kwaijayonö Diosma otiwanö pjaatajabe, jejenö baledapji jö̧ba̧lö. Jau chuluwo̧ isabenö Diosda balekwa mikwa lȩebakwo̧ Nabalnöma, baikwö wanedö yötawa, okobe deinö kwöpöjojodöbi, ökwönö suli̧ baledobö ösödadöbi Nabaldanö batjibitjö̧ma, isabenö kwöpöjojojodö deinö kwö̧jena, jo̧ba Nabalma isabenö Dios lȩebakwo̧obetjö̧.

1 Samuel 25:34

Isabenö yötawakwö Abigail, Israel jojodö Duluwo̧ Isabenö Jo̧ Dios ö̧ji̧ wenema isabenö wene, ja̧danö ja̧ wene isabenö ji̧danö isabenö yötawakwö, tjöbeba̧lö kwichajökötjö̧ma, okobe deinö Nabal ömöledö ömadönö kwabö loto jö̧ta̧lajena, yȩayi dewachakwa̧ abönö, okobe deinö Nabalbi, ömöayedö ömadöbi, bakwo̧bi ö̧ji̧bökönö debö tji̧'yo jö̧tja̧lajena.