Génesis 20:3 - Dios Iwene

³ Jo̧kwaijayonö Diosma öpöjödijetö Abimelec Saranö emoböma. Jo̧kwaobetjö̧ Abimelecnö öwawachijetö Diosma i̧'wi̧dinö yö̧te. Öwawachö: —Abimelec, ökwöma debö kwi̧'yakwo̧ja jelo̧ ilekwonö kwemajabetjö̧, kwilekwo baibanö— jö̧ba̧lijetö Diosma.

Génesis 20:3 Iomraidhean Croise

Génesis 12:17

Jo̧kwaijayonö faraón Sarainö emiökwe Isabenö Jo̧ Diosma öpöjödö jwiinö sulabenö tjö'wöchi̧ jawa webijetö faraónnöbi, ömöledö jo̧bakwö ju̧kwadönöbi.

Génesis 12:18

Ja̧danö faraónma waisachibijetö, jelo̧ ilekwonö cheminobetjö̧ dö'wöchi̧ jawa baiba, jö̧ba̧lö. Jo̧kwaobetjö̧ jwöbijetö Abramnöma ö̧jobekwö ichobö. Ichibajo̧nö labinö jwöbeba̧lijetö: —Ökwöma jwiinö sulabenö kwöwaedijatö ötjönöma. Jweinö yökawinotö, chilekwo, jö̧ba̧lö— jwöbeba̧lijetö—.

Génesis 20:7

Ja̧danö, babema jilekwekwö tjebatijö. Jilekwema ötjö yötawi̧ yöbawo̧. Jo̧bama ökwönö aebakobe ötjönöma. Ja̧danö ötjönö aebobetjö̧ 'yaka̧lakwo̧ja. Jo̧kwaijayonö, jobujunö tjekatökötjö̧ma ökwöbi, kwömöledöbi, kwejunö ju̧kwadöbi debö kwi̧'yaduwakobe— jö̧ba̧lijetö Diosma Abimelecnöma.

Génesis 28:12

Jejenö abemi okwanö i̧'wi̧di̧nö edijetö Jacobma baikwö: Nöchawaka böjȩtjö̧ mölejebe dötewinö jo̧bekwö edijetö. Ja̧kanö Dios weajawö̧ ángelesdöma nöchöbi tjö̧nöchobekwö edijetö. Ja̧danö, yutubajöbi yututjajobekwö edijetö ja̧kanö.

Génesis 31:24

Ja̧ yö̧tema, Labán ina Jacobnö yöa̧lapjii Diosma öwawachijetö jo̧banöma, i̧'wi̧dinö. Öwawachö webijetö: —Labán, Jacobnö yöka̧lena tjöbeba̧lö̧jinö yöka̧lonö. Labinö, usula kwemawinö lȩtebokwö, jö̧ba̧lö, yöka̧lokonö, ja'yubebi. Dösölö̧jinö yökalonö— webijetö Diosma Labánnöma, i̧'wi̧dinö.

Génesis 37:5

Ja̧danö, ju'wi yö̧te Joséma 'wi̧dikwijetö. I'wi̧dikwaja̧ma wilubö yöbawijetö öpöedönö. Ja̧danö, i̧'wi̧dikwaja̧ yöawiawö̧ tjo̧'wo̧ sulinö edö jwiinö öpöjödijadötö öpöedöma Josénöma. Isabenö, ajayi tjöpöjödajemitjö̧ o̧penönö tjo̧'wo̧ sulinö edö öpöjödijadötö jobadöma tjö̧jawo̧ Josénöma.

Génesis 37:9

Ikenama Joséma yemidanö 'wi̧dikwajo̧ wiluibö yöbawijetö öpöedönö: —A̧ja̧kwaduwi yemidanö chi̧'wi̧dikwatö. Ja̧danö, chi̧'wi̧dinö chedatö möle ja̧wo̧nöbi, yö̧te ja̧wo̧nöbi si̧li̧'i̧dönöbi a̧li̧nösamutjö bakwo̧nö nijakwö bȩbachibö ja̧tjobekwö ötjönö—yöbawijetö.

Génesis 40:5

Ja̧danö, ju'wi yö̧te jobadö, owa'do̧ iyawa jojobi, pan otikwa jojobi, ka̧lela ba̧kwaweju okwa ba̧jadöma bakwo̧nökwena 'wi̧dikwijadötö. Bakwo̧nökwena wainö 'wi̧dikwijadötö ja̧ yö̧tema.

Génesis 40:8

—¡Ayö! Ökwödöma jo̧da yö̧tema, bakwo̧nökwena, wainö di̧'wi̧dikwatö. Waiso̧ma labebo loobö jö̧da̧lijayonö bakwo̧bi dea 'wi̧dikwakwawa labebö loawa waiso̧ma— jö̧tja̧lökwe: —Diosda 'wi̧dikwakwawa labebö loobö yöa̧lakwawa waiso̧ma. Diosma ötjönö pjaatobetjö̧ kwi̧'wi̧dikwaja̧duwa yöba̧laduwitjö— jö̧ba̧lijetö.

Génesis 46:2

Ikenama yö̧te ja'ö Israelma a̧ja̧kwijetö jo̧banö Dios jwöi̧ma: —Jacob, Jacob— jwöbijetö. Jwöökwe atadijetö: —Bena chö̧ja— atadijetö.

1 Crónicas 16:21

Jo̧kwaijayonö, ju'wedö tjitebonö kwebachö tjö̧jinajayonö, jobe ju̧kwadö usula tjemawinö ja̧tjoböma weinokobe, la'aka luwedönö lȩbebö weinobe,

Diosnö ösödo̧ Job mikwo̧ usula emawina jawa 33:15

Ju'wikwenama, yö̧te tji̧'wi̧dinö jojodönö yöa̧lena, yö̧te bö̧ti̧ söinö jojodö tjabenama.

Mateo 1:20

Jobekwö omukwatö ö̧jonö, Duluwo̧ weökwe ángelma jo̧banö yöawinobe, i̧'wi̧dinö: —David itji̧ tupadanö jojo José, yebabökönuwi. Maríanö kwemo, kwilekwo bajibanö. Jelo̧nö ja̧bö metu'woma jö̧kuju. Dios O̧'wo̧ Luwo̧ ujulunöda metu'wo ju̧ju.

Mateo 27:19

Pilatoma jobe lȩekwa yöbawo̧ iteaka wa̧kwawaka ö̧bena, ju'wibi baledinobe, ilekwoma jo̧banö yötjawobö wejinobe: —Bite Jesúsnö, sulabenö ja̧bö̧kö̧nö lȩkeba, chilekwe. Jo̧da yö̧te jo̧banö sulabenö chi̧'wi̧dikwobetjö̧ nöinö usula chemawatö— jö̧ba̧lö yötjawobö wejinobe Pilato ilekwoma.