Génesis 20:2 - Dios Iwene

² Jobe ja̧nö, Abrahamma ju'wedönö ilekwo Saranö yöba̧lijetö, Bisuma chöjawuju, jö̧ba̧lö. Jejenö jö̧a̧liökwe Gerar la'aka luwo̧, Abimelec mikwo̧ma webijetö ömöayedönö Saranö jo̧ba ö̧jobekwö tjichejebobö, iteda ilekwo baibanö jö̧jakwujunöma.

Génesis 20:2 Iomraidhean Croise

Génesis 12:15

Ja̧danö, Egipto jojodö tjuluwo̧ma faraón ötjabinökwe. Jo̧ba faraón ömöayedöma Sarainö, jwiinö otiwuju, jö̧ba̧lö, edajadö faraón ö̧jobekwö ȩwa̧jijadötö, Sarai jotiwi̧ma jo̧banö yötjawobö. Jejenö yötjawiökwe jobujunö tjichejebobö webijetö faraónma, iteda ilekwo baibanö emobö. Jejenö weawö̧ faraón ömöayedö Sarai jö̧jobekwö 'ya̧jadöma jobujunö öbibö ȩwa̧jijadötö faraón ejube.

Génesis 20:12

Ja̧danö ju'wibi jö̧ba̧lijetö Abrahamma: — Ju'wibi yöta̧la. Sarama isabenö ötjö chöjawuju, chabe'do itjijujayonö chojo'do jitjijubö̧kuju. Jobujunö chilekwo baibanö chemijatö.

Génesis 21:22

Ja̧danö, ju'wi möle la'aka luwo̧ Abimelecma, guardia tjuluwo̧ Ficol mikwo̧kwö 'yi̧jetö Abraham ö̧jobekwö. 'Ya̧jo̧ ichibö jö̧ba̧lijetö Abrahamnöma: —Abraham, chedemi Diosma ökwökwö pjabatö ö̧jobe, okobe jwiinö kwö̧ji̧ma.

Génesis 26:1

Ja̧ möle jobema okobe jwiinö batjiju junawa wobö loobetjö̧ jojodöma a̧wi̧chö tjöbijadötö. Ajayinö, Abraham ö̧jena kwakwawa jwiinadanö jemitupakwöma yemidanö Isaac ö̧jenama jejenö baibijetö, kwakwawa jwiinö, jojodöma a̧wi̧chö tjötjinö. Ja̧danö, jobetjö a̧wi̧chi̧ tjöbö tjö̧jiökwe Isaacma, ömöledökwö Gerar nijibe 'yi̧jetö tjuju̧kwobö. Jobe la'aka luwo̧, Abimelec mikwo̧ma webö bi̧jetö, filisteos jojodö tjuluwo̧.

Génesis 26:16

Jejenö balediökwe Abimelecma Isaacnö webijetö: —Isaac, ökwödö dö̧jelö labebi jelobe kwi̧'yo. Ökwödönötjö̧ o̧penönö juluwo̧ bakibajabetjö jelobe, wainö kwö̧jo 'ya̧wi— webijetö.

Génesis 26:7

Ja̧danö, jobe Gerar jojodötjö ju'wedö ömadöma Isaacnö abebö a̧ja̧kwijadötö, Rebecanöma, ¿kwilekwoji̧? jö̧ba̧lö. Jejenö abebö atjebiökwe, chöjawuju, jö̧ba̧lö, atadijetö Isaacma. Jejenö atadijetö yebabinö, chilekwo, jö̧ba̧lö, jö̧ta̧litjö̧ma Rebecanö edinö, otiwuju, jö̧ba̧lö, tjo̧'wo̧ sulinö edö kwabö lotjena ötjönöma, Rebecanö tjemibobö.

Proverbios 24:16

Ja̧danö chitji̧, yötawakwö: Ökwöma otiwanö omukwatadö tjö̧ji̧danö kwö̧jo. Wanedö yötawakwö: Otiwanö omukwatadöma yemidanö yemidanöbi, jelemutjö dötölatajanö metjijayonö ba̧kwȩlö̧jatebö tja̧laiba̧lakwedö. Ja̧ jö̧ba̧löma, labi jawa jobadönö baledijayonö katjatibökakobe, jwaikwöda tji̧'yakwedö, wanekwachobe. Jobekwö baledokobe sulabenö ja̧badö metjena. Sulabenö ja̧badöma metjena yemidanöma ala̧iböködö, tjujulu jwitjobetjö̧. Ja̧ jö̧ba̧löma, labi̧ jawa sulabenö ja̧badönö baledena juluwanö söbekwö lotjakwedö jö̧ba̧lö wanekwachobe.

Proverbios 29:25

Ja̧danö, ju'wibi yötawa: Jojodö ökwönö tjo̧mukwati̧ma kwomukwatoko, ayö dakwö tjo̧mukwatobejö̧ ötjönöma, jö̧ba̧lö. Jobekwö kwomukwataja̧ma ökwödada 'daliwanö tjö̧li̧bidanö kwö̧libobö wanekwachobe. Jobekwö omukwatökönö, Isabenö Jo̧nöda kwo̧'wo̧ wa̧na̧lö kwö̧jitjö̧ma yebabökönö otiwanö kwö̧jakwo̧ja.

Proverbios 6:29

Chitji̧, jobekwö labi̧ jawa baledakobe ökwönöma jelo̧ ilekwo̧kwö bakwobe kwö̧jitjöma. Isabenö ökwönö lȩtjebakwo̧ja.

Efesios 4:25

Jo̧kwaobetjö̧, Dios isabenö omukwati̧danö omukwatö kwö̧jaduwobetjö̧, sulabenö omukwatö, omöna yöba̧löma kwö̧jaduwa chömöledö. Ökwödöma bakwo̧nökwena omönama yöka̧laduwoko kwö̧jaduwemi ju̧kwadönöma. Jobadönö, Jesúsnö ösödadönö, jweinö yöka̧laduwo, ökwödöma bakwainö Jesús iteba'obedö dö̧jobetjö̧.

Colosenses 3:9

Ja̧danö kwömöledöduwinöma omöna yöka̧lakwawaduwoko. Jau chömöledö, wanedö yötawa: Kamijido̧ yo̧tjekwi̧danö ökwödöma ida̧ökö sulabenö kwösödinaduwabi, sulabenö ösödö ja̧köbinaduwabi kabatibö yo̧kekwinaduwobe ichejekwa,