Génesis 2:3 - Dios Iwene

³ Ja̧ möle, jelemutjö dötölataja mölema omukwatö dösölö̧jinö edö jö̧ba̧lijetö Diosma: —Biya möle, jelemutjö dötölataja mölema inesö möle baibanö chujuna— jö̧ba̧lijetö Diosma, ja̧ mölema iteda otidawatjö ö'wachö kaatakwawina mölȩobetjö̧.

Génesis 2:3 Iomraidhean Croise

Génesis 1:31

Diosma okobe jwiinö otidaja̧ edinö jwiinö ösödijetö, otiwa, jöba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö jelemutjö bakwöta mölema.

Génesis 2:2

Ja̧danö, iteda otidawatjö okobe jwiinö kaatakwawabetjö̧ ju'wi dewachö möle, jelemutjö dötölataja mölema ö'wachijetö Diosma, otidökönö.

Génesis 2:4

Baikwö laebobe Isabenö Jo̧ Dios ajayinöma mölejȩ, böjȩ öwa̧pedaja̧ ikena baledina jawa: Isabenö Jo̧ Diosma böjȩ, mölejȩ öwa̧pedaja̧ ikena

Éxodo 23:12

Ja̧danö, jelemutjö bakwöta mölȩ baledibanö kwotidaduwi̧ma kwotidaduwo. Jo̧kwaijayonö jelemutjö dötölataja mölȩ, sábado mölȩ baibena kwö'wachaduwo, otidökönö. Jejenö otidökönö kwö'wachaduwo kwajwi ba̧ka̧yö̧bi, bu̧lu̧döbi otidökönö tjö'wachakobetjö̧. Ja̧danö midö eminoko jitji̧bi, ja̧danö jelobetjö̧ ichinadö tjotidobö midö kwiyaduwawö̧bi ö'wachö tjotidokobetjö̧, ja̧danö yemidanö tjujuluwakobetjö̧ ja̧ mölȩma otidökönö kwö'wachaduwo, okobe deinö.

Éxodo 34:21

Ja̧danö, bakwöta semanakwena jelemutjö bakwöta mölȩkwena kwotidaduwo. Jo̧kwaijayonö jelemutjö dötölataja möle baibenama kwö'wachaduwobö jo̧be, otidökönö. Batjo junawa mölȩbiyabi, ja̧danö batjo kwujuninaduwatjö kwmaduwi̧ mölȩbiyabi kwö'wachaduwo otidökönö jelemutjö dötölataja mölȩ baibena, bakwöta semanakwena.

Proverbios 10:22

Ja̧danö, ju'wibi yötawa: Isabenö Jo̧ma otiwanö edö pjaatobe jojodötjö ju'wedönöma, balada tju̧juna̧lobö. Idöda nöinö tjotidi̧ma pjaatokobe tju̧juna̧lobö. Isabenö Jo̧da tju̧juna̧lobö pjabato̧ma.

Marcos 2:27

Ja̧danö ina yöbawijetö otikwökö möle jawa, Dios ja̧ möle 'da̧batö ujunina jawama. Yöbawijetö: —Ökwödöma yöka̧laduwatö, Kwöba̧ja̧di̧ waisachadö sulabenö tjebö tjukwobe otikwökö mölema, jö̧ba̧lö. Abebö cha̧ja̧kwaduwakwö. Diosma ¿tajawedö 'da̧batö ujuninada otikwökö mölema? Jojodönö lȩebobö, Biya̧ ja̧köba, biya̧bi ja̧köba, jö̧ba̧lö, 'da̧batö ujunina möleiji̧? Jejenömaökö. Diosma jojodönö pjabatö 'da̧batö junijetö otikwökö mölema—yöbawijetö Jesúsma—.